1 Thimoti 6:9 - Bhibhiliya Nya Guage

⁹ Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

1 Thimoti 6:9 Iomraidhean Croise

1 Dzipfhumu 21:6

Uye a di mu hakha, khuye: “Kholu nyi nga ganelago ni Nabhoti wa Jezireyeli, kheni: Nyi rengisele lithembwe lago nya miuvha khu dzitsapawu; ni gu, wa gu dzina, nyi na gu ninga limbe lithembwe li tshikedza ilo. Aholu uye a di khuye: Kha nyi na gu ninga lithembwe langu.”

Dzindzimo 11:6

A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Mavingu 20:21

Wa gu phela khu guvbiredzela gu mana thomba, khu guhegisani kha yi na gu ninga makategwa.

Mavingu 21:6

Thomba nya gu yi mane khu gu kanganyisa, ya gu tshatshega gu fanana ni thondrwane, i naphwi wu gu vangelago lufu.

Mavingu 22:16

Uye a tshanisago gisiwana, a gu gi ninga wufumu, aholu uye a ningago gitetema, a gu gi thela wusiwana.

Mavingu 23:4

U nga dzi garadzi khu gu vbweta gu ghanya, mapimo yago, ma nga dzi vegiseli ngudzu umomo.

Isaya 5:8

Libango ga avo va hengeledzelago dzinyumba, avo va engedzelago marembwe gikhati gyatshavbo, kala va gu khala vamune nya malanga yatshavbo nya litigo.

Zakariya 11:5

vale va dzi rengago va gu dzi songa, aholu mwalo va tsayiswago khuye. Gasi vale va dzi rengisago va gu ganela, khavo: A na rungudzwe Pfhumu Nungungulu, kholu nyi khade gitetema! Ambari vahavisi vakone kha vapwi wusiwana khidzo.

Mitengo 31:8

Va di songa gambe ni vafumeli va Vamedhiyani, vbakari ga avo va nga songwago va di romo navo Evhi, Rekemi, Zuri, Huri ni Rebha, a gu livbandre vafumeli va Vamedhiyani; va di songa gambe khu litshari Bhalahama, mwamana wa Bheyori.

Matewu 13:22

Mbewu yi nga thegela mibani, khu wule a pwago mahungu; aholu sigaradzo nya guvbanye ni dzithomba nya mafu si midza mahungu, ma hegisago khu gumba thela gilo.

Matewu 19:22

Na li pwide mahungu yaya, lidzaha lile li di hongola na li gutshaniseka monyoni, kholu li diri ni dzithomba nya dzingi.

Matewu 26:15

“Kharini mu na gu nyi livbago nya gu mi ningani Jesu?” Avo va di mu ninga magumararu singerengere nya silivha.

Matewu 6:19

“Mu nga hengeledzeli thomba mafuni momu, umo yi dzi kodzago gu pfhurela, ni gu hodzwa khu muhwa ni gu phangwa khu dzimbafa.

Marko 4:19

aholu, va gu dzi garadza khu silo nya mafu, va gu padwa khu dzithomba ni gudogorela mafumbo yatshavbo nya silo; satshavbo esi si ngu midza mahungu ma si theli mihandro myonyoni gwawe.

Luka 12:21

Khidzo kharati gu na giregago ga wule a dwanelago gu fuma thomba nya yingi, aholu nasiri gitetema ga Nungungulu.”

Luka 21:35

kholu ilo li nata kha nga naphwi a riyidwego vbakari nya vathu vatshavbo, va mafuni.

Mithumo 8:20

Aholu, Pedro a di mu kawuka khuye; “Indra ni dzitsapawu dzago gumbembani kholu u alakanyide gurenga khu dzitsapawu giningwa gya Nungungulu.

Vaefeso 4:22

Khu kharato, digani tumbunugo nya mavbanyelo yanu ya gale nya gutale khu gudogolela nya gunyenyeze, gu yisago gumbembani.

Dhewuteronome 7:25

U na vbisa khu nilo sifananiso nya guvatwe nya vanungungulu vawe; parata gumogo ni ndralama yi guromo gwawe, u nga yi dogoreli, gambe u nga yi dzegi, gasi u si thegeli naphwini; kholu si nyenyezide ga Pfhumu Nungungulu wago.

1 Thimoti 1:9

Hi ngu dziti nya gukhethu Nayo kha wa vegedwa vale va lulamidego, va landrago guhaladza ga Nungungulu, wu vegedwe vale va si landrisigo, ni vale nyamba yingisa, ni sighohi, ni vale va si mu dzumeligo ni gu thava Nungungulu ni satshavbo nya guage, ni vale va songago babe ni mayi ni vambe vathu,

1 Thimoti 3:7

Gu vbwetega muthu a ningwago githawo ambari khu vambe vathu va walo, gasi a si solegi a thegela naphwini wu riyidwego khu Sathane.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

2 Thimoti 2:26

Khu kharato, va na vbuluga naphwini wa Sathane va hungidwego khuwo, gasi va gire edzi dzaye a dzinago.

Tito 2:12

Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu.

Josuwa 7:11

Israyeli ghohide, a hambanisa gidzumeledzwano gyangu, gile Eni nyi nga mu leletelago, a dzega silo nya gulolele, va si siha, va si pata gumogo ni sibubu sawe.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.