2 Dzipfhumu 1:10 - Bhibhiliya Nya Guage

¹⁰ Eliya a di va hakha, khuye: “Nya gu bani nyiri muthu wa Nungungulu, wu na tshige nilo khu ndzadzini, wu ta gu mbembisa gumogo ni vathu vago nya livbandre magumi.” Khu guralo, wu di tshiga nilo khu ndzadzini wu ta mbembisa muthangeli ni vathu vaye nya livbandre magumi.

2 Dzipfhumu 1:10 Iomraidhean Croise

1 Dzipfhumu 22:28

Aholu Mikeya di hakha, khuye: “Wa gu wuya khu gurula, gu yeyedza gupwani Pfhumu Nungungulu kha ganela khavbo gwangu. A engedza gambe, khuye: Mayigo yatshavbo guvbweta ma yingisa esi nyi ganelago!”

2 Dzipfhumu 1:11

Mufumeli a di rumela gambe mumbe muthangeli nya livbandre magumi ni vama nya livbandre magumi, uye a nga ya ganela ga Eliya, khuye: “Muthu wa Nungungulu, mufumeli a leletide gukhuye u tshige khu guvbiredza.”

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Joba 1:16

Na si gu vbedzi gu ganela, gu dita wumbe mwango, wuta, khuye: “Nilo wa Nungungulu wu thegide khu ndzadzini, wuta vbisa tshambi watshavbo nya dzinvuta gumogo ni sithumi, nyi di tshala eni nyenga basi, nyi gu reselago mwango.”

Dzindzimo 105:15

“Mu nga khuhi sihathwa sangu, mu nga tshanisini vaprofeti vangu!”

Dzindzimo 106:18

Wu di tshiga nilo vbakari nya valandreli vawe, wu gu vbisa vathu vale vatshavbo nya guvivbe.

Dhaniyeli 3:22

Guleleta ga mufumeli gu diri ga givbiredza, gidhingiselo gi di vbiside ngudzu avbo malavbelavbe yaye ma nga songa vama vale va nga rinyago niloni, Sadraki, Misaki ni Abhedhi-Nego.

Dhaniyeli 3:25

Azariya na emide vbakari nya malavbelavbe nya nilo, a di gira nombelo yoyu, khuye:

Dhaniyeli 6:24

Mufumeli a di dusa nayo nya gukhuye va reswa vama vale va nga ketsari Dhaniyeli vata rinywa phalani nya dzinghala, gumogo ni vagadzi vawe ni sanana sawe. Avo na va si gu vbohi vbavbatshi, dzinghala dzi di va ndragela dzi va vbadzulela marambo yawe yatshavbo.

Levhi 10:2

Khavbo avbo, gu di duga nilo khu ga Pfhumu Nungungulu, wu va vbisa vafa mbeli ga Pfhumu Nungungulu.

Mitengo 11:1

Va na Israyeli, va di phela gungurangura ga Pfhumu Nungungulu. Gikhati Pfhumu Nungungulu a nga si pwago, a di goroga ngudzu a khondrisa nilo nya guthise lizumboni, wu vbisa dzitshokhani nya lizumbo.

Mitengo 16:35

Khavbo avbo, gu dita khiyo ga Pfhumu Nungungulu, nilo wuta mbembisa avo nya mazana mavili ni livbandre magumi (250) va nga bani va vbiside libani.

Matewu 21:41

Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Luka 9:54

Khavbo avbo, vapizane va Jesu, Jakobe ni Johane, na va wonide esi, va di khavo: “Pfhumu, u ngu dzina gukhuwe hi ranise nilo wa Ndzadzini gasi vata dagarela, gani?”

Mithumo 12:19

Herodhi, na mu vbwetide a si mu mani, a di thethisa dzighadhi, a dzi rumela gu songwa. Na khugide khu Judheya, a di ta Sezareya, a ta khala iyo.

Vahebheru 12:29

Kholu, khu lisine, Nungungulu wathu, nilo nya gupfhungumule.

Gutuledwa 11:5

Uye a na gu vbwetago gu dzi ghohetela, a na khale na gu dziti gukhuye gu na duga nilo khu kanani gwawe, wu na gu vbedzago valala vawe. Vale va na lingago gu dzi ghohetela va na fisa guralo.