2 Dzipfhumu 10:10 - Bhibhiliya Nya Guage

¹⁰ Olu, gu vbweta mu mati gwadi magana ya Pfhumu Nungungulu aya a ganedego khu mahungu nya ndranga ya Akabi. Gimwalo gi na thegago vbavbatshi, kholu Pfhumu Nungungulu tadziside iso a ganedego khavbo ga githumi gyaye Eliya.”

2 Dzipfhumu 10:10 Iomraidhean Croise

1 Dzipfhumu 21:19

U na mu embela, khuwe: Pfhumu Nungungulu wari, khuye: “Guhegula u songide, olu wa gu vbweta gu dzega thomba ya muthu a gu mwalo nandru, gani? U engedza gambe u mu embela, khuwe: Pfhumu Nungungulu a ngu ganela, khuye: Wulangani wu dandzedwego novba wa Nabhoti khu dzimbwa, dzi naya dandzela gambe novba wago.”

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

2 Dzipfhumu 10:17

Jewu, na va vbohide Samariya, a di ya sasela vatshavbo va na Akabi va nga bani na va tshade Samariya, kala a mbembisa vatshavbo kha nga idzo a ganelago khidzo Pfhumu Nungungulu ga Eliya.

2 Dzipfhumu 15:12

Aya khu magana ya Pfhumu Nungungulu a nga embelago Jewu, khuye: “Sanana sago, kala gitugulwana nya wu na; si na khala vbagikhalotunu nya wufumu wa na Israyeli.” Si di girega kharalo.

2 Dzipfhumu 9:36

Khavbo avbo, va di wuya vata mu tivisa; uye a di va embela, khuye: “Aya khu magana ya Pfhumu Nungungulu, a ganedego khu ga githumi gyaye Eliya, Mutesibhi, khuye: Mahangeni ya Jezireyeli, dzimbwa dzi na hodza nyama ya Jezabheli.”

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Marko 13:31

Yi na vbindra ndzadzi ni mafu, aholu magana yangu kha ma na vbindra.”

1 Samuweli 15:29

Wudhumo wa Israyeli wu mwalo malipha ambari gu vbindrugedza, kholu khandri muthu nya gukhuwe a na dzi laya.”

1 Samuweli 3:19

Samuweli a diya na gu dandra, Pfhumu Nungungulu a diri ni uye, ni gimwegyo nya magana a ganedego kha ma diga ma thega vbavbatshi.