1 Thimoti 4:16 - Bhibhiliya Nya Guage

¹⁶ Dzi wonele uwe wurumba wago, ni esi u hevbudzago. Simama gu ema ga silo sesi. Khu kharato, u na mana guvbanyiswa uwe ni vale va gu yingisago.

1 Thimoti 4:16 Iomraidhean Croise

1 Dzikoronika 28:10

Olu, wona, kholu Pfhumu Nungungulu, a gu hathide gasi u mu vbahela nyumba ni Wulanga nya guage; olu tiya longo, u dzi ningela u phela thumo.

2 Dzikoronika 19:6

A di embela valamuli, khuye: “Dzi woneleni khu esi mu na girago, kholu mu nga lamuli khu guruma nya vathu, aholu lamulani khu guruma ga Pfhumu Nungungulu, mwa gu lamula kharato, Uye a na bani nari ni enu.

Ekisodha 23:13

Mu na sayisa magana yatshavbo nyi mi embedego. Malina ya vambe vanungungulu ni gu ma khumbuga basi mu nga ma khumbugi. Ma nga tshuki ma pwala maganani gwanu.

Isaya 55:11

Kharato nayo magana ma dugago khu kanani gwangu; kha ma na bwelela mahala nyamba ninga mihandro yaye, aholu ma na tadzisa guhaladza gwangu, ni gu gira iso nyi ma rumedego iso.

Jeremiya 23:22

Aholu nari pwani va di landrisa gugola gwangu, na va tiviside vathu magana yangu, gasi va vbindrugedze mavbanyelo yawe nya guvivbe va wuya ndzilani nya gululame.

Marko 13:9

“Dzi woneleni, kholu va na mi ningela ga valamuli, mu na ya kwamudwa Dzinyumbani nya nombelo, mu yiswa ga vamwamangulu ni vafumeli khu kotani yangu, gasi gu nyi fakazani mahoni gwawe.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Mithumo 26:22

Aholu, Nungungulu a nyi vhikede kala litshigu la muhuno, nyi emidego avba, mbeli gwanu, nyi ninga wufakazi wangu ga enu mwatshavbo nya vadugwane ni vakhongolo. Esi nyi ganelago khiso si nga tiviswa khu vaprofeti ni Mosi pwani si na dugelela,

Mithumo 6:4

gasi ethu hi na simama ni nombelo ni thumo nya gutshumayele Mahungu ya Nungungulu.”

Varoma 11:14

Khu kharato, a gu dzina saye, vambe ni vambe nya lifumbu langu, va na mi dogorela, va ta vbanyiswa.

Varoma 16:17

Nyi ngu mi tivisani, vandruye, gukheni dzi woneleni ga vale va wusago guhambana ni gu yala gukanakana sihevbuloni mu hakhidego. Gimbilelani hwindzo navo,

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

1 Vakorinto 1:21

Kholu, vathu, khu guti gwawe, kha va dzi kodza gutugula Nungungulu mithumoni yi yeyedzago guti gwaye. Khu kharato, Nungungulu dzinide gu vbanyisa vale va khodwago khu mahungu nya wupumbu hi tivisago.

1 Vakorinto 9:22

Nya gu manega vbakari nya vathu nyamba tiya gukhodwani gwawe, nya gu khala neni nga muthu nya gumba tiya, nyi fela gu vbanyisa va nyamba tiya. Khu kharato, eni nya gu dzi gira satshavbo ni vatshavbo, khu gukheni mwendro nyi na mana guvbanyisa vambe ni vambe.

1 Vakorinto 9:27

Eni nya gu dwana ni givili gyangu, nyi gi khozisa, gasi nyi si mani givalo nya gugimbile nyi tshumayela vakhwathu, eni mune nyi nyenywa khu Nungungulu.

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

Vakolosi 4:17

Embelani Arikipo, khenu: “Thela kota khu thumo u ningidwego khu Pfhumu u wu sayisa.”

1 Vatesalonika 2:16

Va gu vbweta gu himbedzela gu tshumayela ni gu vbanyiswa va nya mayigo. Khu guralo, va tadzide pimo nya sighoho sawe. Aholu, likhulo la Nungungulu li va fenengedzide.

1 Thimoti 1:3

Kha nga idzo nyi nga gu leletisa khidzo gikhati nyi nga bani nyiri liendroni nya guhongole tigoni ga Makedhoniya, nyi ngu gu lomba u simame dhoropani ga Efeso gasi u kawuke vathu nya gukari, va guromo iyoyo, va dige gu hevbudza simbe sihevbudzo nya guhambane ni esi hi hevbudzago;

1 Thimoti 4:15

Vegisa silo sesi, u si gimbidzisa khu ndzila ni lisine, gasi vatshavbo va wone mihandro nya gu dzi garadze gwago.

1 Thimoti 4:6

Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

2 Thimoti 2:10

Khu guralo, eni nya gu timisela satshavbo khu kotani nya sihathwa, nya gu girela gukheni a navo va mane guvbanyiswa gogu ga Kristo Jesu, gumogo ni gidhumo nya gupindruge.

2 Thimoti 3:14

Aholu uwe simama u tiya ga esi u hevbudego u si hakha khu gukhodwa. U ngu dziti gukhuwe u si hevbude ga mani.

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.

Tito 1:9

gu vbwetega oyu a tiyidego, a tumbegidego omu nya sihevbudzo nya lisine, afela gu kodza gu tiyisa vakwawe khu sihevbudzo nya lisine, ni gu kawuka ava va ganedzago sihevbudzo sesi.

Tito 2:15

Hevbudza silo sesi satshavbo, u laya ni gu kawuka khu tshivba yatshavbo u ningidwego. U nga dzumeli ni moyo a gu yeyisa.

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

Filemoni 1:19

Eni Pawulo, khu gyandza gyangu nyi ngu lova gukheni nyi na livba satshavbo. Kha nyi ganeli gukheni u na ni nandru gwangu, nandru wakone khuwe wurumba wago.

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

Jakobe 5:20

Dzitini gukhenu: Oyu a wuyisago gighohi ndzilani nya gululame, a na vbanyisa hefemulo wa gighohi gyogyo, gambe a na gira gu tsetseledwa sighoho nya singi.