1 Thimoti 5:25 - Bhibhiliya Nya Guage

²⁵ Khu magirelo ya mamowo, mithumo ya yadi, eyi yi tidwago ni eyi nyamba tidwa gima kha yi na sihala.

1 Thimoti 5:25 Iomraidhean Croise

Mavingu 10:9

Uye a lulamidego a gu gimbila na tiyide, aholu uye a gimbilago khu dzindzila nya guwegele, a na tugudwa.

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Luka 11:33

“Mwalo a rothago kandriya a yi vega wulangani nya gusihale, mwendro saye gu yi fenengedza khu gitundru. Aholu a gu yi vega avbo yi dzi kodzago gu wenengedza khavbo nyumbani gwatshavbo.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 22:12

“A diromo mwama moyo nya gupwani khu Ananiya, muthu nya ndruda khu Nayo. Vajudha vatshavbo va di gu ninga wukustumunyu khu wuwadi waye.

Mithumo 9:36

Tigoni ga Jope a di romo, vbakari nya vapizane, nyamayi moyo nya gupwani Tabhita, gu tshamusago gupwani “Yisya!” Adiri muthu nya mithumo ya yadi, a di phasedzela sisiwana.

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

1 Thimoti 3:7

Gu vbwetega muthu a ningwago githawo ambari khu vambe vathu va walo, gasi a si solegi a thegela naphwini wu riyidwego khu Sathane.

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”