1 Thimoti 2:4 - Bhibhiliya Nya Guage

⁴ Uye a gu vbweta gukhuye vathu vatshavbo va vbanye ni guti lisine,

1 Thimoti 2:4 Iomraidhean Croise

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Isaya 55:1

Enu mwatshavbo mu pwago lidora, deluni gibugani nya mati; ni enu mu gu mwalo dzitsapawu, deluni mu ta renga mu hodza; ina, deluni mu ta renga na muri mwalo dzitsapawu, mu na mana vbinyu ni mahwe mahala.

Ezekiyeli 18:23

Ina kamwe mwa gu alakanya gukhenu, nyi ngu tsaka khu gu wona muthu nya guvivbedwe khu monyo na gufa, gani? A ngu wudzisa Mune Pfhumu Nungungulu. Igyo eni nyi gi vbwetago khu gu a vbindrugedza mavbanyelo, a diga dzindzila dzaye nya guvivbe, gasi a vbanye.

Ezekiyeli 18:32

Kholu, eni kha nyi tsakiswi khu gufa ga muthu. Dzi layeni mu na vbanya! A ngu ganela Mune Pfhumu Nungungulu.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Habhakuka 2:14

Kholu litigo li na tala khu wugengeli nya guti wudhumo wa Pfhumu Nungungulu kha nga mati ma tadzago linene.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Luka 1:77

Gufela gu tivisa guvbanyiswa ga vathu vaye, a gu gutsetseledwa nya sighoho,

Luka 14:23

Khavbo avbo, a di embela githumi gyaye, khuye: ‘Indra dzindzilani ni sindzilanani, u gimbila u rana vatshavbo va ta bela, mwendro nyumba yangu yi na tala.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 17:17

Va agise va khale vathu va lumbago uwe basi khu ndzila nya lisine. Magana yago khayo ma gu lisine.

Johane 6:37

Vatshavbo ava Babe a nyi ningago va nata gwangu; eni kha nyi dzi kodzi gu nyenya ni moyo nya ava vatago gwangu.

Varoma 11:14

Khu kharato, a gu dzina saye, vambe ni vambe nya lifumbu langu, va na mi dogorela, va ta vbanyiswa.

1 Thimoti 4:10

Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago.

2 Thimoti 2:25

Gu vbwetega u kodza gu kawuka valala vaye khu gwadi, gasi Nungungulu, a gu dzina saye, a va ninge mapimo nya gulandre lisine.

2 Thimoti 3:7

Vanyamayi vovo, va gu hevbula gikhati gyatshavbo silo nya wukhodwa, aholu, kha va dzi kodzi gu vboha mahegiso nya guti lisine.

Tito 1:1

Eni Pawulo, githumi gya Nungungulu, mupostoli wa Jesu Kristo, nyi ngu lova lidangalila leli. Nyi hathidwe nyi rumedwa gasi guta phasa ni gu tiyisa vathu va Nungungulu gukhodwani, ni gu va yisa lisineni li hevbudzwago khu nayo wathu,

Tito 2:11

Kholu, Nungungulu a hi tulede guti wuhigo waye, afela gu vbanyisa vathu vatshavbo.

Vahebheru 10:26

Kholu, ha gu simama hi ghoha nya gigwenye, olu hi li tidego lisine, gu mwalo gambe yimbe mhamba nya gu dzi kodze gu dusa sighoho sathu.

Jakobe 3:14

Aholu, mwa gu khala lidiwo, likhulo ni wugundreli myonyoni gwanu, mu nga liphi gukhenu mu na ni guti.

2 Pedro 3:9

Pfhumu kha yi hweli gu gira esi yi nga tumbisago, kha nga edzi va hingigedzago khidzo vambe vathu. Aholu iyo yi na ni gutimisela khu enu, kholu kha yi dzini na moyo wanu a mbemba, aholu ya gu vbweta gukhiyo mu vbindrugedze.

2 Johane 1:1

Eni lidhota nyi ngu lovela singalagadzi a hathidwego ni sanana saye, avo nyi va golago khu lisine; nasiri eni basi, aholu ni vatshavbo vale va litigo lisine, va ngu mi golani.

Gutuledwa 14:6

Nyi di wona gambe yimbe ngilozi na yi gu vbuvba ndzadzini. Yi diri ni Mahungu nya Yadi nya gupindruge, guta embela vathu va vbanyago mafuni, nya mafumbu, ni mahundzu, ni malimi yatshavbo.