2 Dzipfhumu 1:17 - Bhibhiliya Nya Guage

¹⁷ Akazi a difa, kha nga idzo a ganedego khidzo Pfhumu Nungungulu khu ga muprofeti Eliya. Vbgikhalotunu gwaye nya wufumu a di tshikedzwa khu ndriyaye Joramo, kholu Acazi kha nga velega sanana. Gu di gu vbindra myaga mivili hwane nya gu Joramu, mwamana wa Josafati na khade vbagikhalotunu nya wufumu wa tigoni ga Judha.

2 Dzipfhumu 1:17 Iomraidhean Croise

1 Dzipfhumu 17:16

Wuguvbi kha wa nga vbela gifugoni, ni mafura kha ma nga vbela mu gigasini; kha nga guganela ga Pfhumu Nungungulu, a nga ganelago khu ga Eliya.

1 Dzipfhumu 22:38

Gikhati va nga handza kareta yaye lidhamuni ga Samariya, umo gu hambago vanyamayi nya maphuphulu, dzimbwa dzi diya dandzela novba wa mufumeli. Gu di tadzisega kharati magana ya Pfhumu Nungungulu.

1 Dzipfhumu 22:42

Josafati a diri ni tanga nya magumararu na livbandre myaga avbo a nga emiswago gu khala mufumeli, fumide magumavili na livbandre myaga dhoropani ga Jerusalema. Lina la mayi waye a diri uye Azubha, nyamahegyane wa Sili.

1 Dzipfhumu 22:51

Josafati lade gumogo ni vavelegi vaye, dzingidwe vbafuvbi ga vavelegi vaye, dhoropani ga babe waye Dhavhidhe. Wulangani gwaye, fumide mwanaye Jeyoramo.

2 Dzipfhumu 1:18

Gasi khu mambe matimo ya Akazi ni sigiro saye a giridego, si lovidwe umo nya Libhuku nya Matimo ya Vafumeli va Israyeli.

2 Dzipfhumu 10:17

Jewu, na va vbohide Samariya, a di ya sasela vatshavbo va na Akabi va nga bani na va tshade Samariya, kala a mbembisa vatshavbo kha nga idzo a ganelago khidzo Pfhumu Nungungulu ga Eliya.

2 Dzipfhumu 3:1

Joramo, mwamana wa Akabi, phede gu fumela va na Israyeli, dhoropani ga Samariya, khu mwaga nya likhumi na livbandre na miraru nya gufume ga Josafani, mufumeli wa Judha; fumide likhumi na mivili myaga.

2 Dzipfhumu 9:36

Khavbo avbo, va di wuya vata mu tivisa; uye a di va embela, khuye: “Aya khu magana ya Pfhumu Nungungulu, a ganedego khu ga githumi gyaye Eliya, Mutesibhi, khuye: Mahangeni ya Jezireyeli, dzimbwa dzi na hodza nyama ya Jezabheli.”

2 Dzikoronika 17:1

Josafati, mwamana wa Asa, a di tshikedza wulanga wa babe waye, a phara ndronga nya wufumu, a tiyisa mufumo waye gasi wu si padwi khu va na Israyeli.

Dhewuteronome 34:5

Mosi, githumi gya Nungungulu, a difa avbo vbale, tigoni gwa Mowabhi kha nga idzo a ganedego khidzo Pfhumu Nungungulu.