2 Dzipfhumu 1:4 - Bhibhiliya Nya Guage

⁴ Khu guralo, Iso a ganelago Pfhumu Nungungulu khesi: Khu na nga wuga khu vbadawutunu u ladego; kholu u nafa.” Khavbo avbo, Eliya a di khuga a hongola.

2 Dzipfhumu 1:4 Iomraidhean Croise

Genesi 2:17

aholu handro nya simbo nya guti gu hambanisa silo nya sadi niso nyamba sadi, u nga wu hodzi. Kholu litshigu u na gu wu hodzago u nafa.”

Genesi 3:4

Nyoga yi di engedza, yi ganela gambe ga nyamayi, khiyo: “Khu lisine kha mu na ngafa gilo!

1 Dzipfhumu 14:12

Gasi uwe, Khuga u hongole gaya, gikhati migondro yago yi na gu belago dhoropani, gyanana gi nafa.

1 Dzipfhumu 18:2

Eliya a diya dzi wonegisa ga Akabi. Ndzala yi di tshingide ngudzu tigoni ga Samariya khu matshigu yoyo.

2 Dzipfhumu 1:16

Eliya a di embela mufumeli, khuye: “Pfhumu Nungungulu a ngu ganela kharati, khuye: Khu ginani u rumedego myango gu ya wudzisa Bhahali-Zebhubi, nungungulu wa Ekoroni? Ina omu tigoni ga Israyeli mwalo Nungungulu nya guyele gu ya wudzisa gwaye, gani? Khu guralo, vbadawutunu vbovbo u ladego, gima khu na nga wuga, kholu khu lisine u nafa.”

2 Dzipfhumu 1:5

Myango yile yi di wuya ga Akazi, uye a ta yi wudzisa, khuye: “Khu ginani mu vbiredzago gu wuya?”

2 Dzipfhumu 1:6

Avo va di mu hakha, khavo: “Hi di khingwa khu mwama moyo a hi embela, khuye: Bwelelani ga mufumeli a mu rumedego mu ya mu embela, khenu: Pfhumu Nungungulu a ngu ganela kharati, khuye: Ina omu tigoni ga Israyeli mwalo Nungungulu nya gukala u rumela gu ya wudzisa ga Bhahali-Zebhubi, nungungulu wa Ekoroni, gani? Khu guralo, uwe gima khu na nga wuga gambe khu vbadawutunu u ladego; kholu u nafa.”

2 Dzipfhumu 20:1

Khu matshigu yale, Ezekhiya, a di dwala ngudzu nya guhadze gufa, muprofeti Isaya, mwamana wa Amosi, a dita avbo gwaye ata, khuye: “Pfhumu Nungungulu a ngu ganela kharati, khuye: Dongisela gwadi ndrangani gwago, kholu u ngu hadza gufa, khu na nga vbanya.”

2 Dzipfhumu 8:10

Elizewu a di mu hakha, khuye: “Indra u ya mu embela, khuwe: Khu madwali yaya khu na hawuluga; aholu Pfhumu Nungungulu a nyi yeyedzide gukhuye: Khu lisine u nafa.”

Mavingu 11:19

Avo va tiyidego gululamani, va gu mana guvbanya, aholu vale va gimbilago ndzilani nya guwegele, va gu dzi vangela lufu.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Ezekiyeli 18:4

Wonani nya gukhenu mihefemulo yatshavbo ya gu lumba eni; hefemulo wa babe gumogo ni wa gyanana ya gu lumba eni. Wule a nga ghohago khuye a nafago.

Mitengo 26:65

Kholu Pfhumu Nungungulu a di ganede khu mahungu yawe gukhuye va na yafa giwulani; gambe mwalo a nga tshalago, vbavbandze ga Kalebi, mwamana wa Jefoni ni Josuwa, mwamana wa Nuni.

1 Samuweli 28:19

Pfhumu Nungungulu a na ningela nuye Israyeli gumogo nago mandzani ga Vafilisitiya, mindru, uwe gumogo ni sanana sago mu na bani na muri ni eni; Pfhumu Nungungulu a na ningela lizumbo la Israyeli mandzani ga Vafilisitiya.