1 Samuweli 9:21 - Bhibhiliya Nya Guage

²¹ Sawule a di hakha a ganela, khuye: “Gasi eni khandri nyi wa na Bhejami, nyumba nya yidugwane ga vatshavbo va na Israyeli, gani? Nyumba yangu khandri iyo nya yi dugwane ga lihundzu latshavbo la na Bhejami, gani? Khu ginani u nyi embelago magana nya nga ayoyo?”

1 Samuweli 9:21 Iomraidhean Croise

Dzindzimo 68:27

Mbeli gu thangide Bhejami, nyumba nya yidugwane ga Israyeli, gu landrela dzindruna dza Judha ni gikwata gyawe, khu hwane guta dzindruna dza Zebhuloni ni dza Nafitali.

Dzindzimo 68:28

Yeyedza tshivba yago Nungungulu, tshivba yile u yi thumisago gu hi phasedzela khiyo.

Hoseya 13:1

Avbo Efrayimi a nga bani na gu ganela, vathu va di ndrendremela, a di khusedzidwe tigoni ga Israyeli. Aholu a dzi rwegide nandru khu gu khozela Bhahali, uye fude.

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

1 Samuweli 10:27

Aholu vathu nya guvivbedwe khu monyo, va di ganela, khavo: “A na dzi kodza kharini gu hi vbulugisa mwama yoyu?” Va di mu kanyisa va si dzumeli gu dusa miningelo va mu luva. Aholu Sawule kha nga khathala khavo.

1 Samuweli 14:51

Khisi, a diri babe wa Sawule, gasi Neri, a diri babe wa Abhineri, va diri sanana sa Abhiyeli.

1 Samuweli 15:17

Samuweli a di engedza a mu embela, khuye: “Ambari ulo u nga bani u dzi wona kha nga gyanana guwonani gwago, ina khwa khala muthangeli nya mahundzu yatshavbo ya na Israyeli, ni gu todzwa khu Pfhumu Nungungulu gu khala mufumeli wawe, gani?”

1 Samuweli 18:18

Dhavhidhe a di phindrula Sawule, khuye: “Kheni mani eni, ambari khu mavbanyelo yangu ni ndranga ya babe wangu omu tigoni ga Israyeli, nyo kala nyi khala mwane wa mufumeli.”

1 Samuweli 18:23

Avbo vathumegeli va Sawule va nga ganela mahungu yaya ga Dhavhidhe, uye a di va hakha, khuye: “Ina mwa gu pimisa gukhenu gu dzega gyanana gya mufumeli gilo nya guvbevbuge, gani? Avbo mu nyi wonago gukhenu eni nyi gisiwana nyambana gilo!”

1 Samuweli 9:22

Khavbo avbo, Samuweli a di dzega Sawule gumogo ni lidzaha laye, va bela gumogo naye nyumbani nya guhodzele umo, aya va ninga wulanga nya wuzundzo vbakari nya avo va rambidwego va nga bani vari tengo nya magumararu vathu.