1 Thimoti 5:4 - Bhibhiliya Nya Guage

⁴ Aholu, va gu bani vari ni sanana mwendro vatugulu, va ngu yela gu girela githawo valongo vawe, ni gu va bweledzela wuhindzi va nga giredwa khu sikhosane sawe. Kholu, khiso si tsakisago mahoni ga Nungungulu.

1 Thimoti 5:4 Iomraidhean Croise

Genesi 47:12

Josefa a di sayisa babe waye ni vandriyaye gumogo ni ngamo yatshavbo ya babe waye, a va ninga guhodza gukhedza khu tengo nya sanana sawe.

Genesi 47:28

Jakobe vbanyide likhumi na livbandre na mivili myaga tigoni ga Egipito; matshigu nya guvbanye gwaye lizana ni magumana na livbandre na mivili (147) myaga.

Joba 18:19

Gima kha va na mana gyanana ambari tugulu, tigoni gwawe, ambari gutshala moyo nya guvbanye dzindrangani gwawe.

Mavingu 31:28

Sanana saye sa gu wuga, sa gu mu zundza, mwama waye nuye, a mu zundza, khuye:

Isaya 14:22

Kholu, Pfhumu Nungungulu nya Tshivba Yatshavbo, a ngu ganela, khuye: “Nyi na va wugela, nyi fuvisa lina la Bhabhiloni, nyi songa mitshaledwa yaye, livelego laye ni situgulwana.” A ngu ganela Pfhumu Nungungulu.

Luka 2:51

Khavbo avbo, a di relela navo a hongola Nazareta; a di gu va yingela. Mayi waye a di vegedza satshavbo sesi monyoni gwaye.

1 Thimoti 2:3

Khidzo gu vbwetegago khidzo. Khidzo a dzinago Nungungulu, Muvbanyisi wathu.

1 Thimoti 5:16

A gu bani a romo nyamayi nya mukhodwa, a gu ni dzinoni ndrangani gwawe, a na dzi sayise, gasi libandla li si lemedwi, li kodza gu sayisa dzinoni nyambana wawe.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

Valamuli 12:14

Abhidhomi a diri ni magumana sanana, ni magumararu situgulwana, si nga bani si gu gimbila na si khilede dziburu nya livbandre na mavili magumi; uye a di khala mulamuli wa Israyeli ndrani nya livbandre na miraru myaga.

Rute 2:18

A di dzega tirigu yoyo a wuya nayo dhoropani; nasale waye a di wona esi a nga ya si manago; a di dusa gambe esi a nga si tshiyago gikhati a nga hodza.

Rute 2:2

Rute, nya lifumbu la Mowabhi, a di embela Nowemi, khuye: “Nyi dige nyi hongola thembweni nyi ya roledzela mitshaledwa nya sivbila ga uye a na gu nyi girelago wuhigo.” Nowemi a di mu embela, khuye: “Indra, mwanangu.”