2 Dzipfhumu 1:2 - Bhibhiliya Nya Guage

² Akazi a nga bani ari vbatshani nya gitezi nya nyumba yaye tigoni ga Samariya, a di thega khu vbagihogotunu ata dzi bayisa ngudzu. Khavbo avbo, a di rumela myango a yi embela, khuye: “Indrani mu ya wudzisa Bhahali-Zebhubi, nungungulu wa Ekoroni, gasi nyi dziti gukheni ina nyi na vbanya ga ngumbe yeyi, gani?”

2 Dzipfhumu 1:2 Iomraidhean Croise

1 Dzipfhumu 11:33

Nyi na gira kharato kholu va nyi pfhurarede vaya khozela Asitaroti, nungungulu wa Vasidhoni, ni Khemosi nungungulu wa va na Mowabhi, ni Milikomu, nungungulu wa sanana sa Amoni, va si gimbili khu dzindzila dzangu, gasi va gira silo nya gululame mahoni gwangu, ni guti milayo ni sileletelo sangu, kha nga babe waye Dhavhidhe.

1 Dzipfhumu 14:3

Dzega likhumi sibaba, dzifiyoso ni libuli nya wulombe, u hongola naso iyo gwaye, uye a naya gu embela iso si vbwetago gudugelela khu gyanana gegi.”

1 Dzipfhumu 22:34

Khu githugedza, mwama moyo a di khwandra nya mukhwandre giholoma, gi penga gi ya hekha mufumeli wa Israyeli khu wutshanganeloni nya gikhweso gyaye nya dzisimbi. Mufumeli a di dzegela gu embela mugimbidzisi nya kareta yaye, khuye: “Dzega kareta u nyi dusa vbakari nya nyimbi, kholu nyi bayisidwe ngudzu.”

1 Dzipfhumu 22:40

Akabi lade gumogo ni vavelegi vaye, wulangani gwaye fumide mwanaye, Akazi.

2 Dzipfhumu 1:16

Eliya a di embela mufumeli, khuye: “Pfhumu Nungungulu a ngu ganela kharati, khuye: Khu ginani u rumedego myango gu ya wudzisa Bhahali-Zebhubi, nungungulu wa Ekoroni? Ina omu tigoni ga Israyeli mwalo Nungungulu nya guyele gu ya wudzisa gwaye, gani? Khu guralo, vbadawutunu vbovbo u ladego, gima khu na nga wuga, kholu khu lisine u nafa.”

2 Dzipfhumu 1:3

Aholu Ngilozi ya Pfhumu Nungungulu yi di embela Eliya, Mutesibhi, magana yaya, khiyo: “Khuga, u ya wonana ni myango ya mufumeli wa Samariya, u yi embela, khuwe: Ina omu tigoni ga Israyeli, mwalo Nungungulu nya gukala u ya wudzisa Bhahali-Zebhubi, nungungulu wa Ekoroni, gani?

2 Dzipfhumu 1:6

Avo va di mu hakha, khavo: “Hi di khingwa khu mwama moyo a hi embela, khuye: Bwelelani ga mufumeli a mu rumedego mu ya mu embela, khenu: Pfhumu Nungungulu a ngu ganela kharati, khuye: Ina omu tigoni ga Israyeli mwalo Nungungulu nya gukala u rumela gu ya wudzisa ga Bhahali-Zebhubi, nungungulu wa Ekoroni, gani? Khu guralo, uwe gima khu na nga wuga gambe khu vbadawutunu u ladego; kholu u nafa.”

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

Joba 31:3

Ina gumbembiswa, khandri gu di emisedwa va nya gu vivbedwa khu myonyo, ni dzimhango kha dzi thegeli avo va girago guvivba, gani?

Gizimba 2:9

Gigodwa gyangu gya gu fanana ni yisya ni mbavalana, kha mu mu woni uyoyo magumbini nya ndranga yathu, a khevisela khu sihogo a sola nyumbani.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 2:6

Kholu uwe Pfhumu Nungungulu, u digide vathu vago va nyumbani ga Jakobe, kholu va dzegelede mavbanyelo nya tumbunugo wa mambe mayigo ya Khugadambo, va gu thumisa wunyanga kha nga Vafilisitiya, va thangana wupari ni va nya mayigo.

Isaya 37:12

Ina vanungungulu nya mayigo yaya va vbulugiside mayigo ma pfhungumudwego khu vababe vangu gani, a gu aya: Gozani, Harani, Resefe gumogo ni sanana sa Edheni, va nga bani na va gu vbanya tigoni ga Telasari, gani?

Isaya 37:19

va vbisedzede vanungungulu vawe, kholu khandri a diri vanungungulu, aholu a diri sifananiso, thumo nya mandza nya vathu, nya guvatwe khu misimbo ni siwindri; khu guralo va si khungumulede.

Matewu 10:25

Gu enede ga mupizane a gu dzi kodza gu fanana ni muhevbudzi waye, ni githumi gu godza mune waye. Ambari nya gukhuwe khu mune ndranga va nga mu vala khavo khuye Bhelizebhu, va na khavo ginani khu ngamo yaye?

Marko 3:22

Ni vahevbudzi nya Nayo va nga bani va dzude khu Jerusalema va di khavo: “Uye a gu fumwa khu Bhelizebhu, khongolo nya maphuvbo nya guvivbe, gambe a gu tutumisa maphuvbo nya guvivbe khu tshivba ya Bhelizebhu.”

Luka 11:15

Aholu vambe va di khavo: “Uye a gu tutumisa maphuvbo nya guvivbe khu tshivba ya Bhelizebhu, khongolo nya maphuvbo nya guvivbe.”

Mithumo 20:9

gikhwathana gimwegyo nya gupwani khu Ewutiko gi nga bani gi khade khu vbajanelatunu, gi di wongomedwa khu ligovbe. Kha nga olu Pawulo a nga simamisa gu ganela, gikhwathana gi di padwa khu ligovbe, gi thega vbavbatshi khu gitezi nya wuraru. Vata gi khusa na gi fude.

Josuwa 15:11

Wu di duga gambe khu phuvbo ga Ekoroni, kala Wuronga, wu hongola Sikeroni, wu vbindra khu gigomoni gya Bhahala, na wu gu dugela Jabineyeli wu ya vbelela yiphwani.

Valamuli 11:24

Ina u nga bomba gu dzega iso nungungulu wago Khemosi a gu ningago, gani? Ethu nethu hi na sayisa iso Pfhumu Nungungulu a dzegedego vambe a hi ninga.

Valamuli 5:28

Mayi wa Sisera a di gu si wona khu vbagihogotunu, a khevisela khu vbagihogotunu, a lila, khuye: Khu ginani kareta yaye yi hwelago gu wuya? Khu ginani gu hwelago gupwala sikingo nya kareta yaye.

1 Samuweli 5:10

Khavbo avbo, va di rumela Ngasa ya Nungungulu tigoni ga Ekroni. Khu guralo, gu di girega gu, na yi vbohide tigoni mule, vathu va Ekroni va di samala va ganela, khavo: “Va di resa eno gwathu Ngasa ya Nungungulu wa Israyeli, gasi guta songa ethu gumogo ni va na gyathu.”