1 Samuweli 5:7 - Bhibhiliya Nya Guage

⁷ Avbo vathu va Asidhodhi, va nga wonago nya gukhavo vomo kharato, va di ganela, khavo: “Hi nga khali ni Ngasa ya Nungungulu wa Israyeli; kholu mandza yaye ma ngu hi lemela ngudzu ma bwelo khavbo ma lemela ni Dhagoni, nungungulu wathu.”

1 Samuweli 5:7 Iomraidhean Croise

2 Samuweli 6:9

Litshigu lolo Dhavhidhe a di thava Nungungulu; a ganela, khuye: “Olu yi na bela kharini nyumbani gwangu Ngasa ya Pfhumu Nungungulu?”

1 Dzikoronika 15:13

Khu guralo, olu guhegulani mu ngamba manegani, Pfhumu Nungungulu wathu a hi vetide, kholu kha ha landrisa sileletelo a hi leletedego.”

Ekisodha 10:7

Khavbo avbo, sithumi sa Faro si di mu embela, khiso: “Kala lini sathu na hi gu tshaniswa khu mwama yoyu? Tshula vathu vava va hongole va ya khozela Pfhumu Nungungulu wawe. Ina khu woni gukhuwe Egipito gu ngu mbemba, gani?”

Ekisodha 12:33

Vagipiti va di gurumedza vathu gu duga khu tigoni gwawe, kholu va di khavo: “Hi nafa hatshavbothu!”

Ekisodha 8:28

Khavbo avbo, Faro a di ganela, khuye: “Eni nyi na mi tshula mu hongola, gasi mu ya ningela dzimhamba nya miphaso ga Pfhumu Nungungulu wanu giwulani; aholu, mu nga hongolini hwindzo ngudzu. Nyi lombeleleni neni!”

Ekisodha 8:8

Faro a di rana Mosi ni Aroni a va embela, khuye: “Lombelelani ga Pfhumu Nungungulu gasi a duse vanyakhele avbo gwangu ni ga vathu vangu, eni nyi na tshula vathu va duga gasi va ya ningela miphaso nya dzimhamba ga Pfhumu Nungungulu.”

Ekisodha 9:28

Lombelelani ga Pfhumu Nungungulu, kholu hi garade, gasi gu si manegi gambe mabara ni maralala nya guthise ngudzu. Eni nyi na mi tshulani mu hongola nyamba himbedzedwa khu gilo.”

Jeremiya 46:25

Pfhumu Nungungulu nya Tshivba Yatshavbo, Nungungulu wa Israyeli, a ngu ganela, khuye: Nyi na tsayisa Amoni wa No, Faro ni Egipito, vanungungulu vaye ni vafumeli vaye; nyi na tsayisa uye mune Faro ni vale va mu tumbago.

Jeremiya 48:7

Kholu, kha nga u tumbago sigiro sago ni dzithomba dzago, uwe nuwe u na wandrwa. Kemosi u na vbagedwa u yiswa wugumbitunu, gumogo ni vaphasi nya mhamba ni vathangeli vago.

1 Samuweli 4:8

Libango lathu! Khu mani a na hi vbulugisago mandzani ga vanungungulu vava nya tshivba? Khavo vanungungulu vovo va nga bayisa Vagipiti khu mitungu yatshavbo nya guhambanelane giwulani.

1 Samuweli 5:6

Aholu mandza ya Pfhumu Nungungulu ma di tsayisa khu tshivba vathu va Asidhodhi; a va bayisa khu sithunya, dhoropani ga Asidhodhi gumogo ni tigoni gwaye gwatshavbo.

1 Samuweli 5:8

Khavbo avbo, va di rumela myango guya ramba manganagana yatshavbo nya Vafilisitiya, va ma wudzisa, khavo: “Hi na gira ginani khu Ngasa ya Nungungulu wa Israyeli?” Avo va di hakha, khavo: “Yi na dzegwe Ngasa ya Nungungulu wa Israyeli, yi yiswa Gati.” Va di rwala Ngasa ya Nungungulu wa Israyeli, va vbindra khu lidhoropa ni lidhoropa, kala va yi vbohisa Gati.

1 Samuweli 6:20

Khavbo avbo, vathu va Bheti-Semesi, va di ganela, khavo: Khu mani a yelago gu ema mbeli ga Pfhumu Nungungulu, Nungungulu yoyu nya gukatege? Ngasa yaye hi na yi rumela hayi gasi yi kodza gu manega hwindzo nethu?