1 Samuweli 4:3 - Bhibhiliya Nya Guage

³ Avbo va widego lizumbotunu vale va nga tshalago, madhota ya Israyeli ma di ganela, khayo: “Khu ginani Pfhumu Nungungulu a hi digidego muhuno hi padwa khu Vafilisitiya? Hongoleni Silo hi ya dzega Ngasa nya gidzumeledzwano gya Pfhumu Nungungulu, gasi Uye a manege vbakari gwathu, a hi vbulugisa mandzani ga valala vathu.”

1 Samuweli 4:3 Iomraidhean Croise

2 Samuweli 15:25

Khu guralo, mufumeli a di embela Sadhoki, khuye: Bweledza dhoropani Ngasa nya Gidzumeledzwano ya Nungungulu. Nya gu mana wuhigo mbeli ga Pfhumu Nungungulu, uye a na nyi bweledza nyaluphye nyi ya yi wona ni gu wona nyumba yakone.

1 Dzikoronika 17:1

Avbo Dhavhidhe a nga khadzisega gwadi nyumbani gwaye, a di embela Natani, khuye: “Nga wona, eni nya gu lala nyumbani nya guvbahwe gwadi khu mapulango nya sedhari, aholu Ngasa nya Gidzumeledzwano ya Pfhumu Nungungulu yi ngari tshatshani.”

Dzindzimo 74:1

Uwe Nungungulu, khu ginani u hi digelago muphelo? Khu ginani u wuselago likhulo dzinvuta nya tshambi wago?

Dzindzimo 74:11

Khu ginani u dusago gyandza gyago gya nyamudye? Khu ginani u khumbaranago mawogo?

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 58:3

Va gu ganela, khavo: Gwa gu phasa ginani gu hi hala ni gu dzi sodzisa, nari gu uwe khu theli kota khu ethu? Ni gu garadza hefemulo wathu mahala khu isoso? Aholu litshigu mu halago, mwa gu gira iso mu si golago, mu tshanisani sithumi sanu.

Isaya 59:1

Wonani nya gukhenu gyandza gya Pfhumu kha gya khwenyela nya gu tandrege guvbanyisa; ambari ndzeve yaye kha ya segega, nyamba kodza gupwa.

Isaya 59:2

Aholu, guvivba gwanu khugo gu mi hambanisago ni Nungungulu wanu; sighoho sanu si sihide khovbe yaye gasi a si mi yingisi.

Jeremiya 3:16

Pfhumu Nungungulu a ngu ganela, khuye: Mwa gu velegelana mu andra mu tadza litigo, khu matshigu yoyo, vathu kha va na nga ganela gambe khu Ngasa nya Gidzumeledzwano gya Pfhumu Nungungulu! Ambari gu yi dilela mwendro gu yi alakanya; kha va na khathala gambe khiyo mwendro gu gira yimbe.

Jeremiya 7:4

Mu nga dzi kanganyisi khu gu ganelani, khenu: Eyi khu Nyumba ya Pfhumu Nungungulu, eyi khu Nyumba ya Pfhumu Nungungulu, eyi khu Nyumba ya Pfhumu Nungungulu. Khiyo eyi.

Mitengo 10:33

Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Mitengo 10:35

Sikhati yi khugago Ngasa, Mosi a di ganela, khuye: “Khuga Pfhumu Nungungulu U phalalegisa valala vago, vatshavbo vale va gu zondrago va na tutume mbeli gwago.”

Mitengo 31:6

Mosi a di va rumela gudwanatunu, lihundzu ni lihundzu na liri ni likhumi mazana vama, na vari ni Fineya, mwamana wa muphasi nya mhamba Eleyazari, nari ni sombo nya miphaso, ni mipundru nya guwombe gu tiviswa nyimbi.

Dhewuteronome 29:24

Khavbo avbo, va na ganela, khavo: Kholu va nga diga gidzumeledzwano egi Pfhumu Nungungulu wa vababe vawe a giridego navo, gikhati a nga va dusago tigoni ga Egipito;

Dhewuteronome 31:26

“Dzegani Libhuku leli nya Nayo, mu li vega khu wubambe nya Ngasa nya Gidzumeledzwano gya Pfhumu Nungungulu wanu, gasi li khala vbale kha nga fakazi yanu.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

Vahebheru 9:4

Khumo gu nga bani guromo giluvelo nya ndralama, va nga bani va gu vbisela avbo libani. Gu di khala umo ngasa nya gidzumeledzwano nya gugirwe khu ndralama. Ndrani nya ngasa gu diromo gikhalyana nya ndralama ni manaha ni ndronga ya Aroni, eyi yi nga thungago senge, ni siwindri sivili gu nga bani gu lovidwe avbo milayo nya gidzumeledzwano.

Josuwa 4:7

mu na si hakhani, khenu: Avbo Ngasa nya Gidzumeledzwano gya Pfhumu Nungungulu yi nga tshatugago tsongo wa Joridhani, mati yaye ma di kabanega khu vbakari Ngasa ya Pfhumu Nungungulu yi tshatuga. Siwindri sesi si na khala gialakanyiso kala gupindruga ga va na Israyeli.”

Josuwa 6:6

Josuwa, mwamana wa Nuni, a di tombanisa vaphasi nya mhamba, a va embela, khuye: “Rwalani Ngasa nya Gidzumeledzwano, gumogo ni livbandre na vavili vaphasi nya mhamba ni livbandre na mivili mipundru, va thanga mbeli nya Ngasa.”

Josuwa 7:7

Josuwa a di ganela, khuye: “Yowe! Pfhumu Nungungulu, khu ginani u giridego vathu vava va tshatuga tsongo wa Joridhani, gasi guta va ningela mandzani ga Vaamori, va hi mbembisa? A di siri tshukwana na hi khade khu tshatugo wa khisikheyi wa Joridhani, gani?

Josuwa 7:8

Ah! Pfhumu, nyi na kheni ginani? Kholu Israyeli a ningedzede hwambo mbeli ga valala vaye!

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

Judha 1:5

Ambari ulo mu matigo gwadi mahungu yaya, nya gu vbweta gu mi dundrugisa gukheni Pfhumu, hwane nya gu na tshude vathu va na Israyeli, a va dusa tigoni ga Egipito, a di mbembisa vatshavbo ava va ngamba khodwa.

1 Samuweli 1:24

Hwane nya gu na lumude gyanana, a di gi dzega gumogo ni gimombyana nya myaga miraru, ni ndrengo nya wuguvbi ni liboteri nya vbinyu, aya si bikela Nyumbani ga Pfhumu Nungungulu, dhoropani ga Silo. Aholu gyanana gi di bani gi ngari gidugwana ngudzu.

1 Samuweli 14:18

Sawule a di embela Ayiya, khuye: “Nyi resele ngasa ya Nungungulu, kholu khu litshigu lile yi diri ni sanana sa Israyeli.”

1 Samuweli 4:2

Vafilistiya va di dzi dongisela guya dwana ni va na Israyeli, gu di phela litunga, Israyeli a di padwa khu Vafilisitiya, va nga songago gipimo nya magumana mazana (4000) vama, ndrani nya litunga.