1 Thimoti 5:8 - Bhibhiliya Nya Guage

⁸ Oyu a si sayisigo valongo vaye, ngudzungudzu va ndrangani gwaye, bombide gukhodwa guvbindra wule nyamba khodwa.

1 Thimoti 5:8 Iomraidhean Croise

Genesi 30:30

Kholu esi u nga bani uri naso gale, nyi si gu vbohi, a diri sidugwanana, olu satshavbo si engedzelane ngudzu; Pfhumu Nungungulu a gu kategiside khavbo gwangu. Ahati eni, lini nyi na gu thumelago neni ngamo yangu?”

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Matewu 18:17

A gumba va yingisa, mu ningele ga libandla; a gumba vbweta gu yingisa libandla, mu vege kha nga muhedheni mwendro kha nga mukhuphisi.

Matewu 7:11

Nga wonani: Ambari enu nya gukhenu mu vivbedwe khu myonyo mu dzi kodzago gu ninga silo nya sadi sanana sanu, ahati Babe wanu a guromo Ndzadzini kha na nga ninga silo nya sadi vale va mu lombago, gani?

Johane 15:22

Nari pwani kha nya va tivisa, va diri mwalo nandru; gasi olu va mwalo divalelo.

1 Vakorinto 6:6

Aholu, gu manega gu muthu a tutumela gu hongola phathani ga va nya mayigo aya thela umo ketso ndriyaye; a ningela, kharati mahungu yawe ma lamudwa khu vathu nyamba khodwa.

2 Vakorinto 12:14

Nyi dzi emisede guta nya wuraru iyo gwanu. Ambari ulo kha nyi vbweti guta mi lemedzani. Eni nya guvbweta enu basi, kha nyi vbweti esi si gu sanu. Kholu khandri sanana si vegelago vavelegi, khu vavelegi va vegelago sanana.

2 Vakorinto 6:15

Gu mwalo gu hengela Kristo ni Sathane kha nga gambe gu gu mwalo ga oyu a khodwago ni oyu nyamba khodwa.

Vagalatiya 6:10

Khu kharato, olu hi ngarigu ni gikhati, hongoleni hi girela esi nya sadi vathu vatshavbo, ngudzungudzu vandriyathu gukhodwani.

2 Thimoti 2:12

Ha gu saniseka gumogo naye, hi na fuma naye. Ha gu mu danga, uye nuye a na hi danga.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.

Gutuledwa 3:8

Nyi ngu mati mavbanyelo yago. Nyi tude lidimba mbeli gwago, mwalo a li kodzago gu li sega. Nyi ngu dziti nya gukheni tshivba yago yi dugwanana, aholu u vegedzide magana yangu, khwa danga lina langu.