1 Thimoti 6:21 - Bhibhiliya Nya Guage

²¹ Nya vangi va pengisidwe khugo, va diga ndzila yawe nya gukhodwe. Wuhigo wa Nungungulu wu na khale ni enu. Amen!

1 Thimoti 6:21 Iomraidhean Croise

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.

Varoma 16:20

Nungungulu nya gurule a na pala Sathane, a mu vega nyamba hwela vbavbatshi nya migondro yanu. Pfhumu yathu Jesu Kristo a na mi kategise.

Varoma 16:23

A ngu mi losedzela nuye Gayo, a nyi hakhidego ni gu hakha libandla latshavbo ndrangani gwaye.

Vakolosi 4:18

Khu gyandza gyangu nyi ngu lova esi: Nyi ngu mi losedzela eni Pawulo. Mu nga divaledwi khu gukhenu nyi hungidwe dzitshinga. Wuhigo wu na khale ni enu!

1 Thimoti 1:19

Vegisa gukhodwa ni mapimo nya lisine. Vambe va digide gukhodwa nya gwadi, va dzimeledwa khugo.

1 Thimoti 1:6

Vambe va ndreyide ga esi silo, va landrela sihevbudzo nyamba phasa gilo.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

2 Thimoti 2:18

Avo va hambanide ni lisine, khavo va vbedzago tshivba nya gukhodwe vambe vathu, khu gukhavo, guwuga ga vafudego gu vbindride.

2 Thimoti 4:22

Pfhumu a na khale ni uwe, wuhigo wa Nungungulu wu na khale ni enu. Amen.

Tito 3:15

Vatshavbo nyi gu navo eno va ngu gu losedzela ngudzu. Losedzela dzipari dzathu khu gukhodwa. Wuhigo wa Nungungulu wu na khale ga enu mwatshavbo.

Vahebheru 13:25

Wuhigo wa Nungungulu wu na khale ni enu mwatshavbo.