1 Samuweli 5:4 - Bhibhiliya Nya Guage

⁴ Avbo va nga wuga ni mambagugya nya litshigu li landrelago, na gu ngari dzimindru, va di ya wona gambe Dhagoni na tsitside khu khovbe vbavbatshi a lala mbeli nya Ngasa ya Pfhumu Nungungulu; hungo wa Dhagoni ni mandza yaye ya mavili na ma pilegide, na siri vbavbatshi nya nvunvuri vbamwanyatunu; givili na gi tshade genga.

1 Samuweli 5:4 Iomraidhean Croise

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Isaya 40:20

Uye a hamugago, a gu hatha simbo nyamba hina a dzi hathela meseri a wutigo gwadi thumo, guta mu vatela gifananiso gi na gumba tsekatseka.

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 10:14

Vatshavbo va si wonago va gu samala va si pimi gilo; vapfhuli vatshavbo va khala dzitshoni khu kotani nya sifananiso sawe nya guvatwe; kholu sifananiso va si pfhudego khya malipha, iso si mwalo hefemulo.

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Dhaniyeli 11:8

A na phanga gambe ni vanungungulu vaye, ni mwandra nya sifananiso saye, ni sombo saye nya lisima nya parata ni ndralama, a va vbagela a va yisa Egipito. Khu hwane nya myaga nya gukari, uye kha na nga dhumela mufumeli wa Wuronga.

Mikeya 1:7

Sithombe saye satshavbo nya guvatwe, si na khungumuledwa ni satshavbo iso a nga bhindzulago khu wuphuphulu, si na dagarela khu nilo, sithombe saye satshavbo si na khungumuledwa, kholu uye a si wungedzede khu tengo nya wuphuphulu, kha nga hakhelo nya wubhayi waye.

1 Samuweli 6:5

Khu guralo, girani sifananiso nya sithunya ni magondzo ma saselago litigo lanu, mu ninga wudhumo ga Nungungulu wa Israyeli; khu guralo, Uye a na dusa gyandza gyaye vbatshani gwanu, ga nungungulu wanu ni ga litigo lanu.