1 Thimoti 6:11 - Bhibhiliya Nya Guage

¹¹ Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

1 Thimoti 6:11 Iomraidhean Croise

1 Dzipfhumu 13:1

Khu guruma ga Pfhumu Nungungulu, gu dita muthu wa Nungungulu khu Judha aya Bheteli, gikhati Jerobhowamo a nga bani nari vbagiluvelotunu gasi gu vbisa libani.

1 Dzipfhumu 13:26

Muprofeti a nga mu bweledzago na pwide mahungu yaya a di ganela, khuye: “Uyoyo khu muthu wa Nungungulu a nga hambanisago magana ya Pfhumu Nungungulu! Pfhumu Nungungulu a di mu ningela a songwa khu nghala, kha nga idzo magana ya Pfhumu Nungungulu ma nga bani ma mu leletede khidzo.

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

1 Dzipfhumu 17:24

Khavbo avbo, nyamayi a di ganela ga Eliya, khuye: “Olu nyi ngu dziti gukheni uwe u muthu wa Nungungulu, ni gukhuye; khya lisine magana ya Pfhumu Nungungulu ma dugelago khu kanani gwago.”

1 Dzipfhumu 20:28

Muthu wa Nungungulu, a di hongola ga mufumeli wa Israyeli, aya mu embela, khuye: “Pfhumu Nungungulu a ngu ganela kharati, khuye: Olu Vaasiriya va ganelago, khavo: Pfhumu Nungungulu khwa sigomoni, nasiri Nungungulu wa panini, eni nyi na ningela mandzani gwago, gyatshavbo gidzemo gegi nya gikhongolo, khavbo mu na dzitigo nya gukhenu, Eni kheni Pfhumu Nungungulu.”

2 Dzipfhumu 1:13

Mufumeli a di rumela gambe khu nyondro nya wuraru mumbe muthangeli nya livbandre magumi ni livbandre magumi vama, avbo uye a nga ya khidzima mbeli ga Eliya a mu lomba, khuye: “Muthu wa Nungungulu, vbanyisa womi wangu, ni wa vathu vava nya sithumi sago nya livbandre magumi.

2 Dzipfhumu 1:9

Khavbo avbo, mufumeli a di vbiredza gu mu rumela muthangeli waye nya gikwata nya livbandre magumi, gumogo ni masotshwa yaye nya livbandre magumi. Aya ga Eliya a nga bani na khade tshokatunu nya gigomo, a mu embela, khuye: “Muthu wa Nungungulu, mufumeli a leletede gukhuye u tshiga khu guvbiredza!”

2 Dzipfhumu 23:17

Khavbo avbo, mufumeli a di wudzisa, khuye: “Gialakanyiso gya mani egi nyi gi wonago?” Vathu va dhoropani va di mu hakha, khavo: “Lithowo la muthu wa Nungungulu, a dzudego khu tigoni ga Judha, ata tivisa khu silo sesi u ngari gu si girago khu giluvelo gya Bheteli.”

2 Dzipfhumu 5:20

Geyazi githumi gya Elizewu, muthu wa Nungungulu, a di ganela, khuye: “Nga wonani, mune wangu bombide gu hakha khu mandzani ga Musiriya yoyu, gimwegyo nya iso a ngatago naso; nyi ngu sambanya khu Pfhumu Nungungulu a vbanyago, kheni: Nyi na tutuma nyi mu landra, nyi ya dzega gimwegyo nya esi a gu naso.”

1 Dzikoronika 23:14

Gasi sanana sa Mosi, muthu wa Nungungulu, avo va di sayedwa lihundzuni la na Levhi.

2 Dzikoronika 8:14

Kha nga gu landrisa nayo wa babe waye Dhavhidhe, a di emisa mitsawa nya vaphasi nya mhamba mayelano khu mathumelo yawe, gumogo gambe ni ya na Levhi, mayelano khu mithumo yawe nya guembelele, va dhumisa Nungungulu ni gu phasedzela vaphasi nya mhamba, gukhedza khu fanelo ya moyo ni moyo. A emisa gambe ni vaemeledzi nya dzinyangwa, khu nyangwa ni nyangwa mayelano ni giyemo gyawe. Kholu uyoyo, khuye a nga bani nari nayo wa mufumeli Dhavhidhe, muthu wa Nungungulu.

Nehemiya 12:24

Thumoni nya gudhumise Nungungulu ni gubonga, va na Levhi va di kabanisedwe khu mitsawa, na va gu thangedwa khu Hasabhiya ni Serebhiya, ni Jesuwa, mwamana wa Kadimiyeli ni vandriyaye, mitsawa ya mivili yi di pingulelana, tsawa ni tsawa ni lito laye, kha nga guruma nya sileletelo sa Dhavhidhe, muthu wa Nungungulu.

Nehemiya 12:36

ni vandriyaye, Semaya, Azareli, Milalayi, Gilalayi, Mahayi, Netaneli, Judha ni Hanani na vari ni siwombawomba nya wutsendze sa Dhavhidhe, muthu wa Nungungulu; mulovi Ezira, a di thanga mbeli gwawe.

Dzindzimo 34:14

Ndreya ga esi nya guvivbe, u gira nya sadi; vbweta gurula u gu landrisa.

Dzindzimo 38:20

Avo va bweledzago wuwadi khu wuvivbi, va gu khala valala vangu, kholu eni nya gu landrisa wuwadi.

Mavingu 15:9

Ndzila ya muthu nya guvivbedwe khu monyo, manyala ga Pfhumu Nungungulu, kholu uye a gu gola uye a gimbilago khu ndzila nya gululame.

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Jeremiya 35:4

Nyi di va yisa Nyumbani ga Pfhumu Nungungulu, muhubheni ga sanana sa Hanani, gyanana gya Jigadaliya, muthu wa Nungungulu, a khadego vbafuvbi ni wulanga nya manganagana, gu khadego khu vbatshani nya nyumba ya Maseya, mwamana wa Salumi, ghadhi ya vbanyangwatunu.

Varoma 14:19

Khu kharato, hongoleni hi dzi garadze khu gu vbweta silo sile si hi reselago gurula ni gu tiyiselana gukhodwani.

1 Vakorinto 10:14

Khavbo avbo, sigodwa sangu, mu nga khozelini sithombe nya vanungungulu nya malipha.

1 Vakorinto 14:1

Dzi garadzeni khu gu vbanya khu lihaladzo, mu dogorela siningwa nya Liphuvbo nya Guage, ngudzungudzu giningwa nya gutivise mahungu.

1 Vakorinto 6:18

Thavani wubhayi! Kholu mambe mafumbu yatshavbo nya sighoho a girago muthu, kha si nyenyezisi givili gyaye. Aholu, oyu a girago wubhayi a ngu nyenyezisa givili gyaye.

Dhewuteronome 16:20

U na landra basi gululama, gasi u kodza guvbanya ni gu hakha kha nga thomba litigo lile Pfhumu Nungungulu wago, a na gu ningago.

Dhewuteronome 33:1

Egi khu gikategiso Mosi, muthu wa Nungungulu, a ningidego sanana sa Israyeli, na si gufi.

1 Thimoti 1:14

Gambe wuhigo wa Pfhumu yathu Jesu Kristo wu tade ngudzu, ni gukhodwa ni lihaladzo hi gu nalo ga Kristo Jesu.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

1 Thimoti 6:20

Gigodwa gyangu Thimoti, vegisa gwadi gukhodwa u gu hakhidego nga thomba. Ndreya ga maganelelo nya litigo ni gu ganedzana khu guti nya malipha.

2 Thimoti 2:21

Khu kharato, oyu a handzegidego ga silo sesi, a na khala nga gyombo gi agidego, gi hathwa khu mune wa igyo a gi dongisela gu thuma satshavbo nya sadi.

2 Thimoti 2:22

Uwe u nga hengeli ni madzaha u dogorela esi nyamba yela. Vbweta lisine, ni gukhodwa ni lihaladzo ni gurula ga vatshavbo vale va lombelelago ga Pfhumu khu myonyo yi agidego.

2 Thimoti 3:10

Uwe u landrede gwadi sihevbudzo sangu, mavbanyelo, maalakanyo, gukhodwa, guhunisela, lihaladzo, gutiya,

2 Thimoti 3:17

gasi muthu wa Nungungulu a khale nya guvbelele, a kodze gu gira mithumo yatshavbo nya yadi.

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

1 Pedro 3:11

A na ndreye ga silo nya guvivbe, a gira iso nya sadi; a na vbwete gurula, a gu landrisa.

1 Samuweli 2:27

Tshigu mwedo, muthu wa Nungungulu, a dita ga Eli a ta mu embela, khuye: “Pfhumu Nungungulu wari, khuye: Ina kha nya dzi wonegisa nya dzadi ga ndranga la babe wago, gikhati va nga bani vari tigoni ga Egipito, na va gu fumwa khu Faro, gani?

1 Samuweli 9:6

Aholu githumi gi di mu phindrula, khigyo: “Dhoropani momu womo mwama moyo wa Nungungulu, a gu muthu nya guthavisege; satshavbo a profetago sa gu girega; olu hongole iyo gwaye, a gu dzina saye, a naya hi embela ndzila hi na gu bela khiyo.”