1 Samuweli 5:9 - Bhibhiliya Nya Guage

⁹ Hwane nya gu bani va yi vbohiside iyoyo, mandza ya Pfhumu Nungungulu, ma di wugela lidhoropa lile; gu di dugelela dzimhango nya dzikhongolo ngudzu dzi sasela vathu va dhoropani mule, gukhugela nya vadugwane kala vakhongolo, vatshavbo va di dwala khu sithunya.

1 Samuweli 5:9 Iomraidhean Croise

Dzindzimo 78:66

A di khozisa valala vaye va bwelela hwane, va thavela muphelo khu dzitshoni ni gu padwa.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Dhewuteronome 2:15

Gyandza gya Pfhumu Nungungulu gi di romo vbatshani gwawe, kala va mbembiswa vatshavbo vbakari nya lizumbo.

1 Samuweli 12:15

Aholu, mwa gumba yingisa lito la Pfhumu Nungungulu, mu hambana ni sileletelo saye, gyandza gya Pfhumu Nungungulu, gi na mi wugela kha nga idzo a nga wugelago khidzo vababe vanu.

1 Samuweli 5:10

Khavbo avbo, va di rumela Ngasa ya Nungungulu tigoni ga Ekroni. Khu guralo, gu di girega gu, na yi vbohide tigoni mule, vathu va Ekroni va di samala va ganela, khavo: “Va di resa eno gwathu Ngasa ya Nungungulu wa Israyeli, gasi guta songa ethu gumogo ni va na gyathu.”

1 Samuweli 5:11

Khavbo avbo, va di rumela myango, va tombanisa manganagana yatshavbo nya Vafilisitiya, khavo: “Bweledzani Ngasa ya Nungungulu wa Israyeli, mu yi yisa wulanga waye, gasi yi si hi songi ethu gumogo ni va na gyathu.” Kholu yi diromo nyenganyenga nya lufu dhoropani gwatshavbo, gyandza gya Nungungulu gi di tsayisa khu tshivba ni tshivba dhoropani mule.

1 Samuweli 5:6

Aholu mandza ya Pfhumu Nungungulu ma di tsayisa khu tshivba vathu va Asidhodhi; a va bayisa khu sithunya, dhoropani ga Asidhodhi gumogo ni tigoni gwaye gwatshavbo.

1 Samuweli 6:11

Va di dzega Ngasa ya Pfhumu Nungungulu va yi thela karetani, gumogo ni khofiri yi gu ni sifananiso nya magondzo ni sithunya nya ndralama.

1 Samuweli 7:13

Khu kharati, Vafilisitiya va di poyidwa; avo gima kha va nga wuya gambe vata bela tigoni ga Israyeli, kholu Pfhumu Nungungulu a di va sasela khu mandza gyaye matshigu yatshavbo nya guvbanye ga Samuweli