1 Thimoti 3:11 - Bhibhiliya Nya Guage

¹¹ Vanyamayi navo, gu vbwetega vale va lulamidego, va gu mwalo milembo, va dzi pharago, va tumbegago ga silo satshavbo.

1 Thimoti 3:11 Iomraidhean Croise

Dzindzimo 101:5

Oyu a lembago ni gu singedza muthu kwawe mugusihalani, uyoyo nyi na mu mbembisa; gima kha nyi na timisela va nya matshandza ni va nya gu dzi khusedza.

Dzindzimo 15:3

Wule a si lumbedzigo kwawe khu lidimi laye, a si girigo guvivba ga muthu kwawe, a si bhuseligo phungu muakelane waye;

Dzindzimo 50:20

Uwe wa gu khala gasi gu lemba ndriyago ni gu ganela guvivba khu gyanana gya mayi wago.

Mavingu 10:18

Uye a sihago livengo a na ni likana nya wudambane, ni wule a lembago vakwawe, gipumbu.

Mavingu 25:13

Mwango wu tumbegago ga avo va mu rumago, wa gu fanana ni thondrwane gikhati nya guvbwere, kholu, a ngu pepemedzisa mihefemulo ya vamune vaye.

Jeremiya 9:4

Moyo ni moyo a na dzi wonele ga pari yaye, gambe a nga tumbi valongo vaye; kholu valongo vatshavbo gi mwalo va girago, vbavbandze nya gu zame gu kanganyisa basi, ni dzipari dzatshavbo nidzo dza gu gira milembo basi.

Ezekiyeli 44:22

Va nga dzegani ni noni, mwendro uye a hudwego khu mwama, aholu, va na dzege makendzi nya linyangwa la va na Israyeli mwendro noni yi nga tshidwago khu muphasi nya mhamba.

Levhi 21:7

Va nga dzegi nyamayi nya liphuphulu, mwendro nyamayi a ladego ni mwama, mwendro nyamayi a hudwego khu mwama waye, kholu muphasi nya mhamba agide ga Nungungulu waye.

Matewu 4:1

Khavbo avbo, a di dzegwa khu Liphuvbo, li mu yisa giwulani, gasi aya lingwa khu Sathane.

Johane 6:70

Jesu a di va phindrula, khuye: “Ina khandreni nyi mi hathidego enu nya likhumi na vavili, gani? Ambari ulo, moyo wanu Sathane.”

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

1 Thimoti 1:12

Nyi ngu bonga Kristo Jesu, Pfhumu yathu, a nyi ningidego tshivba, a nyi tumbidego a nyi vega thumoni gwaye.

1 Thimoti 3:2

Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 6:2

Ava vafumeli vawe va gu vakhodwa, va nga va kanyisi khu gukhavo vandriyawe, khavbo gu vbwetegago gu thuma khu lihaladzo kholu va gu thumela mukhodwa a godwago khu Nungungulu. Khiso esi u yelago gu va hevbudza ni gu va embela.

2 Thimoti 3:3

Va na bani vari vathu nyambana lihaladzo ni wuhengeli. Va na singedzana khu gyawe. Va na bani vari vathu nyamba khodwa ni gumba dzi phara, va nya guhambana ni wuthu, va nyamba vbweta esi nya sadi,

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

Tito 2:3

Embela nayo vasingalagadzi nya vanyamayi va vbanye nga vathu va agidego, va nga khali va nya milembo, ambari gu dzi gira dzikhumbi nya wadwa, aholu va na hevbudze esi si gu sadi,

Tito 3:2

Va laye va si ganeli guvivba khu muthu, aholu, va khale khu gurula ni wuwadi, vari ni mavbanyelo nya yadi ga vathu vatshavbo.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.