1 Samuweli 8:12 - Bhibhiliya Nya Guage

¹² vambe a na va gira dzindruna nya sikwata nya likhumi mazana, vambe nya sikwata nya livbandre magumi; vambe va lima marembwe yaye ni guvbwera dzimbewu dzaye; vambe va pfhula matshari nya nyimbi ni simbi nya dzikareta dzaye.

1 Samuweli 8:12 Iomraidhean Croise

1 Dzipfhumu 4:7

Solomoni a diri gambe ni likhumi na dzimbili dzindruna a nga dzi emisago tigoni gwatshavbo gwa Israyeli, avo khavo va nga bani va dzi emiside guwonelela satshavbo esi si vbwetegago ga mufumeli ni ndranga yaye yatshavbo. Va di kabana khu migima nya mwaga, moyo ni moyo a di khedzisela ngima waye gasi gu vbweta ni gu resa satshavbo si vbwetegago.

Mitengo 31:14

Mosi a di gorogela vathangeli nya nyimbi, dzindruna nya sikwata nya likhumi mazana, ni dzindruna nya sikwata nya lizana va nga bani va wuya khu nyimbitunu.

1 Samuweli 22:7

Sawule a di va embela, khuye: “Yingisani enu sanana sa Bhejami, ina mwa gu pimisa gukhenu mwamana wa Jese a na mi ninga mayigo yatshavbo nya marembwe nya guyale miuvha, gani? Ina a na mi ninga mwatshavbo gu khala vathangeli nya sikwata nya likhumi mazana (1.000), ni lizana (100), gani?

1 Samuweli 8:13

A na dzega vanyamahegyane vanu, va khala vapfangi nya mafura nya gunungele, vaphuli nya guhodza ni vagiri nya mikati.