2 Dzipfhumu 10:1 - Bhibhiliya Nya Guage

¹ Akabi a diri ni livbandre na mavili magumi sanana dhoropani ga Samariya; Jewu a di lova malangalila, a ma rumela Samariya ga vathangeli va Jezireyeli, ga madhota ni ga sithumi sa Akabi, khuye:

2 Dzipfhumu 10:1 Iomraidhean Croise

1 Dzipfhumu 13:32

Kholu ma na tadzisega magana ya Pfhumu Nungungulu a nga huwelelago khu mahungu nya giluvelo gi guromo Bheteli, gumogo gambe ni dzinyumba dzatshavbo dzi guromo musigomoni sa madhoropani ga Samariya.”

1 Dzipfhumu 16:24

A di renga gigomo gya Samariya ga Semeri khu dzitaleta dzimbili nya parata. A di vbaha lidhoropa mugigomoni momo, a li rana khuye Samariya, khu kotani nya lina la Semeri, a nga bani ari mune nya gigomo gyogyo.

1 Dzipfhumu 16:28

Oniri lade gumogo ni vavelegi vaye, dzingidwe dhoropani ga Samariya, a gu tshikedzwa vbagikhalotunu nya wufumu, khu mwanaye Akabi.

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

2 Dzipfhumu 5:3

Uye a di embela mune waye, khuye: “Naripwani pfhumu yangu yi ngu hongola ga muprofeti a guromo Samariya, uye a di hadza guhawuluga sokono yaye.”

2 Dzikoronika 22:9

Khu hwane a di rumela gu vbwetwa Akazi, vaya mu manela Samariya, umo a nga bani a sihade umo, va mu resa ga Jewu, va ta mu songa; sithumi saye si di mu dzinga, kholu va di khavo: “Oyu mwamana wa Josafati a nga landrago Pfhumu Nungungulu khu monyo waye watshavbo.” Mwalo a manegidego wa nyumbani ga Akazi, gasi gu khala mufumeli.

Hoseya 1:4

Khavbo avbo, Pfhumu Nungungulu a di embela Hoseya, khuye: “Mu riye lina la Jezireyeli, kholu kha nyi na hwela gu tsayisa mufumo wa Jewu, nyi fuvisa mufumo wa linyumba la Israyeli.

Mitengo 11:12

Ina eni nyi di khura mimba nya vathu vatshavbo vava, gani? Gasi kheni nyi nga va velega, gu kala U ganela gukhuwe nyi na va rwale magatani, gufanane ni melegi a velegago gyanana gya beleni, kala nyi va vbohisa ga litigo U sambanyidego gu ninga vababe vawe, gani?

Dhewuteronome 16:18

U na vega valamuli ni dzindruna ga madhoropa yago yatshavbo aya Pfhumu Nungungulu wago, a na gu ningago vbakari nya mahundzu yago, gasi va lamule vathu khu gululama.

Josuwa 15:56

Jezireyeli, Jokidhamu ni Zanowa;

Valamuli 10:4

Uye a diri ni magumararu sanana si nga bani si gu khilela magumararu dziburu, na vari ni magumararu madhoropa va nga bani va ma rana khu lina la Havoti-Jayiri kala na muhuno; va guromo tigoni ga Gileyadhi.

Valamuli 12:14

Abhidhomi a diri ni magumana sanana, ni magumararu situgulwana, si nga bani si gu gimbila na si khilede dziburu nya livbandre na mavili magumi; uye a di khala mulamuli wa Israyeli ndrani nya livbandre na miraru myaga.

Valamuli 8:30

A diri ni livbandre na mavili magumi sanana, satshavbo nya gu velegwe khuye; kholu a diri ni vagadzi nya vangi.