1 Thimoti 5:6 - Bhibhiliya Nya Guage

⁶ Aholu, oyu a dzi ningedzelago gutsakisa givili, ambari na gu vbanya, fude.

1 Thimoti 5:6 Iomraidhean Croise

Genesi 2:17

aholu handro nya simbo nya guti gu hambanisa silo nya sadi niso nyamba sadi, u nga wu hodzi. Kholu litshigu u na gu wu hodzago u nafa.”

Mavingu 29:21

Uye a henago githumi gyaye gukhugela wudzahani waye, khu guhegisa gi na mu lomba gu khala gyanana gyaye.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Jeremiya 6:2

Nyamahegyane nya gumbure ni wukheta wa Siyoni, eni nyi na mu gira marumbi.

Gililo 4:5

Avo va nga bani va hodza mafura, va gu thega dzindzilani khu ndzala. Avo va nga dandriswa khu dzingandzu nya siwunguwungu, olu va gu galagasela matalani. Vau

Matewu 8:22

Jesu a di mu hakha, khuye: “Uwe nyi landre. Va dige vafi va dzinge vafi vakwawe.”

Luka 12:19

Khavbo avbo, nyi na embela hefemulo wangu, kheni: Hefemulo wangu, u nga saniseki; hodza, sela, tangala, kholu u fumide thomba u na hodzago myaga nya mingi.’

Luka 15:13

Na ma vbindride matshigwana, mwama nya nandra a di donga lipfhumba, a gu dzega silo saye satshavbo, a pepetega ni mayigo, aya phalalegisa thomba yaye yatshavbo ni mibhedzwa.

Luka 15:24

kholu mwamana yoyu wangu a di fude, olu a ngu vbanya; a di dzimede, olu manegide.’ Khavbo avbo, buzo wu di phela.

Luka 15:32

Aholu hi na ni fanelo nya gugire buzo, hi tsaka, kholu ndriyago a di fude, olu a ngu vbanya; a di dzimede, olu manegide.’ ”

Luka 16:19

A diromo mwama moyo nya gitetema a nga bani a gu ambala dzingandzu nya wuzundzo ni gu hodza gwadi matshigu yatshavbo.

Luka 7:25

Gasi ginani mu ngaya gi wona? Muthu nya gu ambale sombo nya gumbure, gani? Avo va si hamugigo gilo ni gu ambala gwadi va gu dugela dzindrangani nya vafumeli.

Vaefeso 2:1

Gale mu di fude hefemuloni khu kotani nya sihoso ni sighoho sanu. Uye a mi ningide guvbanya.

Vaefeso 2:5

Ethu hi nga bani hi fude khu kotani nya sighoho sathu, a hi wuside khu ga Kristo. Enu mu vbanyisidwe khu wuhigo.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Dhewuteronome 28:54

Mwama nya ndruda, nya monyo nya wadi ngudzu vbakari gwanu, a na khala ligungo, a khedza ndriyaye khu maho nyambasi yadi, a vengelela mwangadzi waye nya gu mu haladze gumogo ni sanana saye si na gu bani si nga tshade,

Dhewuteronome 28:56

Nyamayi nya ndruda ngudzu ni wukheta vbakari gwanu, a si vbwetigo ni gu gandra vbavbatshi khu ngodro waye khu kotani nya gu dzi tshandze gwaye, a na gira ligungo, a na khedzisa khu maho nyambasi yadi mwama waye nya gu mu haladze, sanana saye nya sikhwathana niso nya sagadzyana;

Vakolosi 2:13

Enu mu di fude khu kotani nya sighoho sanu ni kotani nya tumbunugo nya mikhuwo yanu nya giwuthu, aholu, Nungungulu a mi ningide nyaluphye guvbanya ni Kristo, a gu hi divalela sighoho sathu satshavbo.

2 Thimoti 3:6

Kholu vbakari gwawe khavo va belago khu nyumba ni nyumba va kanganyisela vanyamayi vale nyamba tiya, vale va landriselago silo nya gighoho, va ndrindrwa khu gudogolela gwatshavbo.

Jakobe 5:5

Enu mu vbanyide mafuni momu khu manonwa ni gu dzi londrola. Khu guralo, mu enide nga dzimombe dziyago gusongwani.

Gutuledwa 18:7

Mu ningeni gutshaniseka ni wuvi nya guningane ni gidhumo, ni gutshamba a nga gu pwago, kholu khu monyoni gwaye wari, khuye: ‘Nyi khade vbagikhalotunu nya wufumu kha nga mufumeli, kha nyiri noni, gambe gima kha nyi napwa wuvi.’

Gutuledwa 3:1

Lovela ngilozi ya libandla la Sardhesi, khuwe: “Wule a gu ni livbandre na mavili maphuvbo ya Nungungulu ni livbandre na dzimbili dzinyeledzi, wari, khuye: Nyi ngu yiti mithumo yago, u na ni ndruma nya gupwani u ngu vbanya. Gasi u fude.

1 Samuweli 15:32

Samuweli a di ganela, khuye: “Nyi reseleni Agagi, mufumeli wa Vaamaleki.” Agagi a di hidzimela na tangade, na gu alakanya gukhuye: “Khu lisine guvbisega nya gufe gu vbindride.”

1 Samuweli 25:6

Mu embela gitetema gile, khenu: Gurula gu na khale ni uwe, ni ndrangani gwago gu na gumanege gurula, ni satshavbo iso u gu naso si na mane gurula!