1 Thimoti 1:14 - Bhibhiliya Nya Guage

¹⁴ Gambe wuhigo wa Pfhumu yathu Jesu Kristo wu tade ngudzu, ni gukhodwa ni lihaladzo hi gu nalo ga Kristo Jesu.

1 Thimoti 1:14 Iomraidhean Croise

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Matewu 20:9

Na va vbohide avo va nga belago ni silambo, muthu ni muthu a di hakhiswa tsapawu mweyo.

Mithumo 15:11

Kholu hi ngu khodwa gukhethu ha gu vbanyiswa khu wuhigo wa Pfhumu Jesu, kha nga avo navo.”

Varoma 16:20

Nungungulu nya gurule a na pala Sathane, a mu vega nyamba hwela vbavbatshi nya migondro yanu. Pfhumu yathu Jesu Kristo a na mi kategise.

1 Vakorinto 15:10

Aholu khu wuhigo wa Nungungulu nyi womo kha nga idzo nyi gu idzo. Gambe wuhigo a nyi ningidego, kha nyi ninga mahala. Eni nyi ngu thuma ngudzu guvbindra vatshavbo vapostoli. Ambari ulo khandreni nyi girago esi satshavbo, wuhigo wa Nungungulu wu thumago gumogo ni eni.

1 Vakorinto 3:10

Khu wuhigo nyi ningidwego khu Nungungulu, nyi zamide gu thuma gwadi kha nga muvbahi a wu pimago thumo. Nyi kembide gwadi giseketelo nyi tadza khokhweni, gasi oyu a khusago nyumba mumbe. Aholu muthu ni muthu a na pime edzi a vbahago khidzo.

2 Vakorinto 4:15

Satshavbo sesi sa gu girega khu kotani gwanu, gasi wuhigo wu engedzelane ga vathu nya vangi, gasi gudandrisa wudhumo wa Nungungulu.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Vagalatiya 1:13

Nyi ngu tumba gukheni mu pwide na va gu ganela khu edzi nyi nga bani nyi gu vbanya khidzo na nyi nga gu landrisa nayo wa Vajudha. Mu ngu dzitini gukhenu nyi di gu sanisa khu tshivba Libandla la Nungungulu, nyi zama gu li fuvisa.

1 Vatesalonika 1:3

Hi ngu mati gwadi mavbanyelo nya gukhodwe gwanu, ni gu dzi garadza gwanu khu lihaladzo, ni gutiya gutumbani gwanu mu gu nago khu Pfhumu yathu Jesu Kristo, mbeli ga Nungungulu Babe wathu.

1 Vatesalonika 5:8

Gasi ethu hi lumbago, mihani, ha gu vbanya khu gu dzi phara, hi vhikedwa khu gitshangu nya gukhodwe ni lihaladzo, ni gihugu nya litunga a gu gutumba nya guvbanyiswe.

1 Thimoti 2:15

Aholu, nyamayi a na vbanyiswa khu gu velega sanana, ni guvbanya khu gukhodwa ni lihaladzo ni githawo ni gu dzi phara.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 1:13

Phara khu gutiya ni gukhodwa ni lihaladzo u li manago ga Kristo Jesu, mahungu yaya nya yadi u ma pwidego ga eni, gasi ma khale giyeyedzo gwago.

2 Thimoti 2:22

Uwe u nga hengeli ni madzaha u dogorela esi nyamba yela. Vbweta lisine, ni gukhodwa ni lihaladzo ni gurula ga vatshavbo vale va lombelelago ga Pfhumu khu myonyo yi agidego.

Tito 2:2

Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Johane 4:10

Lihaladzo kheli: Khandri ethu hi nga mu haladzago Nungungulu, uye khuye a nga hi haladzago, a hi rumela Mwamana waye, gasi, khavbo gwaye, hi ditshedzwa sighoho sathu.

Gutuledwa 22:21

Pfhumu Jesu a na tshise wuhigo waye ga enu mwatshavbo. Amen!