1 Thimoti 3:2 - Bhibhiliya Nya Guage

² Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 3:2 Iomraidhean Croise

Isaya 56:10

Va woneleli vawe vatshavbo, sikhumu, kha vati gilo; vatshavbo va gu fanana ni dzimbwa nya sidudu, nyamba kodza gu huhula; va gu gola gu wotela, va khala na va lade, va lora dzindroro nya wugara.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 2:36

Gi diromo nigyo gikhosane gimwegyo nya nyamayi gi nga bani giri muprofeti, nya gupwani khu Ana, gyanana gya Fanuweli, nya lihundzu la Aseri.

Varoma 12:13

Kabanani esi mu gu naso ni vandruye vale va gu mwalo gilo; hakhani gwadi vaendri.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

1 Thimoti 3:12

Mudhiyakoni, gu vbwetega oyu a gu ni nyamayi moyo basi, a gu babe a dzi kodzago gu sayisa sanana saye ni ndranga yaye.

1 Thimoti 3:8

Khu magirelo ya mamowo, Vadhiyakoni navo gu vbwetega vari vathu va zundzegago ni gu ganela lisine, va si dzi ningedzeligo wadwani, ni maalakanyo nya guvbwete wutetema,

1 Thimoti 4:3

Va embela vathu gukhavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

1 Thimoti 5:22

U nga vbiredzeli gu handzega mandza muthu thumoni nya libandla, u nga rwali nandru nya sighoho sa mumbe muthu, gimbila khu mavbanyelo nya yadi.

1 Thimoti 5:9

Noni yi vbwetago gu bela tsawani nya dzinoni, gu vbwetega na yiri ni livbandre na limwedo magumi myaga, na yi vbanyide gwadi ni mwama waye.

2 Thimoti 2:24

Oyu a guromo thumoni wa Pfhumu mwalo fanelo nya gubele nuye mihambanoni. Aholu, gu vbwetega gu pwanana ni vathu vatshavbo khu githawo ni gu kodza gu hevbudza lisine ni gu timisela guvivba gwatshavbo.

Tito 2:2

Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.

Vahebheru 3:14

Khu lisine, ethu hi ngu hengela ni Kristo, gambe hi na simama gu hengela naye, ha gu tiya kala mahegiso ni gutumba hi nga bani hiri nago guhegulani.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 4:9

Hakhani gwadi vapfhumba, nyamba garadzega.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.