1 Thimoti 4:3 - Bhibhiliya Nya Guage

³ Va embela vathu gukhavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu.

1 Thimoti 4:3 Iomraidhean Croise

Genesi 9:3

Hodzani satshavbo si vbanyago, ni mitongwe ni mihandro. Satshavbo nyi ngu mi ningani si khala giphaso gwanu.

Muhevbudzi 5:18

Nyi wonide gambe gukheni; gwadi gu muthu a hodza, a sela, a tsaka a khalega gwadi khu thumo waye a giridego mafuni momu matshiguni nya guvbanye gwaye a ningidwego khu Nungungulu. Kholu, khiso esi a ningidwego iso.

Dhaniyeli 11:37

Kha na thela kota khu vanungungulu va vababe vaye, ambari gu thela kota khu gugola ga vanyamayi, ambari ni wevbini nungungulu, kholu a na dzi dandrisa ga vatshavbo.

Matewu 14:19

Hwane nya gu bani a rumide gidzemo gu khala vbavbatshi, avbo wu nga bani wu romo mwasi, a di dzega sibaba sile nya livbandre ni dzindzandzi dzimbili, a gu khusedza maho, a si kategisa; a di pilela sibaba a gu si ningela ga vapizane, avo va si kabanisela gidzemo.

Matewu 15:11

Khandri gile gi belago khu kanani gi nyenyezisago muthu, aholu igyo gi dugago khu kanani gwaye khigyo gi mu nyenyezisago.”

Matewu 15:36

a dzega sibaba sile nya livbandre na sivili ni sindzandzyana sakone, a bonga, a si pilela, a si ningela ga vapizane, vapizane va si kabanisela vathu.

Luka 24:30

Na khade vbamezatunu, a di dzega gibaba, a gi kategisa, a gi kabanisa, a va ninga.

Johane 6:23

Dzi di vbohide dzimbe dzingalava khu Tibheriyade vbafuvbi ni vbale va nga hodzago sibaba si nga kategiswa khu Pfhumu.

Mithumo 27:35

Na gu ganela esi, Pawulo a di dzega gibaba, a bonga Nungungulu mbeli ga vatshavbo, a gi pila a phela gu hodza.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 14:3

Oyu a hodzago satshavbo a nga nyenyi wule a digago gu hodza simbe silo. Wule a si hodzigo simbe silo, a nga hembululi oyu a hodzago satshavbo, kholu uye nuye a ngu godwa khu Nungungulu.

Varoma 14:6

Oyu a gukhuye matshigu nya gukari makhongolo, a gu girela gu rungudza Pfhumu. Oyu a hodzago satshavbo a ngu rungudza Pfhumu, kholu a ngu bonga Nungungulu. Oyu a si hodzigo nuye a gu girela gu rungudza Pfhumu, a ngu mu bonga nuye.

1 Vakorinto 6:13

Guhodza gu emede guya girumbuni, kha nga girumbu nigyo gi emedego gu hakha guhodza. Aholu, Nungungulu a na pfhungumula sa sivili: Guhodza ni girumbu. Aholu, givili gyathu kha gi yeli gu thumiswa wubhayi, kholu khya Pfhumu, Pfhumu nuye khwa givili.

1 Vakorinto 7:28

Ambari ulo, wa gu dzega khu ghohi gilo. Nyamahegyane nya likendzi a gu dzegwa kha ghohi. Aholu avo va dzegwago va na mana sigaradzo nya singi nya guvbanye nya lipango. Nyi di gola gu mi vbulugisa ga sigaradzo soso.

1 Vakorinto 8:8

Guhodza khandrugo gu hi tshanganisago ni Nungungulu. Ha gumba hodza kha hi luzi gilo, ha gu hodza gambe kha hi wuyedwi khu gilo.

Vakolosi 2:16

A nga manegi wa gu mi kawuka khu kotani nya esi mu hodzago ni esi mu selago, mwendro khu kotani nya matshigu nya buzo, nya guwonege nya ngima mwendro nya dzisabhadho.

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

1 Thimoti 2:4

Uye a gu vbweta gukhuye vathu vatshavbo va vbanye ni guti lisine,

1 Thimoti 4:4

Kholu satshavbo esi Nungungulu a nga si vanga khyadi, gimwalo ni gimwegyo gi yelago gu nyenywa. Ha gu si hakha, hi na bonge Nungungulu.

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

1 Samuweli 9:13

Mwa gu bela dhoropani, mu na dzegela gu mu mana na si gu gweli wulangani nya gigomo gasi guya hodza; kholu vathu kha va na hodza na si gu vbohi, uye khuye a kategisago phaso, khu hwane, khavbo va hodzago vale va rambidwego. Gwelani khu guvbiredza, mu naya dzegela gu mu mana.