1 Thimoti 4:7 - Bhibhiliya Nya Guage

⁷ Nyenya mitsheketo nya guvivbe ya vagale, u dzi garadza khu gu vbanya gukhodwani.

1 Thimoti 4:7 Iomraidhean Croise

Mithumo 24:16

Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

1 Thimoti 1:4

va si vbedzi gikhati khu gu landrisela silo nya tumbunugo ni sibongo nyamba vbela sa vakokwe. Isoso sa gu wusa guganedzana ni mayunga, kha si giri guhaladza ga Nungungulu, ogu hi gu manago khu gukhodwa.

1 Thimoti 1:9

Hi ngu dziti nya gukhethu Nayo kha wa vegedwa vale va lulamidego, va landrago guhaladza ga Nungungulu, wu vegedwe vale va si landrisigo, ni vale nyamba yingisa, ni sighohi, ni vale va si mu dzumeligo ni gu thava Nungungulu ni satshavbo nya guage, ni vale va songago babe ni mayi ni vambe vathu,

1 Thimoti 2:10

Va na ambale nga edzi gu yelago khidzo vanyamayi, va dzi garadze khu gu tsakisa Nungungulu khu mithumo ya yadi, kha nga edzi gu lombago khidzo ga vanyamayi va khodwago.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

1 Thimoti 6:20

Gigodwa gyangu Thimoti, vegisa gwadi gukhodwa u gu hakhidego nga thomba. Ndreya ga maganelelo nya litigo ni gu ganedzana khu guti nya malipha.

1 Thimoti 6:3

A gu bani a romo muthu a hevbudzago silo nya guhambane, a si landri sihevbulo nya lisine sa Pfhumu yathu Jesu Kristo, a gu sihevbulo nya gululame,

1 Thimoti 6:5

ni guganedzana nya mahala, vathu nyambana mapimo, va guromo hwindzo ni lisine. Avo va gu dzega gukhodwa va gu gira wugwewo.

2 Thimoti 2:16

Hambana ni mabhulo nya guvivbe ma si phasigo gilo, kholu, ma ngu engedzela vathu gumba khodwa.

2 Thimoti 2:23

U nga dzumeli gu hakha mahungu nya wupumbu. U ngu dziti gwadi nya gukhuwe ma gu vanga guhambana.

2 Thimoti 3:12

Vatshavbo vale va vbwetago gu vbanya khu gukhodwa ga Kristo Jesu va na saniswa.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

2 Thimoti 4:4

Va na diga gu yingisa sihevbudzo nya lisine va gu tutumela mitsheketo.

Tito 1:14

Va nga luzi gikhati khu gu yingisela mitsheketo nya guganedwe khu Vajudha, ni sihevbudzo nya tumbunugo nya guvangwe khu vathu va hambanago ni lisine.

Tito 2:12

Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu.

Tito 3:9

Aholu, nyenya guganedzisana khu silo nyamba phasa gilo, khu longoloko nya malina ya vakokwe, ni gu dwanisana khu mahungu nya nayo; silo soso satshavbo kha si phasi gilo, si mwalo lisima.

Vahebheru 5:14

Guhodza nya vathu vakhongolo khogu nya gutiye, kholu avo va hevbude va kodza gu hambanisa esi nya sadi ni esi nya guvivbe.