1 Samuweli 5:6 - Bhibhiliya Nya Guage

⁶ Aholu mandza ya Pfhumu Nungungulu ma di tsayisa khu tshivba vathu va Asidhodhi; a va bayisa khu sithunya, dhoropani ga Asidhodhi gumogo ni tigoni gwaye gwatshavbo.

1 Samuweli 5:6 Iomraidhean Croise

Genesi 41:31

Tigoni gima kha va na dundruga gambe gikhati nya gufume, khu kotani nya ndzala yi na handzamedzago, kholu yi na bani yiri yikhongolo ngudzu.

Joba 31:3

Ina gumbembiswa, khandri gu di emisedwa va nya gu vivbedwa khu myonyo, ni dzimhango kha dzi thegeli avo va girago guvivba, gani?

Dzindzimo 145:20

Pfhumu Nungungulu a ngu vhikela vatshavbo va mu golago: Aholu vatshavbo va nya guvivbedwa khu monyo va na mbembiswa.

Dzindzimo 147:6

Pfhumu Nungungulu a ngu khusedza va nya gusolega, a gu tshisa vbavbatshi va nya myonyo nya guvivbe.

Dzindzimo 32:4

Kholu wutshigu ni mihani mandza yago ma di nyi lemela, tshivba yangu yi di vbela khu guvbisa nya lihani.

Dzindzimo 78:66

A di khozisa valala vaye va bwelela hwane, va thavela muphelo khu dzitshoni ni gu padwa.

Ekisodha 9:3

wona gukhuwe gyandza gya Pfhumu Nungungulu gi na bayisa mitshambi yago yi guromo mapanini, gi bayisa dzikavalu, dziburu, dzingameriya, dzimombe ni dzinvuta; wu na bani wuri tungu nya wukhongolo ngudzu.

Mithumo 13:11

U ngu wona, Pfhumu a na khusa gyandza gyaye a gu veta. U na khala gikhumu ndrani nya gikhatinyana, nyamba wona safa nya lidambo.” Khu gikhati gyogyo gu di phuma, gu manega gidema mahoni gwaye. A di gimbila khu gu phuphuthela a vbweta muthu nya gu mu phare kunga.

Dhewuteronome 28:27

Pfhumu Nungungulu a na gu veta khu mitungu ya tigoni ga Egipito; gumogo ni sithunya ni mbatata, ni gighwere ni gu dzi tshuvela si si kodzwigo gu halawugiswa.

1 Samuweli 5:11

Khavbo avbo, va di rumela myango, va tombanisa manganagana yatshavbo nya Vafilisitiya, khavo: “Bweledzani Ngasa ya Nungungulu wa Israyeli, mu yi yisa wulanga waye, gasi yi si hi songi ethu gumogo ni va na gyathu.” Kholu yi diromo nyenganyenga nya lufu dhoropani gwatshavbo, gyandza gya Nungungulu gi di tsayisa khu tshivba ni tshivba dhoropani mule.

1 Samuweli 5:7

Avbo vathu va Asidhodhi, va nga wonago nya gukhavo vomo kharato, va di ganela, khavo: “Hi nga khali ni Ngasa ya Nungungulu wa Israyeli; kholu mandza yaye ma ngu hi lemela ngudzu ma bwelo khavbo ma lemela ni Dhagoni, nungungulu wathu.”

1 Samuweli 5:9

Hwane nya gu bani va yi vbohiside iyoyo, mandza ya Pfhumu Nungungulu, ma di wugela lidhoropa lile; gu di dugelela dzimhango nya dzikhongolo ngudzu dzi sasela vathu va dhoropani mule, gukhugela nya vadugwane kala vakhongolo, vatshavbo va di dwala khu sithunya.