1 Thimoti 6:4 - Bhibhiliya Nya Guage

⁴ uyoyo muthu nya matshandza, gambe khati gilo. Muthu nya gudwale, khwa gu wusa maregera ni guphikizana, lidiwo, milembo, guvalana, gusingedzelana guvivba,

1 Thimoti 6:4 Iomraidhean Croise

Mavingu 13:7

Vomo va dzi girago sitetema, na vari mwalo gilo, ni avo va dzi girago sisiwana, na vari ni dzithomba nya dzingi.

Mavingu 25:14

Muthu a dzi zundzago khu miningelo a ngamba mi dusa, a gu fanana ni mapfhi ni phuvbo yi si wisigo ndzadzi.

Mavingu 26:12

U di nga wona muthu a dzi randrago gugengela, gani? Gomo gutumba nya gukhongolo ga gipumbu guvbindra uye.

Isaya 58:4

Wonani nya gukhenu, mwa gu hala na mu gu ganedzisana ni gu dwanisana, na mu gu vetana khu sibhakela nya dzihanyi; mwa gu hala kharato, nombelo wanu kha wu na vboha ndzadzini.

Mithumo 15:2

Gu di manega gu ganedzisana nya gukhongolo, kholu Pawulo ni Bharinabha va di hambana ngudzu ni sihevbudzo sawe. Va di pwanana vatshavbo va rumela Pawulo ni Bharinabha ni vambe vandruye, va gwela Jerusalema guya wudzisa mahungu yaya ga vapostoli ni madhota.

Mithumo 18:15

Aholu, a gu bani ari mahungu nya guganedzisaneni khu kotani nya lina ni nayo wanu, si woneni enu vamune. Eni nyi ngu bomba gu khala mulamuli nya silo sesi.”

Mithumo 8:9

A di gu vbanya khu gale dhoropani mule mwama moyo nya gupwani khu Simoni a nga bani a gu thumisa wun'yanga a pemba vathu vatshavbo va Samariya, a dzi randra muthu khongolo.

Varoma 12:16

Vbanyani khu monyo moyo, muthu ni muthu a nga dwaneli gu dzi khusedza afela gu zundzwa, aholu dzumelani mithumo nya gusolege. Mu nga dzi giri matshandza khu guti.

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

Varoma 14:1

Wule a sa tiyago gukhodwani gwaye, mu hakheni gwadi, mu nga ganedzisani naye khu kotani nya mawonelo yaye.

Varoma 2:8

Aholu, a na tsayisa khu tshivba ava va mu wugelago, va si dzumeligo lisine, va gu landra ndzila nya guvivbe.

1 Vakorinto 11:16

Aholu, oyu a ganedzago esi a na khale na gu dziti gukhuye ethu hi mwalo giolovedzo gyogyo, ni mabandla ya Nungungulu nayo ma mwalo nagyo.

1 Vakorinto 11:18

Gilo nya guhegule, nya gupwa gupwani mwa gu bani mu tshanganide gu manega guhambana vbakari gwanu. Eni nyi ngu khodwa gukheni, gu ngu manega furi.

1 Vakorinto 3:18

Muthu a nga dzi pfhadzi abune: Oyu vbakari gwanu a dzipwago gukhuye gengede khu magengelelo nya wuthu, a na dzi gire gipumbu, khavbo a na khalago muthu nya guti khu lisine.

1 Vakorinto 3:3

kholu mu nga gu vbanya kha nga vathu va mafuni momu basi. Olu gu manegago wufu ni mayunga vbakari gwanu, ina kha gu yeyedzi gupwani mu nga gu vbanya nga vathu nya mafu, gani? Khandri mwa gu vbanya kha nga avo, gani?

2 Vakorinto 11:20

Mu ngu hakha gwadi ava va mi girago dzikhumbi, va mi sololago, va mi nyenyago, va mi vetago.

Vagalatiya 5:15

Aholu enu mwa gu vbanya nga sirengo, mu gu hodzana ni gu bayisana, dzi woneleni, mu nga hegisa khu gu vbedzana khu gyanu.

Vagalatiya 5:26

Hi nga khali vathu nya matshandza, hi wugelana ni gu girelana lidiwo.

Vagalatiya 6:3

Kholu muthu a gu dzi alakanya gukhuye gilo, nasiri gilo, a ngu dzi pfhadza abune.

Vafilipi 1:15

Nyi ngu dziti gukheni vomo va tivisago Kristo khu mapimo nya mapalisana ni lidiwo gwangu, aholu vambe va gu mu tivisa khu monyo nya gululame.

Vafilipi 2:14

Girani silo satshavbo nyamba ngurangura mwendro gu ganedzisana,

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

Vakolosi 2:18

Mu nga dzumeli gusengwa khu vathu va pfhadzedzelago gu landrisa ni gukhozela dzingilozi dza Nungungulu; vathu nya nga avo va gu ganela khu silo nya gu gima va si gu si woni, va gu dzi gira matshandza va dzi gugumugisa khu mapimo yawe nyamba phasa gilo.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

1 Thimoti 1:4

va si vbedzi gikhati khu gu landrisela silo nya tumbunugo ni sibongo nyamba vbela sa vakokwe. Isoso sa gu wusa guganedzana ni mayunga, kha si giri guhaladza ga Nungungulu, ogu hi gu manago khu gukhodwa.

1 Thimoti 1:7

Va gu dzi gira vahevbudzi nya Nayo na va si siti esi va ganelago, ambari gu si pima ni tiyiso wakone.

1 Thimoti 3:6

Kha gu vbwetegi oyu a gu muphya gukhodwani, a nga dzi khusedza a gu thega gighohoni gya Sathane.

2 Thimoti 2:14

Va embele, u va dundrugisa silo sesi khu lina la Nungungulu, gasi gu si manegi guganedzisana nyamba phasa gilo, gu phalalegisa vale va pwago.

2 Thimoti 2:23

U nga dzumeli gu hakha mahungu nya wupumbu. U ngu dziti gwadi nya gukhuwe ma gu vanga guhambana.

2 Thimoti 3:4

Va nya malipha, va nya mapimo nya guvivbe, va nya gugola gu dzi tsakisa khu silo nya mafu guvbindra Nungungulu.

Tito 3:9

Aholu, nyenya guganedzisana khu silo nyamba phasa gilo, khu longoloko nya malina ya vakokwe, ni gu dwanisana khu mahungu nya nayo; silo soso satshavbo kha si phasi gilo, si mwalo lisima.

Jakobe 1:19

Sitini gwadi esi, vandriyangu nya sigodwa; muthu ni muthu a na vbiredze gupwa, a hwela gu ganela, a hwela gu goroga.

2 Pedro 2:12

Aholu, vathu vovo va ngu fanana ni sivangwa nyambana mapimo, si velegedwago gusotwa si gu songwa. Avo va gu gira matshandza khu silo nyamba siti. Khu guralo, va na pfhungumudwa nga sirengo nya likhabi.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.

Judha 1:10

Khu guralo, vathu vovo va gu poyila esi va si si pimigo. Silo va sitigo khu tumbunugo nya mavbanyelo nga sirengo nyambana mapimo khiso si va pfhungumulago.

Judha 1:16

Vathu vovo va gu ngurangura gikhati gyatshavbo ni gu singedzela vakwawe, va gu landrisela gudogorela nya myonyo yawe, va dzi khusedza, va pfhadza vakwawe.

Gutuledwa 3:17

Kha nga u ganelago, khuwe: ‘Nyi gikhudhudhu, nyi fumide, gi mwalo nyi gi hamugago.’ Aholu khu dziti nya gukhuwe u mutshaniseki, u gisiwana, u gikhumu, u wumbwiri.