1 Samuweli 9:11 - Bhibhiliya Nya Guage

¹¹ Na va gu gwela gu landrisela libhiyo nya lidhoropa, va di manana ni vanyamahegyane va nga bani va gwela guya rega mati, va va wudzisa, khavo: “Ina omu womo mwama nya liwoni, gani?”

1 Samuweli 9:11 Iomraidhean Croise

Genesi 24:11

A di khidzimisa dzingameriya gasi gu dzi hefemudza vbavbandze nya lidhoropa, vbafuvbi ni nambo. A diri silambo, guhwani nya lidambo, gikhati vanyamahegyane va dugago va ya rega mati.

Genesi 24:15

Githumi gi si gu vbedzi gu ganela, Rebheka, gyanana gya Bhetuweli, gyanana gya Milika ngadza Nahori, ndruye wa Abrahama, a di vboha na vbagaride khali yaye.

Genesi 29:8

Va di mu hakha, khavo: “Ahihi. Kha hi dzi kodzi, kala yi tshangana mitshambi yatshavbo. Khavbo hi ndreyisago giwindri gi segago nambo, hi ninga mati mitshambi yi sela.”

Genesi 29:9

Na nga gu bhula navo, a di vboha Rakeli ni tshambi wa babe waye, kholu a diri muhavisi.

Ekisodha 2:16

Muphasi nya mhamba wa Medhiyani a diri ni livbandre na vavili vanyamahegyane, va ngata rega mati va tadza sighowolo gasi gu sedza tshambi wa babe wawe.

Mavingu 24:15

U nga dembeli muthu nya gululame na khade ndrangani gwaye, kha nga idzo a girago muthu nya guvivbedwe khu monyo, ambari gu sasela ni wulanga waye a hefemulago avbo;

Valamuli 5:11

Iyo gu pwalago ligwaha nya sighalala, malangani gu regwago mati, pwadzani mithumo nya gululame ya Pfhumu Nungungulu, mithumo nya gululame a giredego ga avo va vbanyago mitalalani ya tigoni ga Israyeli. Khavbo avbo, vathu va Pfhumu Nungungulu va di vboha kala dzinyangwani nya lidhoropa.

1 Samuweli 9:10

Khavbo avbo, Sawule a di embela lidzaha, khuye: “U ngu ganela gwadi. Olu hongole kala iyoyo.” Va diya dhoropani a nga bani na gu manegela umo muthu wa Nungungulu.