1 Thimoti 4:4 - Bhibhiliya Nya Guage

⁴ Kholu satshavbo esi Nungungulu a nga si vanga khyadi, gimwalo ni gimwegyo gi yelago gu nyenywa. Ha gu si hakha, hi na bonge Nungungulu.

1 Thimoti 4:4 Iomraidhean Croise

Genesi 1:31

Nungungulu a di wona gukhuye sigiro Saye satshavbo si diri sadi ngudzu. Li di pfola, li gugya: Litshigu nya livbandre na limwedo.

Mithumo 10:15

Aholu, lito li di engedza gambe, khilo: “Igyo Nungungulu a gi agisidego, u ngayi khuwe gi nyenyezide.”

Mithumo 15:29

Mu diga gu hodza esi si phasedwego dzinguluve, ni novba, ni nyama nya sirengo nya gufe khu gu tshwedza, ni gu diga wubhayi. Mu na gira gwadi mwa gu dzi vegisa ga silo sesi. Vbanyani gwadi.”

Mithumo 21:25

Gasi, ava va si gu Vajudha aholu va dzi giridego vakhodwa va Kristo, hi va lovede lidangalila hi va tivisa mawonelo yathu, khethu: Va nga hodzi nyama nya sirengo nya guphasedwe vanungungulu nya malipha, va nga hodzi novba, ni nyama nya sirengo nya gutshudziswe, ni gumba bhaya.”

Varoma 14:14

Nyi ngu dziti ni gukhodwa gwadi khu ga Pfhumu Jesu gukheni, gimwalo gilo gi nyenyezidego khu tumbunugo nya igyo. Aholu muthu a gu pimisa gukhuye gilo nya gukari gi nyenyezide, a na gi wona mapimoni gwaye na gi nyenyezide furi.

Varoma 14:20

U nga ghoheteli thumo wa Nungungulu khu kotani nya guhodze. Hi ngu dzi kodza gu hodza silo satshavbo, aholu guvivba khu gu hodza gilo gi dzi kodzago gu tshunganedzisa muthu kwanu a thega gighohoni.

Varoma 14:6

Oyu a gukhuye matshigu nya gukari makhongolo, a gu girela gu rungudza Pfhumu. Oyu a hodzago satshavbo a ngu rungudza Pfhumu, kholu a ngu bonga Nungungulu. Oyu a si hodzigo nuye a gu girela gu rungudza Pfhumu, a ngu mu bonga nuye.

1 Vakorinto 10:23

Silo satshavbo si ngu dzumedziswa, aholu khandri satshavbo si vbahago muthu; silo satshavbo si ngu dzumedziswa, aholu khandri satshavbo si phasago gukhodwa.

1 Vakorinto 10:25

Hodzani satshavbo si rengiswago bazarini nyamba kanakana mahingigedzoni gwanu,

1 Vakorinto 10:26

kholu litigo ni silo satshavbo sa tigoni sa gu lumba Pfhumu.

1 Vakorinto 10:30

Nya gu bonga Nungungulu khu guhodza nyi hodzago, khu ginani va nga nyi lembago khu kotani nya esi nyi bongago khiso Nungungulu?

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

1 Thimoti 4:3

Va embela vathu gukhavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu.