1 Samuweli 7:9 - Bhibhiliya Nya Guage

⁹ Khu guralo, Samuweli a di dzega ginvutana nya gu bani na gi nga gu mama, a gira phaso nya guvbiswe ga Pfhumu Nungungulu; Samuweli a di lila ga Pfhumu Nungungulu wa Israyeli, ni Pfhumu Nungungulu, a di mu hakha.

1 Samuweli 7:9 Iomraidhean Croise

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 99:6

Mosi ni Aroni va diri vbakari nya vaphasi vawe nya mhamba, Samuweli moyo nya avo va nga rungudza lina laye, avo va di gu rana Pfhumu Nungungulu, uye a va hakha.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Levhi 22:27

“Gwa gu velegwa gimombyana, mwendro ginvutana, mwendro giphongwana gi na khala ni mayi wakone livbandre na mavili matshigu; gukhugela eli nya livbandre na mararu matshigu nya guvelegwe gwaye, wa gu gi ningela ga Pfhumu Nungungulu kha nga phaso nya guvbiswe, gi na hakhwa gwadi.

Dhewuteronome 9:26

Nyi di lombelela ga Pfhumu Nungungulu, nyi ganela, kheni: Ama Pfhumu Nungungulu! U nga mbembisi vathu vago, a gu thomba yago gambe, U va dzegisidego khu wugulu wago, U va dusidego khu tigoni ga Egipito khu mandza yago nya tshivba.

Jakobe 5:16

Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.

Valamuli 6:26

Khu hwane girela giluvelo Pfhumu Nungungulu wago, khu tshokatunu nya gigomo gegi. Gira phaso nya guvbiswe khu gimombyana nya wuvili, eyi i mhamba u na gu yi vbisago khu mapulango nya lidingo nya guage u pidego.”

Valamuli 6:28

Khu guralo, vathu va dhoropani mule, avbo va nga wugago ni mambagugya, va di wona gukhavo giluvelo gya Bhahali gi khungumudwe, ni lidingo li nga bani li romo vbafuvbi gwaye; ni gimombyana nya wuvili gi di vbisedwe vbagiluvelotunu nya giphya.

1 Samuweli 10:8

Aholu uwe u na thanga mbeli gwangu u hongola Giligali, eni neni nyi na relela iyoyo gwago, gasi guta gira phaso nya guvbiswe ni gu ningela miphaso nya gurule; u na khala livbandre na mavili matshigu u nyi virela, kala nyita wonana nago, nyi gu embela iso u yelago gu gira.”

1 Samuweli 12:17

Ina olu khandri gikhati nya guvbwere tirigu, gani? Olu nyi na lombelela ga Pfhumu Nungungulu, a resa mabara ni ndzadzi. Khavbo mu na gu dzitigo ni gu wona wugulu nya gighoho gyanu mbeli ga Pfhumu Nungungulu, kholu mu nga lombani mufumeli.

1 Samuweli 16:2

Samuweli a di hakha, khuye: “Nyi na hongola kharini? Kholu Sawule a gu dziti a na nyi songa.” Khavbo avbo, Pfhumu Nungungulu a di ganela, khuye: “Dzega gimombyana u hongola nagyo u ya mu embela, khuwe: Nya guta ningela phaso ga Pfhumu Nungungulu.

1 Samuweli 2:35

Eni nyi na emisa muphasi nya mhamba a tumbegidego, a na girago satshavbo si na godwago khu monyo wangu ni hefemulo wangu; nyi na mu girela nyumba nya gutiye, uye a na vbanya gikhati gyatshavbo mbeli ga uye a todzidwego khu mafura yangu kala gupindruga.

1 Samuweli 7:17

Aholu uye a di bwelela a wuya Rama, kholu ndranga yaye yi diri mule, khiyo a nga bani a lamulela iyo va na Israyeli, a vbaha umo giluvelo gya Pfhumu Nungungulu.

1 Samuweli 9:12

Avo va di va hakha, khavo: Ina kha mu mu woni wule mbeli gwanu; vbiredzani, muhuno dzude dhoropani; kholu a gu litshigu vathu vayago va ya ningela miphaso wulangani nya gigomo.