1 Thimoti 3:16 - Bhibhiliya Nya Guage

¹⁶ Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

1 Thimoti 3:16 Iomraidhean Croise

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 13:11

A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Matewu 28:2

Avbovbo, khu githugedza, gu di manega girevareva, kholu ngilozi ya Pfhumu, yi di tshiga khu Ndzadzini yita liginya giwindri, yi khala khu vbatshani gakone.

Matewu 3:16

Jesu na bhapatisidwe, a di duga khu matini. Avbovbo Ndzadzini gu di tulega, a wona Liphuvbo la Nungungulu na li gu relela kha nga lituva, li ta mbaka vbatshani gwaye.

Matewu 4:11

Khavbo avbo, Sathane a di mu diga a hongola; dzingilozi dzi dita dzita mu thumela.

Marko 1:13

Iyo a ngaya khalago magumana matshigu vbakari nya sirengo nya likhabi na gu lingwa khu Sathane, dzingilozi dza Nungungulu dzi di mu thumela.

Marko 16:19

Hwane nya gu bani na ganede navo, Pfhumu Jesu, a di khusedzedwa Ndzadzini, aya khala nyamudye ga Nungungulu.

Marko 16:5

Na va bede thowoni, va di wona lidzaha na li khade khu nyamudye, na li ambade dzingandzu nya guage. Va di thuruga va samala ngudzu.

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Luka 20:44

Kha nga olu Dhavhidhe abune a mu ranago Pfhumu, gu ngu kodzega kharini Mesiya gu khala gambe mwamana waye?”

Luka 22:43

Khavbo avbo, yi dita ngilozi khu Ndzadzini, gasi guta mu tiyisa.

Luka 24:4

Na va nga gu liwuga esi, va di tumbulugedwa khu vama vavili na va ambade dzingandzu nya gungangamele.

Luka 24:51

Na gu va kategisa, a di hambana navo, a gu khusega aya Ndzadzini.

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 13:3

Jesu, khu gu dziti gukhuye Babe a mu ningide tshivba yatshavbo, ni gukhuye dzude khu ga Nungungulu, gu vbwetega a bwelela ga Nungungulu,

Johane 15:26

“Aholu, a guta Muphasedzeli, a gu Liphuvbo nya Lisine nyi na mi rumelago khu ga Babe wangu, a nata nyi fakazela.

Johane 16:28

Nyi dzude tigoni na nyi guta khu ga Babe; nyaluphye nyi ngu diga litigo nyi hongola ga Babe.”

Johane 17:5

Olu, Baba, nyi ninge gambe gidhumo gile nyi nga bani nyiri nagyo khu gale mahoni gwago, na li si gu vangwi litigo.

Johane 20:12

a di wona dzingilozi dzimbili dza Nungungulu na dzi ambade myendra nya guage na dzi khade avbo gi nga bani giromo girumbi gya Jesu, yimbe khu mihungotunu, yimbe khu mawundrutunu.

Johane 6:62

Ahati mwa gu wona Mwamana wa Muthu na gu lita iyo a nga bani a romo, mu na khenu ginani?

Mithumo 1:19

Silo sesi si di tidwa khu vathu vatshavbo va Jerusalema, khu kharato, gipeto gile va di gi rana khu limi lawe khavo Akelidhama, gu tshamusago gupwani lithembwe nya novba.

Mithumo 10:34

Khavbo avbo, Pedro a di khusa lito a ganela, khuye: “Nyi ngu wona khu lisine nya gukheni Nungungulu kha hatheli vathu,”

Mithumo 14:27

Na va vbohide, va di tombanisa libandla va va embeledzela satshavbo iso Nungungulu a nga girago navo, ni edzi Nungungulu a nga tulelago khidzo ndzila nya gukhodwe va nya mayigo.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Varoma 10:12

Khu kharato, gumwalo gu hambana nya Vajudha ni va nya mayigo, kholu vatshavbo va na ni Pfhumu mweyo basi yi kavedzelago siningwa saye ga vatshavbo vale va mu lombago.

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

Varoma 3:4

Khandridzo. Kholu Nungungulu tumbegide gikhati gyatshavbo ambari ulo vathu va si tumbegigo. Kha nga yi ganelago Milowo, khiyo: “Gasi u manwa nu lulamide muguregerani gwago, ufela gu dugelela litshigu nya gulamudwe gwago.”

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

Varoma 9:5

Khavo sivelegwa sa vababe nya libandla; Kristo, khu tumbunugo nya wuthu, a gu lumba lihundzu lawe, uye a guromo vbatshani nya silo satshavbo, a gu Nungungulu nya gurungudzwe kala gupindruga. Amen!

1 Vakorinto 15:47

Oyu nya guhegule a diri muthu wa mafuni. Oyu nya wuvili khwa Ndzadzini.

1 Vakorinto 2:7

gasi enu, ha gu mi tivisani misihalo nya guti gwa Nungungulu, gu nga bani gu sihidwe khu gale; guti gule Nungungulu a gu vegisidego gukhugela guhegulani, gasi gu khala wuzundzo wathu.

2 Vakorinto 1:19

Kholu Mwamana wa Nungungulu, Jesu Kristo, hi nga mi tivisani, Silivhano, Thimoti, ni eni kha khala “Ina ni ahihi,” aholu gikhati gyatshavbo a di khala “Ina.”

Vagalatiya 2:8

Kholu wule giride Pedro mupostoli wa Vajudha, a di nyi gira neni mupostoli wa va nya mayigo.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Vaefeso 6:19

Nyi lombeleleni neni, gasi Nungungulu a nyi ninge magana nya guenele gikhati nyi tivisago Mahungu nya Yadi.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

Vakolosi 2:2

Nya gu thumela gukheni va mane gutiya monyoni ni gukheni va dzipwe na va patane khu lihaladzo, na va fumide khu guti sihalo nya gikungo gya Nungungulu. Sihalo yoyu khu Kristo,

2 Vatesalonika 1:10

A na bani ari litshigu Pfhumu atago guta dhumiswa khu vatshavbo vale a va hathidego, a na wonwa khu vatshavbo va dzumedego gukhodwa. Enu mu hakhide gwadi mahungu yathu.

2 Vatesalonika 2:7

Khu guralo dzitshivba nya sihalo nya guvivbe dzi ngu thuma. Gasi satshavbo si girege, gu vbwetega a mbemba oyu a himbedzago.

1 Thimoti 3:9

gu vbwetega va vbanye sihalo nya gukhodwe khu mapimo nya lisine.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

Vahebheru 7:7

Gu mwalo gukanakana nya gukhethu oyu a kategisago khongolo guvbindra wule a kategiswago.

Vahebheru 8:1

Gilo nya gikhongolo ngudzu ga esi hi ganelago khu mahungu nya muphasi hi gu naye: Uye khuye Muphasi nya Khongolo a khadego ndzadzini khu nyamudye nya gikhalo nya wufumu wa Nungungulu nya Tshivba Yatshavbo.

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.

1 Pedro 1:20

Uye, khu lisine, a hathidwego khu gale na gu si gu vangwi litigo, a gu wonegiswa ga matshigu yaya nya guhegise, gasi gu phasa enu.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.

1 Johane 1:2

(Kholu guvbanya gogu gu dzi wonegisidego, ethu hi gu wone. Khu guralo, ethu hi ngu ganela khugo, hi mi tivisani guvbanya nya gupindruge gu nga bani guri ni Babe, hi tuledwego gu guti).

1 Johane 3:5

Enu mu ngu dzitini gukhenu Kristo a di dzi wonegisa gasi guta dusa sighoho sathu, nari gu uye mwalo gighoho.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

Gutuledwa 17:5

Vbagiwombotunu gwaye gu di lovidwe lina nya sihalo gupwani: “Bhabhiloni nya Khongolo, Melegi nya sibhayi ni Guvivba ga tigoni.”

Gutuledwa 17:7

Aholu ngilozi yi di nyi embela, khiyo: “Khu ginani u liwugago? Nyi na gu tshamusela sihalo nya nyamayi ni girengo gi mu rwalago, gi gu ni livbandre na mivili mihungo, ni likhumi dzikheho.

Gutuledwa 7:9

Hwane nya isoso nyi di wona mwandra nya wungi ngudzu nya vathu nya mayigo, mahundzu, mafumbu, malimi yatshavbo, a gu mwalo muthu a dzi kodzago gu wu saya. Va di emide mbeli nya gikhalo nya wufumu ni mbeli nya Nvutana, na va ambade dzingandzu nya guage, va phara migindru mandzani.