1 Samuweli 8:7 - Bhibhiliya Nya Guage

⁷ Pfhumu Nungungulu, a di phindrula Samuweli, khuye: “Yingisa gilombo gya vathu ni satshavbo va gu embelago, kholu avo kha va kanyisa uwe, aholu va di kanyisa Eni, gasi nyi si fumi vbakari gwawe.

1 Samuweli 8:7 Iomraidhean Croise

Ekisodha 16:8

Mosi a di ganela gambe, khuye: “Pfhumu Nungungulu gupfolani nya lidambo a na mi ningani nyama mu hodza, dzimindrudzile, a na mi ningani guhodza mu hodza mu khura, kholu Pfhumu Nungungulu pwide gu mu bhongela gwanu. Gasi khethu vamani ethu? Enu khandri mwa gu wugela ethu; khu Pfhumu Nungungulu mu Mu wugelago.”

Isaya 66:4

Khu guralo, eni neni nyi na va girela sigaradzo nya sikhongolo, nyi na resa vbatshani gwawe iso si na gu va thelago hwanga; kholu nyi ranide, gambe mwalo a nga nyi hakhago, nyi ganede, gima kha va yingisa; aholu va di gira ugo gu nyenyezidego mbeli gwangu ni gu hatha gu gira iso nyi si si goligo.

Jeremiya 34:14

Hwane nya livbandre na mivili myaga, muthu ni muthu a ngu yela gu tshula ndriyaye nya Muhebheru nga rengisedwago, na gu thumede livbandre na moyo myaga, u ngu yela gu mu tshula. Aholu, vababe vanu kha va nyi yingisa, ambari gu khathala.

Ezekiyeli 2:3

Uye a di nyi embela, khuye: “Mwamana wa muthu, nyi ngu gu rumela ga va na Israyeli, vathu nya guyeyise, va nyi wugedego; avo gumogo ni vababe vawe, kala na muhuno va nga gu nyi wugela.

Ezekiyeli 3:7

Aholu va na Israyeli kha va na nga gu yingisa, kholu avo kha va dzini gu nyi yingisa; kholu vathu vatshavbo va Israyeli, va bangide mihungo ni guvivbedwa khu myonyo.

Mitengo 22:20

Pfhumu Nungungulu a dita ga Bhalahama ni wutshigu a ta mu embela, khuye: “Kha nga vama vovo va dzudego gu ta gu rana, khuga u hongole navo; aholu u na ya gira basi igyo nyi na gu rumago.”

Matewu 10:40

“Uye a mi hakhago, kheni a nyi hakhago; gasi uye a nyi hakhago a ngu hakha Wule a nga nyi rumelago.

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Luka 19:14

Aholu vathu va tigoni mule va di gu mu khalela lidiwo, khu kharato, va di rumela mwango, khavo: ‘Kha hi dzini gu fumedwa khu muthu yoyu.’

Luka 19:27

Gasi khu kotani ya valala vava vangu, va ngamba dzina gu fumedwa kheni, va reseni avba muta va pila migolo na nyi gu va wona.’ ”

Johane 13:16

Khu lisine, nyi ngu mi embelani, kheni: Githumi khandri gikhongolo guvbindra mune waye; kha nga girumwa nigyo, khandri gikhongolo guvbindra oyu gi nga rumwago khuye.

Valamuli 8:23

Gidhiyoni a di va hakha, khuye: Kha nyi na mu fumela, ambari gyanana gyangu; Pfhumu Nungungulu khuye a na gu mu fumelago.

1 Samuweli 10:19

Khu guralo, enu muhuno mu kanyiside Nungungulu wanu, a mi vbulugisidego guvivbani gwanu ni mithumoni yanu yatshavbo, mu mu embela, khenu: Hi emisele mufumeli. Khu guralo, tshanganani mbeli ga Pfhumu Nungungulu khu mahundzu yanu, khu sikwata sanu nya likhumi mazana (1.000).”

1 Samuweli 12:1

Khavbo avbo, Samuweli a di embela va na Israyeli vatshavbo, khuye: Wonani nya gukhenu nyi yingiside gilombo gyanu nya satshavbo iso mu nga nyi lombani, nyi mi emisede mufumeli.

1 Samuweli 12:12

Avbo mu nga wona nya gukhenu Nahasi, mufumeli wa na Amoni, a nguta mu sasela, ambari mu nga bani mu dzitini gukhenu Pfhumu Nungungulu khuye Pfhumu yanu, mu di nyi embela, khenu: Ha gu lomba mufumeli nya gu hi fume;

1 Samuweli 8:22

Khavbo avbo, Pfhumu Nungungulu, a di embela Samuweli, khuye: “Dzumela gilombo gyawe, va emisele mufumeli.” Samuweli a di embela va na Israyeli, khuye: “Muthu ni muthu a na bwelele dhoropani gwaye.”

1 Samuweli 8:8

Va vbanyide kharalo gikhati gyatshavbo gukhugela litshigu nyi va dusidego khu Egipito, kala muhuno, kholu va di nyi diga vaya khozela vambe vanungungulu, khidzo gambe va gu girago nuwe.