1 Thimoti 1:9 - Bhibhiliya Nya Guage

⁹ Hi ngu dziti nya gukhethu Nayo kha wa vegedwa vale va lulamidego, va landrago guhaladza ga Nungungulu, wu vegedwe vale va si landrisigo, ni vale nyamba yingisa, ni sighohi, ni vale va si mu dzumeligo ni gu thava Nungungulu ni satshavbo nya guage, ni vale va songago babe ni mayi ni vambe vathu,

1 Thimoti 1:9 Iomraidhean Croise

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

2 Dzipfhumu 19:37

Avbo a nga bani na gu khidzimide nyumbani ga nungungulu waye Nesiroki, sanana saye Adharameleki ni Sarezeri, va di mu songa khu gu mu paya khu litshari, va tutuma va hongola tigoni ga Ararati. Mwanaye Esari-Hadhomi, khuye a mu tshikedzidego vbagikhalotunu gwaye nya wufumu.

2 Dzikoronika 32:21

Khavbo avbo, Pfhumu Nungungulu a di rumela ngilozi yi ta sasela vama vatshavbo nya dzindrena, manganagana, vathangeli, lizumboni la mufumeli wa Asiriya. Khavbo avbo, uye a di bwelela tigoni gwaye khovbe yaye na yi tade khu dzitshoni; avbo a nga bani na gu bela nyumbani ga vanungungulu vaye, sanana nya gudugele mahembeni gwaye, si di dzegela gu mu songa khu litshari vbamwanyatunu.

Ekisodha 20:13

U nga songi.

Ekisodha 21:14

Aholu muthu a gu wugela muthu kwawe khu khorosa a gira gikungo nya gu mu songe, muthu yoyo ambari na sihade vbagiluvelotunu gwangu, mu dzege aya songwa.

Mavingu 20:20

Uye a valago babe mwendro mayi waye, a na tshimegedwa khu mwenge waye a khala mugidemani nya guthise.

Mavingu 28:17

Muthu a dzi rwegidego nandru khu gu songa muthu, a na khala mulegalegi kala gufa, nyamba vhikedwa khu muthu.

Mavingu 28:24

Uye a belago babe waye mwendro mayi waye, na gukhuye: “Khandri gighoho,” a na khala pari nya dzimbafa.

Mavingu 30:11

Gu na ni vathu vale va valago babe wawe, ambari ni gumba zundza mayi wawe.

Mavingu 30:17

Maho nya muthu a kanyisago babe waye, ni gumba yingisa mayi waye, ma na rumbudwa khu vamahigonganye, ma rothedwa khu sifondro nya lighama.

Jeremiya 23:11

Pfhumu Nungungulu a ngu ganela, khuye: “Simbari vaprofeti ni vaphasi nya mhamba; vatshavbo va gu thuma silo nyamba sadi, ni nyumbani gwangu va gu gu nyenyezisa.”

Ezekiyeli 21:25

Uwe muthangeli wewe wa Israyeli, muthu nya guvivbedwe khu monyo ni gumba thava Nungungulu, litshigu lago li nguta, ni gikhati nya tsayiso wago nya mahegiso gi ngu vboha;

Levhi 20:9

Wule a valago babe mwendro mayi waye, a na songwa; kholu a hembulude babe ni mayi waye; novba waye wu na thegela vbatshani gwaye.

Matewu 10:21

Ndruye a na songa ndriyaye; babe a songisa mwanaye; sanana si na wugela vavelegi si va songa.

Varoma 1:30

Va di khala vathu nya guvale, va dzi gira valala va Nungungulu, va nya gu dzi gugumugisa, va nya matshandza, va nya gu nyenya vakwawe, vakutsedzeli nya mayunga, va nyamba yingela vavelegi,

Varoma 4:13

Nungungulu tumbiside ga Abrahama ni ga sanana saye gu va ninga litigo rumba li khala thomba yawe, nasiri khu kota nya gulandrise Nayo, aholu khu gukhodwa gwaye.

Varoma 5:20

Nayo wu tede guta engedzela gighoho. Aholu avbo gighoho gi nga dandra, wuhigo wa Nungungulu wu di engedzela gu dandra ngudzu.

Varoma 6:14

Kha gu vbwetegi gighoho gi fume gambe gwanu, kholu enu kha mu vbanyi gambe vbavbatshi nya Nayo, aholu mwa gu vbanya wuhigoni gwa Nungungulu.

Vagalatiya 3:19

Gasi khu ginani wu vegidwego Nayo? Nayo wu vegidwe khu kota nyamba landrisa mithumo: Gu di vbwetega wu thuma kala gi gu vboha gyanana nya gitumbiso. Nayo wu ningedwe khu dzingilozi mandzani ga mwama moyo a nga vegwa kha nga mutshanganisi.

Vagalatiya 5:18

Gasi enu mwa gu gimbidziswa khu Liphuvbo la Nungungulu, kha mu nga gu fumedwa khu Nayo.

Vagalatiya 5:21

lidiwo, wughevenga, wubewudzi, limidzo, wubhemba ni silo nya nga esi; nyi ngu mi laya, kha nga nyi talago gu mi embela khu gale, kheni: Oyu a girago silo nya nga esi, gima kha na nga hodza thomba nya Mufumo wa Nungungulu.

Vagalatiya 5:23

gu dzi rudzisa, gu hunga monyo. Mwalo Nayo wu dzi kodzago gu wugela silo nya nga esi.

Dhewuteronome 27:16

Libango ga wule a vengago babe mwendro mayi waye. Vathu vatshavbo va na hakha, khavo: “Amen!”

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

1 Thimoti 4:7

Nyenya mitsheketo nya guvivbe ya vagale, u dzi garadza khu gu vbanya gukhodwani.

1 Thimoti 6:20

Gigodwa gyangu Thimoti, vegisa gwadi gukhodwa u gu hakhidego nga thomba. Ndreya ga maganelelo nya litigo ni gu ganedzana khu guti nya malipha.

2 Thimoti 2:16

Hambana ni mabhulo nya guvivbe ma si phasigo gilo, kholu, ma ngu engedzela vathu gumba khodwa.

2 Thimoti 3:2

Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

Tito 1:10

Kholu vomo nya vangi, ngudzungudzu ava va tago khu nayoni nya Vajudha, va gu vawugeli, va pfhadza vakwawe khu maganelelo yawe nya wupumbu.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Tito 1:6

Muthangeli gu vbwetega nari muthu nyambana gihoso ni vathu, a gu ni nyamayi moyo basi; sanana saye siri vakhodwa, nyambana ndruma nya guvivbe ni gumba yingisa.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Vahebheru 11:31

Khu gukhodwa, Rahabhi, nyamayi nya gibhayi, kha songwa gumogo ni vale va ngamba yingela Nungungulu, kholu uye a di hakha vasoli khu gurula.

Vahebheru 12:16

Dzi woneleni, gasi ni moyo nya enu a si khali muthu nya gudange nayo ni gumbana githawo ga silo si agidego, kha nga Esawu a nga rengisa wukoma waye khu gufela mbiya nya guhodze.

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

1 Pedro 3:20

Maphuvbo ya vale va ngamba yingela Nungungulu, gikhati uye a nga virela khu gutimisela, matshigu yale Nowa a nga bani a gu gira litaro. Avo nya vadugwana, nya livbandre na vararu vathu, va nga bani varomo litaroni, khavo va nga vbuluga gufa khu talo nya mati.

1 Pedro 4:18

Nga ulo yi ganelago Milowo nya Guage, khiyo: “Olu gu garadzago gu vbanyiswa ava nya vadi, ginani gi na gu dugelelago ga vale nyamba khodwa ni sighohi?”

Judha 1:15

guta lamula vatshavbo, ni gu tsayisa vatshavbo va si thavigo Nungungulu, khu kotani nya mithumo yawe yatshavbo nya guvivbe, ni magana yawe yatshavbo nya guthise ma ganedwego khu sighohi si ngamba khodwa va nga bani na gu yuyutela khayo.”

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.