1 Samuweli 9:16 - Bhibhiliya Nya Guage

¹⁶ “Mindru, khu gikhati nya nga egi, nyi na gu rumela mwama moyo wa tigoni ga Bhejami, u na mu todza khu mafura gasi a khala muthangeli wa vathu vangu va Israyeli; uye a na tshudzisa vathu vangu mandzani ga Vafilisitiya; kholu nyi wuyiside maho yangu nyi khedza vathu vangu, huwa yawe yi vbohide kala eno gwangu.”

1 Samuweli 9:16 Iomraidhean Croise

2 Samuweli 3:18

Khu guralo, olu mu emiseni, kholu Pfhumu Nungungulu ganede khu Dhavhidhe, khuye: Khu kotani ya githumi gyangu Dhavhidhe, nyi na vbulugisa vathu vangu va na Israyeli, mandzani ga Vafilistiya, ni ga valala vawe vatshavbo.”

2 Dzipfhumu 20:5

“Bwelela u ya embela Ezekhiya, muthangeli nya vathu vangu, khuwe: Pfhumu Nungungulu wa babe wago Dhavhidhe, a ngu ganela kharati, khuye: Nyi pwide nombelo wago, nyi wona ni marongo yago; nyi na gu vbanyisa; khu litshigu nya wuraru, u na gwela Nyumbani ga Pfhumu Nungungulu.

Dzindzimo 102:1

Pfhumu Nungungulu, yingisa nombelo wangu, gulila gwangu gu na vbohe iyo gwago!

Dzindzimo 106:44

Aholu, gikhati va nga lila, Nungungulu a di vapwa, ata va phasa musigaradzoni gwawe.

Dzindzimo 25:18

Wona gugaradzega ni guvbisega gwangu, u nyi divalela siwono sangu satshavbo.

Mavingu 16:9

Khu monyoni gwaye muthu a ngu pimisa umo a vbwetago guya umo, aholu Pfhumu Nungungulu khuye a mu yeyedzago ndzila.

Jeremiya 32:8

Khu guralo, gu di girega kha nga idzo a ganedego khidzo Pfhumu Nungungulu; a dita Hananeli, mwamana wa babedugwane wangu, ata nyi vbweta pasoni nyi nga bani nyi khothedwe a ta nyi embela, khuye: Olu renga gipeto gyangu gi guromo Anatoti, tigoni ga Bhejami; kholu u na ni fanelo nya gu gi dzege ni gu gi dzegisa. Khavbo avbo, nyi di alakanya gukheni esi a diri magana ya Pfhumu Nungungulu.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 14:20

Khavbo avbo, Sawule ni vatshavbo a nga bani nari navo va di tombana vata litungatunu; Vafilisitiya va di payana khu gyawe khu matshari, gu manega pfilupfilu nya yikhongolo ngudzu.

1 Samuweli 14:23

Litshigu lile, Pfhumu Nungungulu a di vbulugisa va na Israyeli; litunga li di endrelega kala khisikheyi ga Bheti-Avheni.

1 Samuweli 15:1

Samuweli a di embela Sawule, khuye: “Pfhumu Nungungulu a nyi rumede guta gu todza u khala mufumeli wa vathu vaye va na Israyeli. Khu guralo, yingisa magana ya Pfhumu Nungungulu.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”

1 Samuweli 16:3

U na ramba Jese u hongola naye phasotunu; eni nyi na gu yeyedza iso u yelago guya gira, u naya nyi todzela wule nyi na gu yeyedzago.”