1 Samuweli 7:3 - Bhibhiliya Nya Guage

³ Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”

1 Samuweli 7:3 Iomraidhean Croise

Genesi 35:2

Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala.

1 Dzipfhumu 11:33

Nyi na gira kharato kholu va nyi pfhurarede vaya khozela Asitaroti, nungungulu wa Vasidhoni, ni Khemosi nungungulu wa va na Mowabhi, ni Milikomu, nungungulu wa sanana sa Amoni, va si gimbili khu dzindzila dzangu, gasi va gira silo nya gululame mahoni gwangu, ni guti milayo ni sileletelo sangu, kha nga babe waye Dhavhidhe.

1 Dzipfhumu 8:48

va gu vbindrugedza, va wuya avbo gwago khu monyo wawe watshavbo, ni hefemulo wawe watshavbo, na vari khu tigoni momo ga valala vawe va va vbagedego vaya va gira dzikhumbi, va gu lombelelela na va khedzide phuvbo ga litigo u ningidego vababe vawe, ga lidhoropa leli u li hathidego, ni ga nyumba yeyi nyi vbahedego lina lago;

2 Dzipfhumu 17:39

Aholu mu na khozela Pfhumu Nungungulu wanu, Uye a na mi vbulugisani mandzani ga valala vanu vatshavbo.”

2 Dzipfhumu 23:15

Ambari ni giluvelo nigyo gi bani giri Bheteli ni wulanga nya gukhugege uwo wu nga girwago khu Jerobhowamo, mwamana wa Nebhati, uye a nga ghohisa vatshavbo va na Israyeli; gumogo ni giluvelo gyogyo, ni wulanga nya gukhugege si di khungumudwa, nyumba yakone a yi vbisa yi khala nguma, a vbisa gifananiso gya Asitaroti.

1 Dzikoronika 22:19

Olu mu vbweteni Pfhumu Nungungulu wanu khu monyo watshavbo ni hefemulo wanu watshavbo; olu dzi ningeleni mu vbaha Nyumba nya Guage ya Pfhumu Nungungulu, gasi Ngasa nya Gidzumeledzwano gya Pfhumu Nungungulu ni sombo satshavbo nya Guage, si reswa nyumbani momu yi na gu vbahedwago lina la Pfhumu Nungungulu.”

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 19:3

Ambari khu guralo, u di thumide silo nya sadi, kholu u duside tigoni madingo nya vanungungulu nya sifananiso, u vbweta Pfhumu Nungungulu khu monyo wago watshavbo.

2 Dzikoronika 20:33

Ambari khu guralo, malanga nya sigomo kha ma nga khungumudwa, kholu vathu va di si gu tiyisi gwadi myonyo yawe guvbweta Nungungulu wa vababe vawe.

2 Dzikoronika 30:19

a dongisedego monyo waye, gu vbweta Pfhumu Nungungulu, Nungungulu wa vababe vawe; ambari na va sa agiswa mayelano ni fanelo ya Nyumbani nya Guage.”

Mavingu 16:1

Muthu khuye a lugago makungo khu monyoni gwaye, aholu phindrulo nya lisine ya guta khu ga Pfhumu Nungungulu.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 36:3

“A gu dzina saye, vathu va nyumbani ga Judha va napwa makungo nya dzimhango nyi vbwetago gu va resela, mwendro saye muthu ni muthu a na vbindrugedza ndzilani gwaye nyambasi yadi, nyi kodza gu va tsetselela guvivba ni sighoho sawe.”

Jeremiya 4:1

Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Ezekiyeli 14:6

Khu guralo, embela va na Israyeli, khuwe: Mune Pfhumu Nungungulu a ngu ganela kharati, khuye: Dzi layeni! Mu hambana ni sifananiso sanu ni gu diga mithumo yanu yatshavbo nya gunyenyeze.

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Matewu 15:8

Vathu vava va gu nyi rungudza khu likana, aholu myonyo yawe yomo hwindzo ni eni.

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Luka 4:8

Jesu a di mu hakha, khuye: “Duga, Sathane, gu lovidwe, pwani: ‘U na khozela Pfhumu Nungungulu wago. Khuye basi u na gu mu phaselago.’ ”

Johane 4:24

Nungungulu Liphuvbo, khu kharato, vakhozeli vaye gu vbwetega va mu khozela khu Liphuvbo ni lisine.”

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 13:4

Enu mu na landrela Pfhumu Nungungulu wanu, mu na mu ninga githawo; mu na vegedza milayo yaye, mu yingisa lito laye, mu hidzimela avbo gwaye.

Dhewuteronome 4:29

Khu iyoyo, u naya vbweta Pfhumu Nungungulu wago, gambe u na mu mana, wa gu mu vbweta khu monyo wago watshavbo, ni hefemulo wago watshavbo.

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

Josuwa 13:31

ni gipandre gya Gileyadhi, Asitaroti ni Edhireyi, madhoropa ya mufumo wa Ogi, tigoni ga Bhasani, aya ma di ningedwa sanana sa Makiri, mwamana wa Manasi, gipandre gya sanana sa Makiri, gukhedza khu mapango yawe.

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

Josuwa 24:23

Gasi olu, dzudzugani hwindzo vanungungulu nya malipha va guromo vbakari gwanu mu neredza myonyo yanu ga Pfhumu Nungungulu wa Israyeli.

Valamuli 10:16

Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.

Valamuli 10:6

Khavbo avbo, va na Israyeli va di engedza gu gira ugo gu vivbidego mahoni ga Pfhumu Nungungulu ni gu khozela Vabhahali, ni Asitaroti, vanungungulu va Siriya, vanungungulu va Sidhoni, vanungungulu va Mowabhi, vanungungulu va sanana sa Amoni ni vanungungulu va Vafilisitiya. Kha nga olu va digidego Pfhumu Nungungulu va si mu khozeli,

Valamuli 2:11

Khavbo avbo, va na Israyeli va di gira guvivba mahoni ga Pfhumu Nungungulu, va khozela vanungungulu nya Vabhahali.

Valamuli 2:13

Va digide Pfhumu Nungungulu, va khozela Bhahali ni sifananiso sa Asitaroti.

1 Samuweli 31:10

Va di vega matshari ya Sawule, nyumbani ga Asitaroti, nungungulu nya nyamayi, girumbi gyaye va gi vbayega vbalibhiyotunu la Bheti-Seyani.