1 Thimoti 1:1 - Bhibhiliya Nya Guage

¹ Eni Pawulo, Mupostoli wa Kristo Jesu, khu gu rumwa khu Nungungulu Muvbanyisi wathu ni Jesu Kristo, gutumba gwathu,

1 Thimoti 1:1 Iomraidhean Croise

Dzindzimo 106:21

Avo va di divala Nungungulu, Muvbanyisi wawe, a nga va girela sisamadziso tigoni ga Egipito.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 43:11

Eni kamwe, kheni Pfhumu Nungungulu, vbavbandze gwangu mwalo mumbe muvbanyisi.

Isaya 43:3

Kholu eni kheni Pfhumu Nungungulu wago, Nyaguage wa Israyeli, Muvbanyisi wago; nyi ningede Egipito, gu khala mudzegisi wago, Etiyopiya ni Sebha wulangani gwago.

Isaya 45:15

Khu lisine, uwe u Nungungulu nya sihalo, uwe u Nungungulu ni Muvbanyisi wa Israyeli.

Isaya 45:21

Ganelani mahungu mu ma pwadza, ni gu ninga wufakazi wanu. Wudzisanani khu gyanu. Khu mani a tivisidego silo sesi gukhugela gikhati gya gale? Gukhugela ga gikhati gile, khu mani a si tivisidego? Ina kamwe khandri eni Pfhumu Nungungulu nyi si giridego, gani? Kholu mwalo mumbe Nungungulu, vbavbandze nya eni, Nungungulu nya gululame ni mutshudzisi, mwalo mumbe vbavbandze ga eni.

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 60:16

U na sela mahwe ya va nya mayigo, u hodza thomba ya vafumeli. Khavbo avbo, u na dziti nya gukhuwe eni kheni Pfhumu Nungungulu, kheni Muvbanyisi ni Mudzegisi wago, nya Dzitshivbe wa Jakobe.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Luka 1:47

ni monyo wangu wu ngu nengela ga Nungungulu, Muvbanyisi wangu,

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 1:1

Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

1 Vakorinto 1:1

Eni Pawulo, nyi ranidwego khu gugola ga Nungungulu gasi nyi khala mupostoli wa Jesu Kristo, gumogo ni ndriyathu Sositene,

1 Vakorinto 9:17

Nari gupwani nya gu thuma thumo nya gu wu khugele khu gudzina gwangu, nyi diri ni fanelo nya guvirele guhakhiswa. Aholu nya gu landrisa basi thumo nyi ningidwego.

2 Vakorinto 1:1

Eni, Pawulo, mupostoli wa Kristo Jesu, khu gugola gwa Nungungulu, ni ndriyathu Thimoti, hi ngu losa ga libandla la Korinto, ni vatshavbo va nya guaga va Nungungulu va guromo Akaya gwatshavbo.

Vagalatiya 1:1

Eni Pawulo, nyi ranidwego gu khala mupostoli, khandri nyi di ranwa khu vathu, mwendro khu guruma nya muthu, aholu nyi di ranwa khu Jesu Kristo ni Nungungulu Babe, a nga wusago Jesu khu ga vafudego;

Vagalatiya 1:11

Vandruye, dzitini gukhenu Ivhangeli nyi mi tivisidego kha yi dugeli ga vathu;

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

1 Thimoti 1:12

Nyi ngu bonga Kristo Jesu, Pfhumu yathu, a nyi ningidego tshivba, a nyi tumbidego a nyi vega thumoni gwaye.

1 Thimoti 2:3

Khidzo gu vbwetegago khidzo. Khidzo a dzinago Nungungulu, Muvbanyisi wathu.

1 Thimoti 2:7

Khiso nyi nga emisedwa ga iso, gu khala muganeli ni mupostoli, ni muhevbudzi, gasi gu hevbudza va nya mayigo gukhodwa ni lisine. Nya gu ganela lisine, kha nyi ganeli malipha.

1 Thimoti 4:10

Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago.

Tito 1:3

Khu gikhati gyakone, tiviside guvbanya gogu khu magana yaye, Mahungu yoyo ma pharisidwe eni; eni nya gu ma huwelela khu guruma gwa Nungungulu, Muvbanyisi wathu.

Tito 2:10

ambari gu va bela. Aholu, dzi na yeyedze gukhidzo dzi tumbegide ga satshavbo dzi girago, gasi gu rungudzwa sihevbudzo hi hakhidego khu ga Nungungulu, Muvbanyisi wathu.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Tito 3:4

Aholu, olu Nungungulu, Muvbanyisi wathu, yeyedzide wuwadi ni lihaladzo laye ga vatshavbo.

Tito 3:6

Nungungulu giride wuhindzi a hi ninga Liphuvbo laye nya Guage khu ga Jesu Kristo Muvbanyisi wathu.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

Judha 1:25

uye a gu Nungungulu moyo basi, Muvbanyisi wathu, a ngu yela gu hakha khu ga Pfhumu yathu Jesu Kristo: Wudhumo, wuzundzo, wugulu, tshivba, wufumu gukhugela guhegulani ga mimela yatshavbo ni olu, kala gupindruga! Amen.