2 Dzipfhumu 1:14 - Bhibhiliya Nya Guage

¹⁴ Wona nya gukhuwe wu tshigide nilo khu ndzadzini wu ta vbisa dzindruna dzile dza dzimbili nya guphele ni vathu vawe nya livbandre magumi, aholu, eni nya gu gu lomba u vbanyisa womi wangu!”

2 Dzipfhumu 1:14 Iomraidhean Croise

2 Dzipfhumu 1:13

Mufumeli a di rumela gambe khu nyondro nya wuraru mumbe muthangeli nya livbandre magumi ni livbandre magumi vama, avbo uye a nga ya khidzima mbeli ga Eliya a mu lomba, khuye: “Muthu wa Nungungulu, vbanyisa womi wangu, ni wa vathu vava nya sithumi sago nya livbandre magumi.

2 Dzipfhumu 1:15

Ngilozi ya Pfhumu Nungungulu yi di embela Eliya, khiyo: “Relela ni mwama yoyu. U nga khali hwanga khuye!” Eliya a di khuga a relela gumogo naye kala ga mufumeli.

Dzindzimo 116:15

Gu na ni lisima mahoni ga Pfhumu Nungungulu gufa ga sihathwa saye.

Dzindzimo 49:8

kholu gu vbanyisa womi waye i tengo nya wungi ngudzu; muthu gima kha wu kodzi gu wu enedza,

Dzindzimo 72:14

A ngu tshula wugumbini avo va tshaniswago ni gu ghevengwa, kholu novba wawe wu na ni lisima gwaye.

Mavingu 6:26

Nyamayi nya liphuphulu a ngu fidhwa khu gipandre nya gibaba, aholu nyamayi nya gibhayi a gu sota mavbanyelo nya yadi.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

1 Samuweli 26:21

Khavbo avbo, Sawule, a di hakha, khuye: “Nyi ghohide, wuya mwanangu Dhavhidhe, kholu kha nyi na engedza gambe gu gu girela iso nya guvivbe; kholu muhuno u wonide womi wangu na wuri ni lisima mahoni gwago. Esi nyi si giride khu wupumbu, nyi gira gighoho nya gikhongolo!”

1 Samuweli 26:24

Kha nga muhuno, guvbanya gwago gu manidego lisima mahoni gwangu, kharato nugo, womi wangu wu na mane lisima mahoni ga Pfhumu Nungungulu, a nyi vbulugisa gu sanisekani gwangu gwatshavbo.”