1 Thimoti 1:10 - Bhibhiliya Nya Guage

¹⁰ ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

1 Thimoti 1:10 Iomraidhean Croise

Genesi 19:5

Va di rana Loti va mu wudzisa, khavo: “Vomo evbini vama va dzudego ndrangani gwago wutshigu wowu? Va rese eno hita va lala.”

Genesi 37:27

Deluni hi mu rengisa ga va na Ismayeli, kha hi na nga nyenyezisa mandza yathu khu gu mu songa, kholu i ndriyathu, nyama yathu.” Vandriyaye va di dzumela.

Genesi 40:15

Kholu nyi di bidwa tigoni nya Vahebheru, ni omu gambe, nyi dzude nyi ta rinywa pasoni momu nyamba wuti ni nandru nyi ghohidego.”

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Ekisodha 21:16

Uye a bago muthu a mu rengisa, mwendro aya manwa naye ndrangani gwaye, fanede gu songwa.

Hoseya 10:4

Va ganela magana nyamba phasa gilo, va sambanya malipha, va gu gira gidzumeledzwano; khu kotani nya isoso, malamulelo yawe, ma na buga nga mwasi nya kholowe wu hodzago dzimbewu dza mahangeni.

Levhi 18:22

U nga lali ni mwama kwanu u mu gira nyamayi, isoso si nyenyezide ngudzu.

Levhi 20:13

Mwama a gu lala ni mwama kwawe va bhayana, khu wuvili wawe va giride gilo nya gunyenyeze ngudzu; va na songwa khu wuvili wawe. Novba wawe wu na thegela vbatshani gwawe.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Zakariya 8:17

ni moyo wanu a nga pimisi guvivba monyoni gwaye, mu wugelana khu gyanu, ambari gusambanya malipha; kholu Eni nyi ngu si nyenya satshavbo soso; a ngu ganela Pfhumu Nungungulu.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Varoma 1:26

Khu kharato, Nungungulu a va digide va gu thegela gunyenyezani nya esi si tsakisago sivili sawe. Gu di dzega ni vagadzi vakone va diga vama vawe, gasi gu gira iso nyamba yela, si hambanago ni tumbunugo nya wunyamayi wawe.

Dhewuteronome 24:7

A gu manwa muthu wa na Israyeli na gu mola moyo wa vbakari nya vandriyaye nya sanana sa Israyeli, a mu gira kha nga khumbi mwendro gu mu rengisa, mbafa yoyo yi fanede gu songwa. Khu guralo, u na vbedza wuvivbi vbakari gwago.

1 Thimoti 4:6

Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

1 Thimoti 6:3

A gu bani a romo muthu a hevbudzago silo nya guhambane, a si landri sihevbulo nya lisine sa Pfhumu yathu Jesu Kristo, a gu sihevbulo nya gululame,

2 Thimoti 1:13

Phara khu gutiya ni gukhodwa ni lihaladzo u li manago ga Kristo Jesu, mahungu yaya nya yadi u ma pwidego ga eni, gasi ma khale giyeyedzo gwago.

2 Thimoti 4:3

Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.

Tito 1:13

Iso a ganedego lisine. Khu guralo, gu vbwetega u va kawuke khu tshivba gasi va fela gu tiya gukhodwani nya lisine;

Tito 1:9

gu vbwetega oyu a tiyidego, a tumbegidego omu nya sihevbudzo nya lisine, afela gu kodza gu tiyisa vakwawe khu sihevbudzo nya lisine, ni gu kawuka ava va ganedzago sihevbudzo sesi.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Judha 1:7

Gufanana ni Sodhoma ni Ghomora ni mambe madhoropa ya vbafuvbyana mule, avbo va nga dzi ningelago wubhayini ni ga gighoho nya gubhayane khu wama wawe, madhoropa yoyo, ma khade giwonelo ga vathu vatshavbo, ma gu mana tsayiso nya nilo nya gupindruge.

Gutuledwa 18:13

kinamomo, mafura nya gunungele, ni mafura nya gutole, ni libani, ni vbinyu, ni mafura nya guphule khayo, ni wuguvbi, ni tirigu, ni dzimombe, ni dziburu, ni dzinvuta, ni dzikavalu, ni dzikareta, ni dzikhumbi ni vathu.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.