1 Samuweli 9:25 - Bhibhiliya Nya Guage

²⁵ Khu wuvili wawe, va di tshiga gumogo khu gigomoni vaya dhoropani, Samuweli ni Sawule va di bhula na va si gu lali na vari vbatshani nya langwe nya nyumba.

1 Samuweli 9:25 Iomraidhean Croise

2 Samuweli 11:2

Khu limbe litshigu ni silambo, Dhavhidhe a di wuga khu vbadawutunu gwaye, a gimbilagimbila vbatshani nya langwe nya nyumba yaye nya wufumu; khavbo avbo, nari khu vbalangwetunu, a di wona nyamayi na gu hamba; nyamayi yoyu a di mburide ngudzu.

Nehemiya 8:16

Khavbo avbo vathu va diya pila matamo yoyo va ta gira khayo mitshatsha, muthu ni muthu a dita vbaha vbatshani nya langwe yaye ni mitendrelani gwawe, ni dzinyangwani nya Nyumba ya Nungungulu, ni tandralani nya Mwanya nya Mati, ni tandralani nya Mwanya wa Efrayimi.

Jeremiya 19:13

Dzinyumba dza Jerusalema gumogo ni dzinyumba dza vafumeli va Judha, dzi na nyenyeziswa khu sirumbi nya vathu gu fanana ni wulanga wa Tofeti; kholu va na Israyeli va litide vbatshani nya sikoli nya dzinyumba va ya vbisa libani va phasela lidambo, ngima ni dzinyeledzi, vanungungulu nya malipha.

Matewu 10:27

Iso nyi mi embelago mugidemani, si tiviseni safani nya mihani; niso muyago khu gu lembedwa, si pwadzeni khu vbatshani nya dzinyumba.

Matewu 24:17

uye a na gu bani a romo vbatshani nya nyumba a nga tshigi gasi guta dzega gilogyo nyumbani gwaye;

Luka 5:19

Na va yi hamugide khu kotani nya talo nya vathu, va di lita vbatshani nya nyumba, a nga bani a romo Jesu, vaya tshula vbamwambatunu. Na va giride isoso, va di reledza lithatho nya gilima, va li tshisa vbakari ni vbakari, mbeli ga Jesu.

Mithumo 10:9

Gandra ni dzimindru, na vari vbakari nya ndzila, vbafuvbi ni gu vboha, dhoropani ga Jope, Pedro a di lita vbatshani nya nyumba, khu gikhati nya midiya, gasi guya gira nombelo.

Dhewuteronome 22:8

Wa gu vbaha nyumba nya yiphya nya gitezi, u na gira libhiyo likupakupani la gitezi, gasi u si mani nandru nya novba, a gu thega muthu nya gukari khu vbale.

1 Samuweli 9:26

Va di wuga ni dzimindru, na li nga guduga lidambo, Samuweli a di rana Sawule khu vbalangwetunu, khuye: “Wuga, kholu nya guvbweta gu gu vbwelegedza.” Sawule a di wuga, va duga gumogo uye ni Samuweli