1 Thimoti 4:1 - Bhibhiliya Nya Guage

¹ Aholu Liphuvbo nya Guage li ngu ganela lisine, li gukhilo khu gikhati nya guhegise vambe va na diga gukhodwa, va yingisa maphuvbo nya malipha, va landra sihevbulo sa Sathane.

1 Thimoti 4:1 Iomraidhean Croise

Genesi 3:13

Pfhumu Nungungulu a di wudzisa nyamayi, khuye: “Ginani u giridego?” Nyamayi a di hakha, khuye: “Nyoga khiyo yi nga nyi senga, eni nyi wu hodza.”

1 Dzipfhumu 13:18

Aholu muprofeti nya gikhosane a di mu embela, khuye: Eni neni nyi muprofeti, ngilozi yi nyi embede khu magana ya Pfhumu Nungungulu, khiyo: Mu bweledze u wuya naye gaya gwago, gasi uye a ta hodza guhodza ni gu sela mati, aholu uye a di gu mu liphela.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Jeremiya 23:26

Kala lini vaprofeti vava nya malipha va na simamago gu kanganyisa vathu vangu, khu malipha yawe va ma lugidego khu mapimoni gwawe, na?

Jeremiya 48:47

Pfhumu Nungungulu a ngu ganela, khuye: Khu guhegisani, nyi na wuyisa vatshavbo va vbagedwego va na Mowabhi. Ogu khu gu hegisa nya gulamudwe ga Mowabhi.

Jeremiya 49:39

“Khu matshigu nya guhegise, nyi na wuyisa vale va vbagedwego va Elamo, a ngu ganela Pfhumu Nungungulu.”

Ezekiyeli 1:3

Magana ya Pfhumu Nungungulu ma dita ga muphasi nya mhamba Ezekiyeli, mwamana wa muphasi nya mhamba Bhuzi, vbafuvbi ni tsongo wa Kebhari, tigoni gwa Vakalidhiya. Avbovbo, gyandza gya Pfhumu Nungungulu gi diromo gwaye.

Ezekiyeli 38:16

U na hongola u ya sasela vathu vangu va na Israyeli, kha nga lipfhi li fenengedzago litigo. Khu matshigu nya guhegise nyi na gu rumela guya dhumela litigo langu, gasi mayigo ma nyiti, gikhati nyi na gu dzi agisago khavbo gwago, uwe Gogi.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Mitengo 24:14

Olu nyi ngu bwelela tigoni gwangu; aholu delu nyita gu embela iso si na girwago khu vathu vava omu tigoni gwago khu matshigu ma nga gutago.

Matewu 18:7

Libango ga litigo khu kotani nya sikhunguvanyiso! Nyi ngu dziti nya gukheni iso si mwalo gu vhikedwa; aholu, libango li na ni wule a si vangago!

Luka 17:1

Jesu a di embela vapizane vaye, khuye: “Sikhunguvanyiso kha si vhikedwi, aholu libango khya wule a si girago.

Johane 16:13

La guta Liphuvbo nya lisine, ilo li nata mi endredza, li mi yisa lisineni nya guvbelele, kholu kha li nata ganela silo nya gu si khugele, aholu li nata ganela silo li si pwidego, ni guta mi tivisani iso si natago.

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 17:18

Ni vambe vahevbudzi nya gukari, nya gudugele tsawani ga Epikuru ni vale va landrisago sihevbulo sa va na Estoyiku, va di ganedzisana naye. Vambe va gu wudzisa, khavo: “Ginani a ganelago nya libwabwa yoyu?” Vambe, khavo: “Kha nga mutshumayeli nya vambe vanungungulu hi si vatigo,” kholu a di gu ganela khu mahungu ya Jesu ni gu wuga gwaye.

Mithumo 20:23

Nya guti basi gukheni, madhoropani gwatshavbo nyi vbindrago, Liphuvbo nya Guage li ngu nyi tivisa gukhilo nyi lindredwe khu mapaso ni sisaniso.

Mithumo 21:11

A di hidzimela avba gwathu, a dzega keka wa Pawulo a dzi hunga khuwo mawundru ni mawogo yaye, a ganela, khuye: “Liphuvbo nya Guage lari khilo, Vajudha, Jerusalema, va na mola mwama a gu mune keka yoyu, va mu hungelela kharati, va mu ningela ga va nya mayigo.”

Mithumo 28:25

Khu gumba pwanana, va di duga va hongola. Va si gu dugi, Pawulo a di va embela, khuye: “Bayi, li ganede Liphuvbo nya Guage, li nga ganela khu likana la muprofeti Isaya,

1 Vakorinto 10:20

Ahihi, khandriso! Va nya mayigo, dzimhamba va ningelago dzinyumbani nya vanungungulu nya malipha, va gu phasela maphuvbo nya guvivbe, kha va phaseli Nungungulu. Eni kha nyi vbweti gukheni mu hengela ni maphuvbo nya guvivbe.

1 Vakorinto 11:19

Gwadi gu manega guhambanelana nya mavbanyelo mwendro makhalelo, gasi gu wonega avo va gu vakhodwa nya lisine vbakari gwanu.

1 Vakorinto 12:11

Aholu, Liphuvbo khilo la limwedo basi li girago silo sesi satshavbo; khilo li kavedzelago ga moyo ni moyo siningwa khedzi li golago khidzo.

1 Vakorinto 2:10

Aholu, Nungungulu a hi tulede guti silo sesi khu tshivba nya Liphuvbo nya Guage, kholu Liphuvbo li ngu wona satshavbo, ambari misihalo nya guete ya Nungungulu.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,

Vakolosi 2:18

Mu nga dzumeli gusengwa khu vathu va pfhadzedzelago gu landrisa ni gukhozela dzingilozi dza Nungungulu; vathu nya nga avo va gu ganela khu silo nya gu gima va si gu si woni, va gu dzi gira matshandza va dzi gugumugisa khu mapimo yawe nyamba phasa gilo.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

2 Thimoti 4:4

Va na diga gu yingisa sihevbudzo nya lisine va gu tutumela mitsheketo.

Jakobe 3:15

Guti gogo kha guti khu ga Nungungulu, aholu, khwa mafuni momu, mavbanyelo nya liphuvbo nya guvivbe.

1 Pedro 1:20

Uye, khu lisine, a hathidwego khu gale na gu si gu vangwi litigo, a gu wonegiswa ga matshigu yaya nya guhegise, gasi gu phasa enu.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,

1 Johane 2:18

Vanavangu, gikhati nya guhegise gi vbohide! Enu mu pwide gu ganedwa gupwani nala wa Kristo a nata. Olu va ngu manega nya vangi valala va Kristo; khavbo hi dzitigo gukhethu gikhati nya guhegise gi vbohile.

1 Johane 4:6

Aholu, ethu ha gu lumba Nungungulu. Oyu a mutigo Nungungulu a ngu hi yingisa; oyu a si mutigo Nungungulu kha hi yingisi. Khidzo kharati hi gutigo guhambana nya Liphuvbo nya lisine ni liphuvbo nya malipha.

Judha 1:18

Avo va nga, khavo: “Gikhati gu na vbohago matshigu nya guhegise, va na manega vathu va na gu mi poyilago; vathu va landrago gudogorela gwawe nyamba khodwa.”

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 16:14

Aya khu maphuvbo nya mandriki ma girago siliwugiso, ma yago ga vafumeli vatshavbo va mafuni gasi gu va tshanganisa vata dwana nyimbi nya Litshigu Likhongolo la Nungungulu nya Tshivba Yatshavbo.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.

Gutuledwa 18:23

Wenengedzo nya kandriya gima kha wu na wenengedza gambe ndrani gwago, kha li na pwala gambe dzinyumbani gwago lito la mwama ni ngadzi, khaguva vasundzi vago va diri vafumeli nya mayigo, kholu mafu yatshavbo ma pengisidwe khu wuloyi wago.”

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Gutuledwa 2:11

“Wule a gu ni dzindzeve a na pwisise esi Liphuvbo li embelago mabandla: Wule a na palago gima kha na nga wona tshanisa nya lufu nya wuvili.”

Gutuledwa 2:17

“Wule a gu ni dzindzeve a na pwisise esi Liphuvbo li embelago mabandla: Wule a na palago nyi na mu ninga manaha ma sihidwego. Nyi mu ninga gambe giwindri nya guage gi lovidwego lina nya liphya, eli li si tidwigo khu muthu vbavbandze nya wule a nga riywago ilo.”

Gutuledwa 2:29

“Wule a gu ni dzindzeve a na pwisise esi Liphuvbo li embelago mabandla.”

Gutuledwa 2:7

“Wule a gu ni dzindzeve a na pwisise esi Liphuvbo li embelago mabandla. Ga wule a na palago, nyi na mu dzumedzisa gu hodza handro nya simbo nya womi wu guromo thembweni ga Nungungulu.”

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.

Gutuledwa 20:8

A na duga gasi guta senga mayigo nya dzikhona dza dzina dza tigoni: Goge ni Magoge a va tombanisa gasi gu dwana nyimbi. Tengo wawe kha nga fungu wa phwani.

Gutuledwa 3:13

“Wule a gu ni dzindzeve a na pwisise esi Liphuvbo li embelago mabandla.”

Gutuledwa 3:22

“Wule a gu ni dzindzeve a na pwisise esi Liphuvbo li embelago mabandla.”

Gutuledwa 3:6

“Wule a gu ni dzindzeve a na pwisise esi Liphuvbo li embelago mabandla.”

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.