1 Thimoti 3:15 - Bhibhiliya Nya Guage

¹⁵ Aholu, nya gu hwela, khala nu gu dziti gukhuwe gu vbweta u khala makhalelo muni Nyumbani ga Nungungulu, a gu libandla la Nungungulu a vbanyago, a gu lidingo ni giseketelo nya lisine.

1 Thimoti 3:15 Iomraidhean Croise

1 Dzipfhumu 2:2

Eni nyi ngu hongola khu ndzila va belago khiyo vathu vatshavbo. Khu guralo, tiya longo u khala mwama.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

2 Dzipfhumu 19:4

A gu dzina saye, Pfhumu Nungungulu wago, a yingiside magana ya Rabhisaki ayo a rumedwego khu mune waye, mufumeli wa Asiriya, guta vala Nungungulu a vbanyago, mwendro saye Pfhumu Nungungulu wago a na kawuka magana yaya a ma pwidego; gasi olu gira nombelo khu vathu vava vatshadego!”

1 Dzikoronika 22:13

Khavbo avbo, u na andra, wa gu landrisa ni gu sayisa milayo ni sileletelo, esi Pfhumu Nungungulu a si leletedego ga Mosi khu kotani ya Israyeli; tiya longo u nga tedwi khu hwanga u khala rerema.

Dzindzimo 42:2

Hefemulo wangu wu na ni lidora la Nungungulu, Nungungulu a vbanyago; lini nyi na guta nyi ta wonega mbeli nya khovbe ya Nungungulu?

Dzindzimo 84:2

Hefemulo wangu wu ngu dogorela ngudzu gu ya bela umo, nyi ngu suva gu ya khala makhuvini nya Nyumba ya Pfhumu Nungungulu; nyi ngu emba khu gutsaka khu monyo wangu watshavbo ga Nungungulu a vbanyago!

Jeremiya 1:18

Wona nya gukhuwe gukhugela muhuno nyi na gu gira lidhoropa nya gutiye, kha nga lidingo nya dzisimbi, ni libhiyo nya sugu, gasi u vhikela litigo latshavbo, vafumeli va Judha, vathangeli vaye, vaphasi nya mhamba ni vathu vaye vatshavbo.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 23:36

Aholu mu nga ganeli gambe khu rwalo wa Pfhumu Nungungulu; kholu muthu ni muthu a na lemedwa khu magana yaye; kholu mu hambanisago ndzila nya magana ya Nungungulu a vbanyago, ya Pfhumu Nungungulu nya Tshivba Yatshavbo, Nungungulu wathu.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 18:18

“Khu lisine nyi ngu mi embelani, kheni: Satshavbo mu no si hungago mafuni si na hungwa niyo Ndzadzini; niso mu na gu si tshulago mafuni si na tshudwa niyo Ndzadzini.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 18:37

Pilato a di khuye: “Gasi kamwe u Mufumeli?” Jesu, khuye: “Nya nga ulo u ganelago! Eni nyi Mufumeli! Nyi velegedwe isoso; khiso nyi si tedego mafuni, gasi guta ninga wufakazi nya lisine. Uye a gu wa lisine a ngupwa lito langu.”

Johane 6:69

Ethu hi ngu khodwa, gumogo ni gu dziti gukhethu uwe khuwe Gihathwa gya Nungungulu.”

Mithumo 1:2

kala litshigu a nga gwelago khilo Ndzadzini; hwane nya gu na ningide Milayo khu tshivba nya Liphuvbo nya Guage, ga Vapostoli a nga bani a va hathide.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Varoma 3:2

Gyomo giphaso ngudzu khu silo nya singi. Gilo nya guphele, Nungungulu tshiyedzide Vajudha magana yaye.

Varoma 9:26

Vbale va nga embedwa avbo gupwani: ‘Enu kha muri vangu’, wulangani wowo va na ranwa q sanana sa Nungungulu a vbanyago.”

1 Vakorinto 10:32

Mu nga khali gikhunguvanyiso ga Vajudha, ga va nya mayigo mwendro ndrani nya libandla la Nungungulu.

1 Vakorinto 3:16

Ina kha mu dziti gukhenu mu Nyumba ya Nungungulu ni gukhenu Liphuvbo la Nungungulu li ngu vbanya ndrani gwanu, gani?

2 Vakorinto 3:3

Kholu gu wonegisidwe nya gupwani enu mu lidangalila li nga lowa khu Kristo, kha la lowa khu tita, aholu khu Liphuvbo la Nungungulu a vbanyago; khandri li di lowa vbagiwindritunu aholu li lovidwe myonyoni nya vathu.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

2 Vakorinto 6:7

khu mahungu yathu nya lisine, ni tshivba ya Nungungulu khu matshari nya wululami, khu nyamudye ni nyambade.

Vagalatiya 2:9

Jakobe, Pedro ni Johane va tidwago kha nga vathangeli, na va wonide gukhavo khu lisine, hi ningidwe wuhigo nya thumo wowu; va di hi phara mandza eni ni Bharinabha, va gu yeyedza kharalo wuhengeli. Hi di pwanana gukhethu hi hongola hiya thuma vbakari ga va nya mayigo gasi avo vaya thuma vbakari nya Vajudha.

Vagalatiya 3:1

Ama enu Vagalatiya, sipumbunu! Khu mani a mi sengidego? Eni nyi mi yeyedzide gwadi Jesu Kristo a khokhothedwego vbagihambanotunu.

Vaefeso 4:21

Nyi ngu tumba khu lisine gukheni mu pwide na gu ganedwa khu Jesu, gambe mu hevbudzidwe guti lisine khu mahungu yaye.

Dhewuteronome 31:23

Khavbo avbo, Pfhumu Nungungulu a di leletela Josuwa, mwamana wa Nuni, a mu embela, khuye: Tiya longo u si vbeli tshivba; kholu khuwe u na vbohisago sanana sa Israyeli ga litigo nyi sambanyidego gu va ninga; gasi eni nyi na bani nyiri nago.

Dhewuteronome 5:26

Kholu khu wevbini muthu a nga yingisa lito la Pfhumu Nungungulu a vbanyago na li gu ganela khu vbakari nya nilo, kha nga idzo ethu hi nga mu yingisago khidzo a simama gu vbanya?

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

1 Thimoti 3:14

Nya gu gu lovela silo sesi na nyi gu tumba gukheni nyi nata khu guvbiredza nyita wonana nago.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

1 Thimoti 3:2

Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 3:5

Kholu, muthu a gumba kodza gu sayisa ndranga yaye, a na kodza kharini gu phara libandla la Nungungulu?

1 Thimoti 4:10

Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

2 Thimoti 2:20

Nyumbani nya gitetema kha si khali basi sombo nya ndralama ni parata, aholu, somo gambe sombo nya guvatwe niso nya libumba. Simbe sa gu thuma khu matshigu nya makhongolo nya guhakhe vapfhumba, simbe si thuma matshigu yatshavbo.

Vahebheru 10:21

Ethu hi na ni muphasi nya khongolo nya mhamba, a thangelago mithumo ya Nyumbani ga Nungungulu.

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Vahebheru 3:12

Vandriyangu, dzi woneleni gasi a si manegi ni moyo vbakari gwanu, nya monyo nya guvivbe ni gumba khodwa a ndreya a diga Nungungulu a vbanyago.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.

Josuwa 3:10

A engedza gambe, khuye: “Kharato mu na dzitini nya gukhenu Nungungulu a vbanyago womo vbakari gwanu, Uye gima kha na diga gu bhobha mbeli gwanu Vakhanani, Vahiti, Vahevhi, Vaperezi, Vagerezi, Vaamori, ni Vajebhuzi.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?

Gutuledwa 7:2

Nyi di wona gambe yimbe ngilozi ya Nungungulu yi nga bani yi guta khu Khugadambo, na yi pharide gifungo gya Nungungulu nya guvbanye. Yi di ganela khu tshivba ni tshivba, yi embela dzingilozi dza dzina, edzi Nungungulu a nga dzi ningago tshivba nya gusasele mafu ni yiphwa, khiyo:

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:36

Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.