1 Thimoti 5:5 - Bhibhiliya Nya Guage

⁵ Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

1 Thimoti 5:5 Iomraidhean Croise

Dzindzimo 91:4

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 49:21

Uwe u na ganela khu monyoni gwago, khuwe: “Khu mani a nyi velegedego sanana sesi? Kholu nyi fedwe khu sanana, kha nya nga tshuka nyi mana simbe; bwelo khavbo nyi diri mulegalegi wugumbini, khu mani a nyi sayisedego sanana sesi? Nyi di tshade na nyiri nyenga, gasi ava va diri hayi?”

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Gililo 1:13

Rumede nilo khu vbatshani wu ta vbisa marambo yangu. A nyi dembide khu naphwi nyi tshunganela nyi thega khu nyagihwane; a nyi tshide na nyiri marumbi, nyi khala gutshanisekani litshigu latshavbo. Nuni

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Luka 2:37

Gi vbanyide ni mwama waye livbandre na mivili myaga. Na gi tshidwe, gi di vbanya kha nga gifurugadzi kala gi nga enedza livbandre na mararu magumi na mina (84) myaga. Gi di gu khala Nyumbani ga Nungungulu, umo gi nga bani gi thumela Nungungulu wutshigu ni mihani, na gi lombelela ni gu hala.

Mithumo 26:7

Mahundzu yatshavbo nya likhumi na mavili ya na Israyeli, momo vbakari nya guvirele gu wona gu tadzisega nya gitumbiso gyogyo. Khu kotani nya egi gitumbiso va ngu khozela Nungungulu wutshigu ni mihani nyamba rereka. Khigyo gitumbo gegi, amanawe mufumeli Agiripa, gi vangelago ketso yatshavbo nyi giredwago khu Vajudha.

Mithumo 6:1

Khu matshigu yale, tengo nya vathu va nga dzumela gu khodwa, wu di gu engedzelana litshigu ni litshigu. Gu di manega gisolo tsawani nya Vagreki va gu phela gu wugela tsawa nya Vahebheru. Kholu sifurugadzi nya tsawa nya Vagreki si di gu divadwa gikhatini nya gukabaniswe silo nya siphasedzelo.

Mithumo 9:39

Pedro a di dzegela gu khuga a gu hongola navo. Na vbohide, va di mu yisa nyumbani ga vbatshani; dzinoni dzatshavbo dzi di hidzimela vbafuvbi gwaye, dzi mu yeyedza dzingandzu ni myendra a nga sonago Tabhita, na nga gu vbanya navo.

Mithumo 9:41

Pedro a di mu phara khu mandza, a mu phasa gu khuga a ema. Khavbo avbo, a di rana sihathwa ni dzinoni a va ninga muthu wawe na gu vbanya.

Varoma 1:12

Nya gu gola gukheni hita tiyiselana hatshavbo: Eni nyi tiyisedwa khu gukhodwa gwanu, ni enu mu tiyisedwani khu gwangu.

Varoma 1:5

Khu uye, hi hakhide wuhigo nya gukhale Vapostoli, gasi hi wuyisa vathu nya mahundzu yatshavbo va khodwa ga Nungungulu va dhumisa lina laye.

1 Vakorinto 7:32

Nya gu gola mu vbanye na mu tshulegide sigaradzoni. Kholu oyu a gu mwalo lipango, a gu thela kota khu silo sa Pfhumu, a gu dzi garadza khu gukhuye a na nengedzisa kharini Pfhumu.

1 Vakorinto 7:34

A gu khala na kabanegide. Khidzo gambe kharato, nyamayi a ngamba dzegwa, ni nyamahegyane nya likendzi va gu thela kota khu silo sa Pfhumu gasi va khale va nya guaga milini ni hefemuloni. Aholu nyamayi a dzegidwego a gu thela kota khu silo nya mafu, a gu dzi garadza khu gukhuye a na nengedzisa kharini mwama waye.

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

1 Thimoti 2:1

Guhegula, nya gu lomba gukheni milombelo ni gu lomba ni gulombelela ni gubonga yi na giredwe vathu vatshavbo ga Nungungulu,

1 Thimoti 5:16

A gu bani a romo nyamayi nya mukhodwa, a gu ni dzinoni ndrangani gwawe, a na dzi sayise, gasi libandla li si lemedwi, li kodza gu sayisa dzinoni nyambana wawe.

1 Thimoti 5:3

Sayisa dzinoni dzi gu mwalo wawe nya gusayiswe khuye.

2 Thimoti 1:3

Nyi ngu bonga Nungungulu, oyu nyi mu thumelago khu mapimo nya lisine, nga edzi va nga girago vakokwe vangu. Gikhati gyatshavbo nyi ngu gu dundruga wutshigu ni mihani milombeloni gwangu.

1 Pedro 3:5

Khidzo kharato, vanyamayi va gale nya ndruda va nga bani va dzi mburisela khidzo, va di vega gutumba gwawe ga Nungungulu, ni gu yingisa vama vawe.

Rute 2:12

Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”