1 Thimoti 1:15 - Bhibhiliya Nya Guage

¹⁵ Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

1 Thimoti 1:15 Iomraidhean Croise

Joba 42:6

Khu guralo, nyi ngu dzipwa na nyiri ni nandru, olu nyi ngu dzi laya, khu guphorola nguma ni kudzudzwane.”

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Matewu 18:11

Kholu Mwamana wa Muthu a tede guta vbanyisa iso si nga bani si dzimede.

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Marko 2:17

Jesu, na pwide satshavbo, a di va hakha, khuye: “Khandri vale va gu ni womi va vbwetago nyanga, aholu vadwali. Eni kha nya tela guta rana va nya gululama, aholu, sighohi.”

Luka 15:2

Vafarisi ni vahevbudzi nya Nayo va di ngurangura, khavo: “Oyu mwama a gu hakha sighohi, a hodza naso.”

Luka 19:10

Kholu Mwamana wa Muthu tede guta vbweta ni gu vbanyisa avo va nga bani va dzimede.”

Luka 5:32

Eni kha nya tela guta rana avo va nya gululama aholu, nyi tede guta rana sighohi gasi si dzi laye si wuya ndzilani nya lisine.”

Johane 1:12

Gasi vale vatshavbo va nga li hakhago, va khodwago ga ilo, li di va ninga fanelo nya gukhale sanana sa Nungungulu;

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 12:47

Uye apwago magana yangu, a si ma vegisi, khandreni nyi na mu lamulago, kholu kha nya tela guta lamula litigo, aholu guta li vbanyisa.

Johane 3:36

Uye a khodwago ga Mwanaye a na ni guvbanya nya gupindruge. Gasi uye a si mu yingisigo kha na mana guvbanya, gambe a na tsayiswa khu likhulo la Nungungulu.

Mithumo 11:1

Vapostoli ni vandruye va Judheya va dipwa nya gupwani va nya mayigo navo va hakhide mahungu ya Nungungulu.

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Varoma 11:14

Khu kharato, a gu dzina saye, vambe ni vambe nya lifumbu langu, va na mi dogorela, va ta vbanyiswa.

Varoma 5:6

Kholu, gikhati hi nga bani hiri mwalo tshivba, na gi vbohide gikhati gyaye, Kristo a difa khu kotani gwathu ethu sighohi.

1 Vakorinto 15:9

Kholu eni kheni nyi gu dugwana ga vapostoli, gambe kha nyi faneli gu ranwa mupostoli, khu kotani nyi nga tshanisa Libandla la Nungungulu.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

1 Thimoti 1:13

A nyi girede esi, ambari nyi nga bani nyiri muvali, mutshanisi ni muhembululi. Ambari ulo, nyi mane wuhindzi kholu, nyi di gira khu wuhangi, gikhati nyi nga bani nyi si gu hakhi gukhodwa.

1 Thimoti 1:19

Vegisa gukhodwa ni mapimo nya lisine. Vambe va digide gukhodwa nya gwadi, va dzimeledwa khugo.

1 Thimoti 3:1

La gu ganela lisine lito leli li gukhilo, muthu a gu dogorela gu phara thumo nya guthangele libandla, hathide thumo nya wadi.

1 Thimoti 4:9

Mahungu yaya ma tiyide ngudzu, ma ngu yela gu tumbwa.

1 Thimoti 6:13

Nyi ngu gu lomba, mbeli ga Nungungulu a ningago guvbanya silo satshavbo, ni ga Kristo Jesu a nga ninga wufakazi nya lisine khovbeni ga Pontiyo Pilato.

2 Thimoti 2:11

Li tumbegide lito leli li gukhilo: “Ha gu bani hi fude ni Kristo, hi na vbanya gambe naye.”

Tito 3:8

Gihevbudzo gegi gi tiyide. Nya gu vbweta uwe u simame ni mahungu yaya, gasi vale va khodwago ga Nungungulu, va dzi garadze khu gu gira esi nya sadi. Esi silo khyadi, gambe si ngu phasa vatshavbo.

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

1 Johane 3:5

Enu mu ngu dzitini gukhenu Kristo a di dzi wonegisa gasi guta dusa sighoho sathu, nari gu uye mwalo gighoho.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

1 Johane 5:11

Khu guralo, wufakazi khowu: Nungungulu na hi ningide guvbanya nya gupindruge, a hi ningide guvbanya gogu khu ga Mwamana waye.

Gutuledwa 21:5

Wule a khadego vbagikhalotunu nya wufumu a di tivisa, khuye: “Eni nyi ngu gira siphya silo satshavbo.” A engedza gambe, khuye: “Lova kholu magana yaya ma tumbegide, gambe khya lisine.”

Gutuledwa 22:6

Ngilozi yi di nyi embela, khiyo: “Magana yaya ma tumbegide, khya lisine, kholu Pfhumu Nungungulu a ningago maphuvbo vaprofeti, rumede ngilozi yaye gu ya yeyedza ga sithumi saye silo si guromo vbafuvbi ni gu dugelela.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.