1 Thimoti 6:1 - Bhibhiliya Nya Guage

¹ Vale va gu dzikhumbi va na ninge githawo ga vafumeli vawe, gasi gu si poyidwi lina la Nungungulu gumogo ni nayo waye.

1 Thimoti 6:1 Iomraidhean Croise

Genesi 16:9

Ngilozi ya Pfhumu Nungungulu yi di mu embela, khiyo: “Bwelela ga mune wago, u ya dzi thesa vbavbatshi mbeli gwaye.”

Genesi 24:12

Githumi gi di ganela khu monyoni gwaye, khigyo: “Pfhumu Nungungulu wa Abrahama, mune wangu, Gira khuwe nyi mane muhuno egi nyi gi vbwetago, wonegisa wuwadi wago ga mune wangu Abrahama.”

Genesi 24:2

Abrahama a di embela githumi gyaye nya gikhongolo gya ndrangani gwaye, egi gi thangelago silo saye satshavbo, khuye: “Vega mandza yago vbanyongatunu gwangu,

Genesi 24:27

a ganela, khuye: “A na rungudzwe Pfhumu Nungungulu wa mune wangu Abrahama, a ngamba diga gu wonegisa wuwadi ni gutumbega ga mune wangu, a nga nyi gimbidzisa kala ndrangani ga valongo va pfhumu yangu.”

2 Samuweli 12:14

Aholu kha nga u gorosidego Nungungulu khu iso u giridego, khu lisine mwamana a gu velegedego a nafa.

2 Dzipfhumu 5:13

Aholu sithumi saye si di hidzimela vbafuvbi gwaye si mu embela, khiso: “Baba, naripwani muprofeti a di gu embela gimbe gilo nya gikhongolo, ina wa sa gira, gani? Ahati olu a gukhuye: Indra u ya hamba, u na agiswa, ina khu faneli gu si gira, gani?”

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 52:5

Olu avba ginani nyi na girago? A ngu wudzisa Pfhumu Nungungulu, olu vathu vangu va modwego vbavbandze nya nandru? Avo va va fumelago va gu va hembulula, a ngu ganela Pfhumu Nungungulu; lina langu la gu vadwa khu litshigu ni litshigu.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Ezekiyeli 36:20

Ga mayigo va vbindridego khumo, avo va di ya nyenyezisa lina langu nya guage, khu guralo, va di gu ganela mayelano khu avo, khavo: Ava vathu va Pfhumu Nungungulu, avo va dusidwe khu ga litigo va ningidwego.

Ezekiyeli 36:23

Avbo nyi na gu yeyedzago mayigo guaga nya lina langu nya likhongolo, mu li nyenyezisidego vbakari nya mayigo, khavbo avbo, mayigo ma na dziti gukhayo eni kheni Pfhumu Nungungulu, a ngu ganela Mune Pfhumu Nungungulu.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Matewu 11:30

Kholu sileletelo sangu kha si garadzi, ni pingwi wangu wu vbevbugide.”

Matewu 11:9

Gasi ginani mu nga ya gi wona, na? Muprofeti? Ina. Khidzo nyi mi embelago, guvbindra ni muprofeti.

Luka 17:1

Jesu a di embela vapizane vaye, khuye: “Sikhunguvanyiso kha si vhikedwi, aholu libango khya wule a si girago.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

Mithumo 15:10

Khu ginani olu mu vbwetago gu linga Nungungulu khu gu rwega vapizane pingwi nya gu ambari vababe vathu ni ethu kha wu hi vbevbugeli gu wu rwala?

Varoma 2:24

Khidzo kharati, Milowo nya Guage, yi gu, khiyo: “Lina la Nungungulu li ngu vadwa vbakari nya va nya mayigo khu kotani yanu.”

1 Vakorinto 10:32

Mu nga khali gikhunguvanyiso ga Vajudha, ga va nya mayigo mwendro ndrani nya libandla la Nungungulu.

Vagalatiya 5:1

Kristo a hi tshude gasi hi mane gutshulega nya lisine. Khu kharato, tiyani mugutshulegani gwanu, mu nga bweleli hwane mu khala gambe dzikhumbi.

Dhewuteronome 28:48

Khu guralo, u na thumela valala avo Pfhumu Nungungulu a na gu va rumela avbo gwago, va ta gu tshanisa khu ndzala, lidora, wuhagadzo ni wusiwana nya wukhongolo ngudzu; avo va na gu rwega kanga nya dzisimbi nya gulemele thamoni gwago, kala va gu mbembisa.

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

Tito 2:5

va kodze gu dzi phara ni gurula, ni gu sayisa dzindranga dzawe, va yingela vama vawe, gasi vathu va si ganeli guvivba khu Mahungu ya Nungungulu.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.