1 Samuweli 6:6 - Bhibhiliya Nya Guage

⁶ Khu ginani mu bangisidego myonyo yanu, kha nga Vagipiti ni Faro va nga bangisa myonyo yawe? Avo kha va va diga va hongola gikhati Pfhumu Nungungulu a nga va tshanisa khu tsayiso yaye, gani?

1 Samuweli 6:6 Iomraidhean Croise

Joba 9:4

Uye a na ni monyo nya guti, ni tshivba yaye yikhongolo ngudzu, khu mani a lingidego gu dwana Naye a dugelela?

Dzindzimo 95:8

mu nga bangisi myonyo yanu, kha nga edzi va nga gira vababe vanu tigoni gwa Meribha litshigu lile nya masaha giwulani.

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 14:17

Eni nyi na bangisa myonyo ya Vagipiti, va fela gubela va va landra, nyi na pwala gidhumo khu kotani nya esi nyi na girago ga Faro ni ga mabutho yaye yatshavbo nya nyimbi, ni dzikareta ni vakhileli nya dzikavalu.

Ekisodha 14:23

Vagipiti va di va landra khu hwane: Dzikavalu dzatshavbo dza Faro, ni dzikareta dzaye nya nyimbi ni vakhileli nya dzikavalu, va di bela navo kala vbakari nya yiphwa.

Ekisodha 4:21

Pfhumu Nungungulu a di ganela ga Mosi, khuye: “Ndzilani gwago nya gubwelele tigoni ga Egipito, wona siliwugiso nyi vegidego mandzani gwago; u na si gira satshavbo mbeli ga Faro, Eni nyi na bangisa monyo waye.” “Uye kha na diga vathu va duga.”

Ekisodha 7:13

Ambari ulo, monyo wa Faro wu di banga, a bomba gu yingisa Mosi ni Aroni kha nga idzo a nga ganelago Pfhumu Nungungulu.

Ekisodha 7:14

Khavbo avbo, Pfhumu Nungungulu a di embela Mosi, khuye: Monyo wa Faro wu bangide. A ngu bomba gu diga vathu va duga.

Ekisodha 8:15

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo Pfhumu Nungungulu.

Ekisodha 8:32

Aholu Faro a di engedza gambe gu bangisa monyo waye, a bomba gu tshula vathu va hongola.

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Ekisodha 9:34

Faro na wonide gukhuye ndzadzi yi khamugide gumogo ni mabara ni maralala, a di simamisa a ghoha khu gu dzi bangisa monyo waye uye ni sithumi saye.

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Vahebheru 3:13

Aholu, tiyiselanani khu gyanu, gikhati gyatshavbo, na mu nga gu vbanya ga litshigu li ranwago pwani “Muhuno” li thudwago khu Milowo nya Guage. Girani esi, gasi ni moyo wanu a si sengwi khu gighoho a banga hungo.