1 Thimoti 5:14 - Bhibhiliya Nya Guage

¹⁴ Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

1 Thimoti 5:14 Iomraidhean Croise

Tito 2:5

va kodze gu dzi phara ni gurula, ni gu sayisa dzindranga dzawe, va yingela vama vawe, gasi vathu va si ganeli guvivba khu Mahungu ya Nungungulu.

1 Thimoti 6:1

Vale va gu dzikhumbi va na ninge githawo ga vafumeli vawe, gasi gu si poyidwi lina la Nungungulu gumogo ni nayo waye.

Tito 2:8

Ganela silo nya lisine, gasi a si manegi muthu nya gu gu kawuke, va fela gu khala dzitshoni valala vathu khu gu hamuga gilo nya guganele khu mahungu yathu.

1 Thimoti 4:3

Va embela vathu gukhavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu.

Dhaniyeli 6:4

Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Mavingu 14:1

Nyamayi nya guti a ngu dzi vbahela ndranga yaye, aholu gipumbu gya gu yi pfhungumula khu mandza yaye.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

1 Thimoti 5:11

U nga dzumeli gu hakha dzinoni dzi ngarigo sagadzyana kholu va nga dogorela gudzegwa, va hambana ni Kristo,

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

2 Vakorinto 11:12

Aholu esi hi girago, nyi na simamisa gu si gira. Kha hi vbweti gu ninga wulanga vale va dzi khusedzago ni gu alakanya khavo va ngu fanana ni eni.

Varoma 14:13

Khu kharato, hi nga lamuli vakhwathu. Hi na dzi garadze khu gumba gira ni gimwegyo gilo gi dzi kodzago gu tshunganedzisa vakhwathu va thega gighohoni.

2 Samuweli 12:14

Aholu kha nga u gorosidego Nungungulu khu iso u giridego, khu lisine mwamana a gu velegedego a nafa.

Genesi 18:9

Va di mu wudzisa, khavo: “Womo evbini, mwangadzi wago Sara?” Uye a di hakha, khuye: “Womo tshatshani.”

Genesi 18:6

Abrahama a di vbiredza gu bela tshatshani gwaye aya ganela ni Sara, a mu embela, khuye: “Vbiredza u baga sipimo siraru nya wuguvbi u suga u gira sibaba.”

Jeremiya 29:6

Dzegani vanyamayi mu velega sanana nya sikhwathana ni sagadzyana, lowodzani vanyamayi sanana sanu nya sikhwathana, ni gu lowodzisani sanana sanu nya sagadzyana, gasi si velege sanana nya sikhwathana ni sagadzyana; velegelanani iyoyo mu nga vbungugi.