1 Samuweli 9:3 - Bhibhiliya Nya Guage

³ Tshigu mwedo, babe waye Khisi, a di dzimeledwa khu dziburu dzaye. Khisi a di embela mwanaye Sawule, khuye: “Nya guvbweta gukheni u dzege madzaha mavili nya sithumi, mu nyi landrela dziburu dzangu.”

1 Samuweli 9:3 Iomraidhean Croise

Valamuli 10:4

Uye a diri ni magumararu sanana si nga bani si gu khilela magumararu dziburu, na vari ni magumararu madhoropa va nga bani va ma rana khu lina la Havoti-Jayiri kala na muhuno; va guromo tigoni ga Gileyadhi.

Valamuli 5:10

Enu mu khiledego dziburu nya guage, enu mu khalago vbamalawutunu nya wumburi, ni enu mu gimbilago dzindzilani, phalalegisani mahungu yaya.

1 Samuweli 10:14

Babe dugwane waye, a di wudzisa Sawule gumogo ni githumi gyaye, khuye: “Gasi mu di hongode hayi?” Sawule a di mu hakha, khuye: “Hi di landrelede dziburu nya migadzi, aholu avbo hi nga wona nya gukhethu kha hi dzi mani, hi diya ga Samuweli.”

1 Samuweli 10:2

Muhuno avbo u na hambanago ni eni, u na manana ni vama vavili vbafuvbi ni lithowo la Rakeli, tigoni ga Bhejami, dhoropani ga Zeliza, va na gu embela, khavo: Dziburu nya migadzi u nga bani u dzi vbweta dzi manegide, khu guralo, babe wago kha garadzegi gambe khidzo, olu a gu garadzega khu kotani yanu, a ganela, khuye: Nyi na kheni ginani olu khu gyanana gyangu?

1 Samuweli 9:2

A diri ni gyanana nya lidzaha gi nga bani gi gu ranwa khu lina la Sawule, lidzaha nya wumburi ngudzu, vbakari ga va na Israyeli a diri mwalo mumbe nya wumburi nya nga uye; gambe a di laphide guvbindra vatshavbo.

1 Samuweli 9:20

Gasi khu mahungu nya dziburu dzi dzimedego hwane nya matshigu mararu, u nga saniseki monyoni gwago khidzo, kholu dzi manegide. Gasi va na Israyeli ginani va kheviselago, na? Avo khandri va gu khevisela uwe ni ndranga yatshavbo ya babe wago, gani?”

1 Samuweli 9:4

Khavbo avbo, na va tsemakanyide gipandre nya sigomo sa Efrayimi ni litigo la Salisa, kha va nga dzi mana; khu hwane va di gimbilagimbila tigoni ga Sahalime; aholu dzi diri mwalo gambe mule; va di bela gambe tigoni ga Bhejami; iyoyo gambe kha va ngaya dzi mana.