1 Samuweli 6:3 - Bhibhiliya Nya Guage

³ Avo va di va hakha, khavo: “Avbo mu na bweledzago Ngasa ya Nungungulu wa Israyeli, mu nga yi bweledzini mahala, aholu yi bweledzeni ga Nungungulu waye, khu ningelo nya ditshedzo; khavbo avbo, mu na vbanyiswa, khu guralo, mu na dziti nya gukhenu khu ginani mandza yaye ma ngamba duga vbakari gwanu.”

1 Samuweli 6:3 Iomraidhean Croise

Joba 10:2

Nyi na embela Nungungulu, kheni: “U nga nyi rwegi nandru, nyi yeyedze igyo nyi gu ghohedego.

Ekisodha 23:15

U na vegisa Buzo nya Sibaba nyambana Mela. U na vbedza livbandre matshigu na wu gu hodza sibaba nyamba thedwa mela, kha nga idzo nyi gu layidego khidzo, ga gikhati gi vegidwego ga ngima nya Abhibhi; kholu khuwo u dugidego khu tigoni ga Egipito. Ni moyo a nga hidzimeli vbafuvbi gwangu nari liphanga mandzani gwaye.

Ekisodha 34:20

Aholu matiwula nya buru, u na ma dzegisa khu nvutana, wa gumba ma dzegisa u na ma funya thamo. Matiwula nya sanana sanu mu na ma dzegisa gikhati gyatshavbo; kha mu na hidzimela vbafuvbi gwangu na mwa sa phara gilo mandzani.

Ekisodha 8:15

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo Pfhumu Nungungulu.

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Levhi 6:6

Fanede gu hatha nvuta nyamba hasa ya tshambini gwaye a resa ga muphasi nya mhamba, gasi gu gira mhamba nya gulivbe nandru ga Pfhumu Nungungulu, gukhedza khu tengo wu vegidwego gasi gu gira phaso nya gulivbe nandru.

Dhewuteronome 16:16

Vama vatshavbo va na gyanu, va fanede guya dzi wonegisa mbeli ga Pfhumu Nungungulu wago, nyondro tharu khu mwaga wulangani a na wu hathago, khu Buzo nya Sibaba nyambana Mela, ni ga Buzo nya Dzisemana, ni ga Buzo nya Mitshatsha; aholu u nga hongoli nyamba phara gilo mandzani gwago mbeli ga Pfhumu Nungungulu;

1 Samuweli 5:11

Khavbo avbo, va di rumela myango, va tombanisa manganagana yatshavbo nya Vafilisitiya, khavo: “Bweledzani Ngasa ya Nungungulu wa Israyeli, mu yi yisa wulanga waye, gasi yi si hi songi ethu gumogo ni va na gyathu.” Kholu yi diromo nyenganyenga nya lufu dhoropani gwatshavbo, gyandza gya Nungungulu gi di tsayisa khu tshivba ni tshivba dhoropani mule.

1 Samuweli 5:7

Avbo vathu va Asidhodhi, va nga wonago nya gukhavo vomo kharato, va di ganela, khavo: “Hi nga khali ni Ngasa ya Nungungulu wa Israyeli; kholu mandza yaye ma ngu hi lemela ngudzu ma bwelo khavbo ma lemela ni Dhagoni, nungungulu wathu.”

1 Samuweli 5:9

Hwane nya gu bani va yi vbohiside iyoyo, mandza ya Pfhumu Nungungulu, ma di wugela lidhoropa lile; gu di dugelela dzimhango nya dzikhongolo ngudzu dzi sasela vathu va dhoropani mule, gukhugela nya vadugwane kala vakhongolo, vatshavbo va di dwala khu sithunya.

1 Samuweli 6:8

Khavbo avbo, mu na dzega Ngasa ya Pfhumu Nungungulu, mu yi thela karetani, vbafuvbi gwaye vegani khofiri, umo mu na thelago umo sifananiso nya ndralama, mu yelago guya ningela khiso kha nga ningelo nya ditshedzo; mu yi diga yi hongola.

1 Samuweli 6:9

Yi khedzeni; avbo yi belago khu ndzila nya guthonone tigoni ga Bheti-Semesi, hi na dziti nya gukhethu khu Pfhumu Nungungulu wa Israyeli a hi resedego libango leli nya likhongolo; gasi ya gumba hongola iyoyo, hi na dziti nya gukhethu khandri gyandza gyaye gi nga hi saselago, aholu silo si nga dugelelago basi.”