1 Samuweli 4:10 - Bhibhiliya Nya Guage

¹⁰ Khavbo avbo, va di phela litunga; va na Israyeli va di padwa, vatshavbo va di tutumela gu hongola magaya gwawe. Gusongetedwa gu diri gungi ngudzu, avbo gu nga songwago gipimo nya magumararu magumi mazana (30.000) vama va na Israyeli.

1 Samuweli 4:10 Iomraidhean Croise

2 Samuweli 18:17

Va di dzega Abhisalamo va ya mu rinya umo nya liphala nya likhongolo vbakari nya likhabi, va di wungedzela siwindri nya singi vbatshani gwaye; va na Israyeli vatshavbo va di tutuma va thava, moyo ni moyo a hongola gaya gwaye.

2 Samuweli 18:7

Va na Israyeli va diya padwa vbale khu vathu va Dhavhidhe; gu di songwa vathu nya gutale ngudzu ga litshigu lolo, nya tengo nya magumavili magumi mazana (20.000) vama.

2 Samuweli 19:8

Khavbo avbo, mufumeli a di khuga aya khala vbamwanyatunu, va ya embela vathu vatshavbo, khavo: “Mufumeli khade vbamwanyatunu.” Khu guralo, vathu vatshavbo va dita dzi wonegisa mbeli ga mufumeli. Aholu, va na Israyeli va di thavide, muthu ni muthu a hongola tshatshani gwaye.

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

1 Dzipfhumu 12:16

Avbo vatshavbo va na Israyeli, va nga wona gukhavo mufumeli kha va yingisi, vathu va di engedza va ninga phindrulo ga mufumeli, khavo: “Gasi giavelo muni hi gi manego ethu ga Dhavhidhe? Thomba muni hi gu nayo ni mwamana wa Jese? Va na Israyeli, bwelelani mitshatshani gwanu! Uwe Dhavhidhe, wonelela wabune ndranga yago!”

1 Dzipfhumu 22:36

Gupfolani nya lidambo, lito li di pwala lizumboni gwatshavbo ga sanana sa Israyeli, li laledza, khilo: “Muthu ni muthu a na bwelele dhoropani gwaye ni tigoni gwaye nya mavelego!”

2 Dzipfhumu 14:12

Judha a di sasedwa khu va na Israyeli, va thava va tutuma, muthu ni muthu aya tshatshani gwaye.

2 Dzikoronika 13:17

Abhiya ni vathu vaye, va di songa vathu nya gutale ngudzu va na Israyeli, gu thega khu gumogo tengo nya livbandre mazana magumi mazana (500.000) vama nya guhathwe.

2 Dzikoronika 25:22

Judha a di padwa khu Israyeli, va thava, muthu ni muthu a hongola gaya gwaye.

Dzindzimo 78:9

Sanana nya lihundzu la Efrayimi, avo va somidego wulaho ni matshari, va diya thava va tutuma litshigu nya nyimbi.

Jeremiya 7:12

Gasi olu, nga hongolani ga wulanga wangu gu nga bani guri dhoropani ga Silo, avbo guhegulani gu nga bani gu khala avbo lina langu, mu ya wona iso nyi li giridego khu kotani nya sighoho sa vathu vangu, va na Israyeli.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Dhewuteronome 28:15

Aholu, wa gumba yingisa lito la Pfhumu, Nungungulu wago, u si khathali khu gu landrisa milayo ni sileletelo saye nyi gu ningago muhuno, dzitshanisa dzi na gutago vbatshani gwago khedzi:

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

1 Samuweli 3:11

Pfhumu Nungungulu a di embela Samuweli, khuye: “Wona, nyi na gira gilo nya gukari ga vathu va Israyeli, gi na thurugisago khu tshivba dzindzeveni ga vatshavbo vale va na gipwago.

1 Samuweli 4:2

Vafilistiya va di dzi dongisela guya dwana ni va na Israyeli, gu di phela litunga, Israyeli a di padwa khu Vafilisitiya, va nga songago gipimo nya magumana mazana (4000) vama, ndrani nya litunga.